Numera 26:1-65
26 Ua mavae le mala,+ ona fetalai mai lea o Ieova iā Mose ma Eleasaro le atalii o Arona le ositaulaga e faapea:
2 “Ia faitau le aofaʻi o le faapotopotoga atoa o atalii o Isaraelu mai i le lua sefulu tausaga agaʻi i luga le matutua, e tusa ma aiga o o latou tamā, o i latou uma ua mafai ona auai i le ʻautau a Isaraelu.”+
3 Ona faapea atu lea o Mose ma Eleasaro+ le ositaulaga iā i latou i le fanua laugatasi o le toafa o Moapi,+ e lata i Ioritana e faafesagaʻi ma Ieriko:+
4 “Ia faitau le aofaʻi o i latou e mai i le lua sefulu tausaga agaʻi i luga le matutua, e pei ona poloaʻi mai ai o Ieova iā Mose.”+
O atalii ia o Isaraelu na ō ese mai i le atunuu o Aikupito:
5 O Reupena le ulumatua+ a Isaraelu; O atalii o Reupena: o Hanoka,+ na tupuga mai ai tagata Hanoka; o Falu,+ na tupuga mai ai tagata Falu;
6 o Esarona,+ na tupuga mai ai tagata Esarona; o Karame,+ na tupuga mai ai tagata Karame.
7 O aiga nei o tagata Reupena ma o i latou ua lesitalaina e toʻafā sefulu tolu afe fitu selau tolu sefulu.+
8 O le atalii o Falu o Eliapo.
9 O atalii o Eliapo: O Nemuelu, Tatano, ma Apiramo. O Tatano+ ma Apiramo+ o tagata ia na masani ona iai i le fono, o ē na fouvale iā Mose ma Arona i le faapotopotoga a Koru,+ ina ua latou fouvale iā Ieova.
10 Na faamaga le gutu o le eleele ma folo ai i latou.+ A o Koru na oti o ia ina ua faaumatia e le afi le faapotopotoga o tane e toʻalua selau lima sefulu.+ Ua fai i latou ma faailoga e lapataʻia ai.+
11 Peitaʻi e leʻi feoti atalii o Koru.+
12 O atalii ia o Simeona+ e tusa ma o latou aiga: O Nemuelu,+ na tupuga mai ai tagata Nemuelu; o Iaminu,+ na tupuga mai ai tagata Iaminu; o Iakinu,+ na tupuga mai ai tagata Iakinu;
13 o Sera, na tupuga mai ai tagata Sera; o Sekulo,+ na tupuga mai ai tagata Sekulo.
14 O aiga nei o tagata Simeona: e toʻalua sefulu lua afe lua selau.+
15 O atalii ia o Kato+ e tusa ma o latou aiga: O Sefiono, na tupuga mai ai tagata Sefiono; o Haki, na tupuga mai ai tagata Haki; o Suni, na tupuga mai ai tagata Suni;
16 o Oseni, na tupuga mai ai tagata Oseni; o Eri, na tupuga mai ai tagata Eri;
17 o Aroti, na tupuga mai ai tagata Aroti; o Areli+ na tupuga mai ai tagata Areli.
18 O aiga nei o atalii o Kato, o i latou ua lesitalaina: e toʻafā sefulu afe lima selau.+
19 O atalii o Iuta+ o Eru+ ma Onani.+ Peitaʻi na feoti Eru ma Onani i le atunuu o Kanana.+
20 O atalii foʻi ia o Iuta e tusa ma o latou aiga: O Selaa,+ na tupuga mai ai tagata Selaa; o Faresa,+ na tupuga mai ai tagata Faresa; o Sera,+ na tupuga mai ai tagata Sera.
21 O atalii foʻi o Faresa: O Esarona,+ na tupuga mai ai tagata Esarona; o Hamulu,+ na tupuga mai ai tagata Hamulu.
22 O aiga nei o Iuta,+ o i latou ua lesitalaina: e toʻafitu sefulu ono afe lima selau.+
23 O atalii ia o Isakara+ e tusa ma o latou aiga: O Tulaga,+ na tupuga mai ai tagata Tulaga; o Puva, na tupuga mai ai tagata Puva;
24 o Iasuvi, na tupuga mai ai tagata Iasuvi; o Semarona,+ na tupuga mai ai tagata Semarona.
25 O aiga nei o Isakara, o i latou ua lesitalaina: e toʻaono sefulu fā afe tolu selau.+
26 O atalii ia o Sepulona+ e tusa ma o latou aiga: O Seretu, na tupuga mai ai tagata Seretu; o Aluna, na tupuga mai ai tagata Aluna; o Ialelu,+ na tupuga mai ai tagata Ialelu.
27 O aiga nei o Sepulona, o i latou ua lesitalaina: e toʻaono sefulu afe lima selau.+
28 O atalii o Iosefa+ e tusa ma o latou aiga o Manase ma Efaraima.+
29 O atalii ia o Manase:+ O Makiro,+ na tupuga mai ai tagata Makiro. O le atalii o Makiro o Kiliata.+ O Kiliata, na tupuga mai ai tagata Kiliata.
30 O atalii ia o Kiliata: O Ieseru,+ na tupuga mai ai tagata Ieseru; o Eleka, na tupuga mai ai tagata Eleka;
31 o Aserieli, na tupuga mai ai tagata Aserieli; o Sekema, na tupuga mai ai tagata Sekema;
32 o Semita,+ na tupuga mai ai tagata Semita; o Eferu,+ na tupuga mai ai tagata Eferu.
33 E leai ni atalii o Selofeata, le atalii o Eferu, ae na o ona afafine,+ o igoa ia o afafine o Selofeata, o Maala, o Noa, o Hakelu, o Meleka, ma Tiresa.+
34 O aiga nei o Manase, ma o i latou ua lesitalaina e toʻalima sefulu lua afe fitu selau.+
35 O atalii ia o Efaraima+ e tusa ma o latou aiga: O Sutelu,+ na tupuga mai ai tagata Sutelu; o Pekaru, na tupuga mai ai tagata Pekaru; o Taana,+ na tupuga mai ai tagata Taana.
36 O atalii ia o Sutelu: O Erana, na tupuga mai ai tagata Erana.
37 O aiga nei o atalii o Efaraima,+ o i latou ua lesitalaina: e toʻatolu sefulu lua afe lima selau. O atalii nei o Iosefa e tusa ma o latou aiga.+
38 O atalii ia o Peniamina+ e tusa ma o latou aiga: O Pela, na tupuga mai ai tagata Pela;+ o Asepelu,+ na tupuga mai ai tagata Asepelu; o Airamo, na tupuga mai ai tagata Airamo;
39 o Sefuama, na tupuga mai ai tagata Sefuama; o Hupima,+ na tupuga mai ai tagata Hupima.
40 O atalii ia o Pela, o Aratu ma Naamanu:+ O Aratu, na tupuga mai ai tagata Aratu; o Naamanu, na tupuga mai ai tagata Naamanu.
41 O atalii nei o Peniamina,+ o i latou ua lesitalaina, e toʻafā sefulu lima afe ono selau.+
42 O atalii ia o Tanu+ e tusa ma o latou aiga: O Suama, na tupuga mai ai tagata Suama. O aiga nei o Tanu+ e tusa ma o latou aiga.
43 O aiga uma o tagata Suama, o i latou ua lesitalaina e toʻaono sefulu fā afe fā selau.+
44 O atalii ia o Asera+ e tusa ma o latou aiga: O Iemina, na tupuga mai ai tagata Iemina;+ o Iesivi,+ na tupuga mai ai tagata Iesivi; o Peria, na tupuga mai ai tagata Peria;
45 o atalii foʻi nei o Peria: O Kaveru, na tupuga mai ai tagata Kaveru; o Mekielu,+ na tupuga mai ai tagata Mekielu.
46 O le igoa o le afafine o Asera o Sera.+
47 O aiga nei o atalii o Asera,+ o i latou ua lesitalaina: e toʻalima sefulu tolu afe fā selau.+
48 O atalii ia o Nafatali+ e tusa ma o latou aiga: O Iaseelu,+ na tupuga mai ai tagata Iaseelu; o Kuni,+ na tupuga mai ai tagata Kuni;
49 o Iesaru,+ na tupuga mai ai tagata Iesaru; o Selimo,+ na tupuga mai ai tagata Selimo.
50 O aiga nei o Nafatali+ e tusa ma o latou aiga, o i latou ua lesitalaina e toʻafā sefulu lima afe fā selau.+
51 O i latou nei o atalii o Isaraelu ua lesitalaina: e toʻaono selau ma le tasi afe, fitu selau tolu sefulu.+
52 Ina ua mavae lea, ona fetalai mai lea o Ieova iā Mose e faapea:
53 “Ia vaevae iā i latou nei le fanua e fai ma tofi e tusa ma le aofaʻi o igoa o loo i le lisi.+
54 Afai e toʻatele le aofaʻi o tagata, e ao ona faateleina le tofi o se tasi, ae afai e itiiti le aofaʻi o tagata, e ao ona faaitiitia le tofi o se tasi.+ E ao ona vaevaeina le tofi o se tasi e tusa ma ona tagata ua lesitalaina.
55 E vaevaeina le fanua e ala i le faia o le vili.+ E latou te maua le tofi e tusa ma le igoa o le ituaiga o o latou tamā.
56 E vaevaeina e tusa ma le vili le tofi i ē toʻatele atoa foʻi ma ē toʻaitiiti.”
57 O i latou nei ua lesitalaina o le ʻau sa Levī+ e tusa ma o latou aiga: O Keresona,+ na tupuga mai ai tagata Keresona; o Koato,+ na tupuga mai ai tagata Koato; o Merari, na tupuga mai ai tagata Merari.+
58 O aiga nei o le ʻau sa Levī: o le aiga o tagata Lipeni;+ o le aiga o tagata Heperona;+ o le aiga o tagata Maali;+ o le aiga o tagata Muse;+ o le aiga o tagata Koru.+
O le atalii o Koato+ o Amaramo.+
59 O le igoa o le avā a Amaramo o Iokapeta,+ le afafine o Levi lea na fanaua e le avā a Levi i Aikupito. Ona fanaua lea e Iokapeta o Arona ma Mose ma Miriama lo laʻua tuafafine.+
60 Ona fanaua lea o atalii o Arona, o Natapu o Aviu,+ o Eleasaro, ma Itamaro.+
61 Ae na feoti Natapu ma Aviu ona na la faamū le afi ua faasāina i luma o Ieova.+
62 O le aofaʻiga o i latou ua lesitalaina e toʻalua sefulu tolu afe, o tane uma mai i le tasi le masina agaʻi i luga le matutua.+ E leʻi lesitalaina i latou faatasi ma atalii o Isaraelu,+ auā e lē maua so latou tofi faatasi ma atalii o Isaraelu.+
63 O i latou nei ua lesitalaina e Mose ma Eleasaro le ositaulaga ina ua lesitala atalii o Isaraelu, i le fanua laugatasi o le toafa o Moapi, e lata i Ioritana e faafesagaʻi ma Ieriko.+
64 Ae ua lē toe iai lava se tasi na lesitalaina e Mose ma Arona le ositaulaga, ina ua la lesitalaina atalii o Isaraelu i le toafa o Sinai.+
65 Auā na fetalai mai Ieova e faatatau iā i latou: “E latou te feoti lava i le toafa.”+ O lea ua lē toe iai lava se tane o i latou o ola, e na o Kalepo le atalii o Iefune ma Iosua le atalii o Nuno.+
