Numera 30:1-16
30 Ua fai atu Mose i ulu+ o ituaiga o le fanauga a Isaraelu e faapea: “O fetalaiga nei ua poloaʻi mai ai Ieova:
2 Afai e faia e se tamāloa se tautoga+ iā Ieova pe e tautō i se tautoga+ e faafitia ai se mea+ ma ua noanoatia ai o ia, e lē tatau ona ia solia ana upu.+ E ao ona ia faia e tusa ma upu uma ua sau mai i lona gutu.+
3 “Afai e tautō se fafine iā Ieova+ po ua noanoatia o ia i se tautoga e faafitia se mea a o teine muli o ia i le aiga o lona tamā,
4 ma a faalogo lona tamā i lana tautoga po o lana tautoga lea ua noanoatia ai o ia e faafitia ai se mea, ae e leai se tala a lona tamā e fai atu iā te ia, e ao ona tumau ana tautoga uma, atoa ma ana tautoga uma ua noanoatia ai o ia e faafitia ai se mea,+ e tumau pea lea.
5 Peitaʻi, afai e vavao e lona tamā o ia i le aso ua faalogo ai, o le a lē tumau ana tautoga uma po o ana tautoga ua noanoatia ai o ia e faafitia ai se mea, ae e faamagaloina o ia e Ieova, ona ua vavao o ia e lona tamā.+
6 “Ae afai e iai lava sana tane, ma o loo noanoatia o ia i sana tautoga+ po o se folafolaga na ia faia e aunoa ma le mafaufau i ai lea ua noanoatia ai o ia,
7 ma e faalogo i ai lana tane ma ua leai se tala e fai atu iā te ia i le aso ua faalogo ai i lana tautoga, e tumau ana tautoga, e tumau foʻi ana tautoga ua noanoatia ai o ia e faafitia ai se mea.+
8 Afai e vavao o ia e lana tane i le aso ua faalogo ai,+ ma ua ia faalēaogāina lana tautoga ua fai, po o le folafolaga ua ia faia e aunoa ma le mafaufau i ai lea ua noanoatia ai o ia, e faamagaloina o ia e Ieova.+
9 “A o le tautoga a le fafine ua oti lana tane po o le fafine ua teteʻa ma lana tane, e tumau ona noanoatia o ia e tusa ma mea uma ua ia tautō i ai.
10 “Ae afai ua tautō o ia a o loo i le fale o lana tane po ua tautō i se tautoga ua noanoatia ai o ia e faafitia ai se mea,+
11 ua faalogo i ai lana tane ma ua leai se tala e fai atu iā te ia, ua lē vavao lana tane iā te ia; e tumau ana tautoga uma, po o ana tautoga ua noanoatia ai o ia e faafitia ai se mea.
12 Afai e matuā faalēaogāina e lana tane ana tautoga i le aso ua faalogo ai i se faamatalaga ua ia faia e fai ma ana tautoga, po o sana tautoga e faafitia ai se mea, e lē tumau ia.+ Ua faalēaogāina e lana tane ana tautoga ma e faamagaloina o ia e Ieova.+
13 O se taʻutinoga po o se tautoga e faafitia se mea ina ia faapuapuagatia o ia lava,+ e ao i lana tane ona faatumauina pe faalēaogāina ia tautoga.
14 Ae afai e leai lava se tala a le tane e fai iā te ia i lea aso ma lea aso, ua ia faatumauina ana tautoga uma po ana tautoga ua noanoatia ai o ia e faafitia ai se mea.+ Ua ia faatumauina ana tautoga auā e leai lava se tala a le tane ua fai atu iā te ia i le aso ua faalogo ai o ia.
15 Afai ua uma ona faalogo le tane i ia mea, ae mulimuli ane ua matuā faalēaogāina ia tautoga, e nofosala o ia i le sala a lana avā.+
16 “O tuutuuga ia ua poloaʻi mai ai Ieova iā Mose i le tane ma lana avā,+ i le tamā foʻi ma lona afafine a o teine muli o ia i le fale o lona tamā.”+
