Roma 12:1-21
12 O lenei le ʻauuso e, ou te ʻaiʻoi atu iā te outou i le alofa mutimutivale o le Atua, ia tuuina atu o outou tino+ o le taulaga+ ola,+ e paia,+ ma e mālie i le Atua,+ ia faia le auaunaga paia+ ma lo outou mafaufau lelei.+
2 Aua tou te mulimuli+ i lenei faiga o mea a le lalolagi, ae peitaʻi ia liliu e ala i le suia o o outou mafaufau,+ ina ia faamaonia e outou lava+ po o le ā le finagalo+ o le Atua, lea e lelei, e mālie, ma lelei atoatoa.
3 Auā e ala i le agalelei faifua ua foaʻiina mai iā te aʻu, ou te fai atu ai iā te outou taʻitoʻatasi, ina ia aua neʻi faasili le manatu o se tasi iā te ia lava, i lo o le mea e tatau ona manatu i ai;+ a ia mafaufau lelei,+ ia taʻitasi ma faia e tusa ma le tele+ o le faatuatua+ ua tuuina mai e le Atua iā te ia.
4 Auā e pei ona tele o tatou itutino i le tino e tasi,+ ae e lē tutusa uma gaoioiga e faia e itutino taʻitasi,
5 e faapena foʻi i tatou, e ui ina tatou toʻatele, ae e tasi le tino+ i lo tatou autasi ma Keriso, ma e faalagolago le tasi i le isi.+
6 E talu ai e eseese meaalofa+ ua tatou maua e tusa ma le agalelei faifua+ ua tuuina mai iā i tatou, po o le faia o valoaga, seʻi o tatou faia valoaga e tusa ma le faatuatua ua tuuina mai iā i tatou;
7 po o le auaunaga, seʻi o tatou faia lenei auaunaga;+ po o lē e aʻoaʻo atu,+ ia aʻoaʻo atu o ia;+
8 po o lē e apoapoaʻi atu, ia apoapoaʻi atu o ia;+ o lē e foaʻi atu, ia faia ma le matamau;+ o lē e pule,+ ia faia ma le filigā; o lē e alofa mutimutivale,+ ia faia ma le lotofiafia.
9 Aua tou te faatagā+ alofa.+ Ia ʻinoʻino i le leaga,+ ae pipii i le lelei.+
10 Ia matuā alofa faapelepele le tasi i le isi i le alofa faaleuso.+ Ia tausolomua ona faaaloalo le tasi i le isi.+
11 Aua le faifaiaga i a outou galuega.+ Ia maelega i la le agaga.+ Ia outou pologa mo Ieova.+
12 Ia olioli i le faamoemoe.+ Ia tutumau i puapuaga.+ Ia finafinau i le tatalo.+
13 Ia avatu i le ʻaupaia mea e tusa ai ma o latou manaʻoga.+ Ia faaalia le agaga talimālō.+
14 Ia faamanuia atu pea i ē ua sauā mai;+ ia faamanuia+ atu ae aua le fetuu atu.+
15 Ia olioli faatasi ma ē o loo olioli;+ ia fetagisi faatasi ma ē o loo fetagisi.
16 Ia manatu i isi e pei ona outou manatu ifo iā te outou lava;+ aua tou te manatu i mea silisili,+ ae ia taʻitaʻia faatasi ma mea faatauvaa.+ Aua tou te faafiapopoto.+
17 Aua le taui atu le leaga i le leaga+ i se tasi. Ia faia mea e lelei i le vaaiga a tagata uma.
18 Afai e mafai iā te outou, ia nonofo filemu+ ma tagata uma.
19 Le ʻaupele e, aua tou te tauimasui,+ ae ia tuu atu i le toʻasā;+ auā ua tusia: “O aʻu e faia le tauimasui; ou te taui atu lava, ua fetalai mai ai Ieova.”+
20 Ae “afai e fia ʻai lou fili, ia fafaga iā te ia; afai e fia inu o ia, ia avatu i ai se meainu;+ auā a e faia lenei mea, e faaputu ai pea malala ola i luga o lona ulu.”+
21 Aua le faatoʻilaloina oe i le leaga; ae ia faatoʻilaloina pea le leaga i le lelei.+
