Roma 16:1-27
16 Ou te faailoa atu iā te outou lo tatou tuafafine o Fipe, o ia o se auauna+ i le faapotopotoga i Kenikerea,+
2 ina ia outou talia+ o ia o se soo o le Alii e faapei ona tatau i le ʻaupaia, ma ia mafai ona outou fesoasoani iā te ia i so o se mea e na te manaʻomia ai outou,+ auā na ia fesoasoani i le toʻatele, atoa foʻi ma aʻu.
3 E momoli atu oʻu alofaaga iā Piseka* ma Akula,+ o ē na matou galulue faatasi+ o ni soo o Keriso Iesu,
4 o ē na lamatia o la ola+ ona o aʻu, ou te faafetai atu iā i laʻua, e lē na o aʻu ae atoa foʻi ma faapotopotoga uma i nuu ese;+
5 ia alofa atu i le faapotopotoga o loo i lo la fale.+ Ia alofa atu foʻi i laʻu pele o Epaineto, o se tasi o uluaʻi soo+ o Keriso i Asia.
6 Ia alofa atu iā Maria, o lē na galue mamafa mo outou.
7 Ia alofa atu foʻi iā Aneroniko ma Iunia o oʻu aiga+ ma o ē na matou falepuipui faatasi,+ o tane o ē ua taʻuleleia e aposetolo, ma o ē ua leva ona avea ma soo+ o Keriso nai lo o aʻu.
8 E momoli atu oʻu alofaaga+ iā Amepelia laʻu pele, o se soo o le Alii.
9 Ia alofa atu iā Upano o lē o loo tatou galulue faatasi o ni soo o Keriso, ma laʻu pele o Sataku.
10 Ia alofa atu+ iā Apele, o lē ua taʻuleleia ona o se soo o Keriso. Ia alofa atu foʻi iā i latou i le aiga o Arisopulo.
11 Ia alofa atu iā Herotiona o lē ma te aiga.+ Ia alofa atu foʻi iā i latou i le aiga o Nakiso o soo o le Alii.+
12 Ia alofa atu iā Tufaina ma Tufosa, o fafine o loo galulue malosi o soo o le Alii. Ia alofa atu iā Peseti o lē e pele iā i tatou, auā na galue ma le filigā o ia o se soo o le Alii.
13 Ia alofa atu iā Rufo o lē ua filifilia o se soo o le Alii, ma lona tinā, o loʻu tinā foʻi lea.
14 Ia alofa atu iā Asugerito, Fegona, Herema, Pateropa, Hereme, ma le ʻauuso o loo latou faatasi.
15 Ia alofa atu iā Filoloko ma Iulia, o Nereu ma lona tuafafine, ma Olumepa, ma le ʻaupaia uma o loo latou faatasi.+
16 Ia alofa atu foʻi le tasi i le isi i le sogi paia.+ O loo alolofa atu foʻi faapotopotoga uma a Keriso iā te outou.
17 Le ʻauuso e, ou te ʻaiʻoi atu iā te outou ina ia mataalia iā i latou o ē e faatupu fevaevaeaʻiga,+ ma mea e tautevateva ai e lē tusa ma mea ua outou aʻoaʻoina,+ ma ia ʻaloese mai iā i latou.+
18 O tagata faapena e lē o ni pologa a lo tatou Alii o Keriso, ae e pologa i o latou lava manava;+ ma ua latou faasesēina ē e lotomamā, e ala i a latou upu faaʻoleʻole+ ma le taufaasee.+
19 Auā ua iloa e tagata uma lo outou usiusitaʻi.+ O le mea lea ua ou olioli ai ona o outou. Ae ou te manaʻo ina ia outou atamamai+ i mea lelei, ae ia mamā+ mai i mea leaga.+
20 Ua lē o toe umi ona tuʻimomomoina lea o Satani+ i lalo o o outou vae, e le Atua o lē e na te aumaia le filemu.+ Tau ina ia iā te outou le agalelei faifua o lo tatou Alii o Iesu.+
21 O loo alofa atu iā te outou o Timoteo o lē o loo ma galulue faatasi, faapea foʻi Lukio, ma Iasona, ma Sosepatero o oʻu aiga.+
22 O aʻu o Tesio, o lē o loo tusia lenei tusi, ou te alofa atu foʻi iā te outou i le Alii.
23 O loo alofa atu iā te outou Kaio+ o lē o loo talimālō iā te aʻu ma le faapotopotoga atoa. O loo alofa atu foʻi Erato le pulenuu,+ faapena ma Kuato lona uso.
24 * ——
25 Ia i le Atua o lē+ e mafai ona faatumauina outou e tusa ai ma le tala lelei ua ou folafolaina atu ma le talaʻiga a Iesu Keriso, e tusa ma le faaaliga o le mea lilo paia+ ua leva ona natia
26 a o lenei ua faaalia mai+ ma faailoa atu i nuu uma e ala i valoaga na tusia, e tusa ai ma poloaʻiga a le Atua e faavavau, ina ia faatupuina le usiusitaʻi e ala i le faatuatua;+
27 ia faamamaluina+ le Atua atamai e toʻatasi,+ e ala iā Iesu Keriso+ e faavavau. Amene.
Faamatalaga Pito i Lalo
^ Po o “Pisila.”
^ O lenei fuaiupu o loo maua i nisi faaliliuga o le Tusi Paia, peitaʻi e lē o maua i isi manusikulipi Eleni anamua.
