Roma 2:1-29
2 O le mea lea ua e lē mautali ai, o oe le tagata e,+ po o ai lava oe, pe a e faamasino atu,+ auā o le mea e te faamasinoina ai le isi ua e faasalaina ai oe lava, auā o oe o lē e faamasino+ atu o mea lava na o loo e faia.+
2 O lenei, ua tatou iloa o le faamasinoga a le Atua e ōgatusa lea ma le upu moni,+ e faasaga i ē e faia na mea.
3 Le tagata e,+ po o lou manatu ea e te sao mai le faamasinoga a le Atua,+ pe a e faamasino atu iā i latou o loo faia na mea, ae o loo e faia foʻi?
4 Po ua e manatu faatauvaa ea i le tele o lona agalelei,+ faapalepale,+ ma le onosaʻi,+ auā ua e lē iloa o le agalelei o le Atua e taʻitaʻiina ai oe i le salamō?+
5 Ae peitaʻi ona o lou lotomaaa+ ma le lē salamō,+ ua e faatupu ai iā te oe le toʻasā+ i le aso o le toʻasā,+ ma le faaalia mai+ o le faamasinogatonu a le Atua.+
6 O le a ia tauia tagata taʻitoʻatasi e tusa ma ana galuega.+
7 E na te foaʻi atu le ola e faavavau i ē e saʻilia le mamalu, le viiga, ma le lē iʻuvale,+ e ala i le tumau i galuega lelei.
8 Ae peitaʻi, o ē e finauvale+ ma lē usiusitaʻi i le upu moni,+ ae faia le amiolētonu, e oo i ai le toʻasā ma le toʻatamaʻi,+
9 atoa ma puapuaga ma mea tigā i tagata uma e faia mea leaga, e muamua Iutaia+ atoa foʻi ma Eleni;+
10 ae o le mamalu, viiga ma le filemu, mo ē e fai amiolelei,+ e muamua Iutaia+ atoa foʻi ma Eleni.+
11 Auā e lē faailoga tagata le Atua.+
12 O i latou e agasala e aunoa ma le tulafono, e fano lava e aunoa ma le tulafono.+ A o ē e agasala a o iai i le tulafono,+ e faamasinoina i latou e tusa ai ma le tulafono.+
13 Auā o ē e faalogologo i le tulafono, e lē amiotonu i latou i le silafaga a le Atua, a o ē e tausia le tulafono,+ e taʻuamiotonuina i latou.+
14 Pe a masani ona faia e tagata o nuu ese+ o mea e tusa ma le tulafono+ e ui e lē o iai i le tulafono,+ ae e avea i latou ma tulafono iā i latou lava.
15 O i latou na ua faaalia ai ua tusia le tulafono i o latou loto,+ ma ua molimau o latou lotofuatiaifo+ iā i latou, ma faasalaina+ pe taʻutonuina i latou i o latou lava manatu.
16 E tupu lenei mea i le aso e faamasinoina+ ai e le Atua e ala iā Keriso Iesu o mea lilo+ a tagata,+ e tusa ai ma le tala lelei o loo oʻu folafolaina.+
17 O lenei, afai ua taʻua oe o se Iutaia+ ma o loo faalagolago i le tulafono+ ma mitamita i le Atua,+
18 ma ua e iloa lona finagalo+ ma talia mea e sili ona lelei, auā ua aʻoaʻoina* ai oe i le Tulafono;+
19 ua e talitonu foʻi, o oe o le taʻitaʻi i tagata tauaso,+ o le malamalama i ē o loo i le pōuliuli,+
20 o lē e faasaʻoina o ē e lē faautauta,+ o le faiaʻoga o tamaiti,+ ma ua iai le faavae+ o le poto ma le upu moni+ i le Tulafono.
21 O lenei foʻi, o oe lē e aʻoaʻo atu i le tasi tagata, e te lē aʻoaʻo ea oe iā te oe?+ O oe o lē e talaʻi atu “Aua le gaoi,”+ pe e te gaoi ea?+
22 O oe lē e fai atu “Aua le mulilua,”+ pe e te mulilua ea? O oe lē e ʻinoʻino i tupua, pe e te faoa+ mea o le malumalu?
23 O oe o lē e mitamita i le tulafono, pe e te faalumaina ea le Atua ona o lou solia o le Tulafono?+
24 Auā e pei ona tusia, ua “upuleagaina le suafa o le Atua i tagata o nuu ese ona o outou.”+
25 E faatoʻā aogā le peritomeina+ pe afai e te tausia le tulafono;+ ae e lē aogā+ le peritome+ pe afai e te solia le tulafono.
26 Ae afai e tausia e se tagata lē peritomeina+ upu tonu+ o le Tulafono, pe e lē manatu ea ua peritomeina o ia, e ui lava e leʻi peritomeina o ia?+
27 O lē ua fanau mai ma le lē peritomeina, e na te faamasinoina oe+ auā ua ia tausia le tulafono na tusia, a o oe e te lē o tausia e ui o loo iā te oe le tulafono ma le peritomeina.
28 Auā e lē o ia o le Iutaia i le tino ua vaaia,+ e lē o ia foʻi ua peritomeina i le tino.+
29 A o ia o le Iutaia i totonu e lē vaaia,+ ma ua peritomeina i lona loto+ e ala i le agaga, ae e lē tusa ma le tulafono na tusia.+ O lona viiga,+ e mai i le Atua ae e lē mai i tagata.+
Faamatalaga Pito i Lalo
^ Po o le “aʻoaʻoina tuugutu.”
