Sakaria 11:1-17
11 “Lepanona e,+ tatala mai ia ou faitotoʻa ina ia faatamaʻia i le afi ou laau o le arasi.+
2 Le perosi e, inā uiō ia, auā ua paʻū le laau o le arasi; auā ua faatamaʻia laau matagofie!+ Inā uiō ia laau maualuluga o Vasana e, auā ua faaleagaina le vaomatua e lē sao i ai se isi!+
3 Inā faalogo ia! Ua uiō leoleo mamoe,*+ auā ua faaumatia lo latou mamalu.+ Faalogo foʻi! Ua fetagisi leotetele leona taanoa, auā ua faaumatia vao putuputu sa lauolaola i tala ane o le Ioritana.+
4 “O le fetalaiga lenei a Ieova loʻu Atua, ‘Ia leoleo i le lafu o le a fasia,+
5 ona fafasi+ lea o le lafu e tagata na faatau mai ai manu, ae e latou te lē nofosala ai.+ E faapea mai ē ua faatau atu:+ “Ia faamamaluina Ieova, auā ou te tamaoaiga ai.”+ Ua lē faaalia e o latou leoleo mamoe le alofa mutimutivale iā i latou.’+
6 “‘Ou te lē toe faaalia le alofa mutimutivale i ē o loo nonofo i le laueleele,’+ ua fetalai mai ai Ieova. ‘O lenei, ou te tuu atu tagata ina ia maua i latou taʻitoʻatasi i le lima o lana uō,+ ma le lima o lona tupu;+ e latou te tuʻipalaina le laueleele, ma ou te lē laveaʻiina i latou mai i o latou lima.’”+
7 Ona ou leoleoina lea o le lafu+ o le a fasia+ ona o outou, o ē ua mafatia o le lafu.+ Ona ou ave lea o tootoo e lua mo aʻu.+ Ua ou faaigoa le tasi, o Matagofie,+ a ua ou faaigoa le isi o Autasi,+ ona ou leoleoina lea o le lafu.
8 Ae na ou faaumatia leoleo mamoe e toʻatolu i le masina e tasi,+ ona ua uma loʻu onosaʻi iā i latou,+ ma ua latou ʻinoʻino foʻi iā te aʻu.
9 Ona ou fai atu lea: “Ou te lē toe leoleoina outou.+ O lē o le a oti, ia tuu ai pea e oti. O lē foʻi o le a faaumatia, ia tuu ai pea e faaumatia.+ A o i latou o totoe, ia taʻitasi ma ʻai i le tino o lana uō.”+
10 Ona ou tago lea i loʻu tootoo o Matagofie+ ma tipi ninii,+ ina ia tatala ai laʻu feagaiga na ou osia ma le nuu atoa.+
11 Na tatalaina ai i lenā aso, ona iloa ai lea e ē ua puapuagatia o le lafu mamoe,+ o ē o loo vaavaai+ mai iā te aʻu, o le afioga lea a Ieova.
12 Ona ou fai atu lea iā i latou: “Afai ua lelei i o outou manatu,+ ia aumai loʻu totogi; ae afai e leai, ia aua.” Ona latou totogi mai lea o loʻu totogi, e tolu sefulu tupe siliva.+
13 Ona fetalai mai lea o Ieova iā te aʻu: “Ia lafo atu i le mea e teu ai oloa;+ o le tau e lelei naʻuā ua latou manatu e talafeagai mo aʻu.”+ Ona ou ave lea o tupe siliva e tolu sefulu ma lafo i le mea e teu ai oloa i le fale o Ieova.+
14 Ona ou tipi ninii lea o loʻu tootoo lona lua o Autasi,+ ina ia motusia ai le ʻauuso+ o Iuta ma Isaraelu.+
15 Ua toe fetalai mai Ieova iā te aʻu: “Ia e ave mea faigaluega a le leoleo mamoe lē aogā.+
16 Auā o aʻu lava, ou te faataga le tulaʻi mai o se leoleo mamoe i le atunuu.+ E lē uaʻi atu o ia i mamoe o le a oo ina faaumatia.+ E lē saʻili atu o ia i lē e laʻitiiti, e na te lē togafitia mamoe ua gaugau.+ E na te lē avatu meaʻai i lē ua tū, ma e ʻai foʻi o ia i le aano o lē ua peti,+ e na te seʻi ese atigivae o mamoe.+
17 Oi talofa i laʻu leoleo mamoe lē aogā,+ o lē ua tuua le lafu!+ E taia e le pelu lona lima atoa ma lona mata taumatau. O le a matuā gase lona lava lima+ ma o le a matuā nenefu lona mata taumatau.”
Faamatalaga Pito i Lalo
^ Ua faatatau atu leoleo mamoe i ē o pulea le nuu.
