Sakaria 13:1-9
13 “O lea aso,+ e eli ai le vaieli+ mo le aiga o Tavita ma ē o loo nonofo i Ierusalema ina ia faamamā ai a latou agasala+ ma mea inosia.+
2 “O lea aso foʻi,” ua fetalai mai ai Ieova o ʻau, “ou te tineia ai igoa o tupua i le atunuu,+ e lē toe manatua ia mea; ou te aveesea foʻi perofeta+ ma le agaga e lē mamā mai i le atunuu.+
3 Pe afai foʻi e toe faia se valoaga e se tagata, ona fai atu lea o lona tamā ma lona tinā iā te ia, o ē na fanaua o ia, ‘E te lē ola, auā ua e tautala i mea pepelo i le suafa o Ieova.’ E ao i lona tamā ma lona tinā o ē na fanaua o ia, ona tuʻia o ia ona o lana valoaga.+
4 “O lea aso foʻi, e taʻitasi ai perofeta ma māsiasi+ i lana faaaliga pe a faia lana valoaga; ma e latou te lē ofuina ni ofu faapitoa ua faia i fulufulu o manu+ ina ia taufaasesē ai.
5 Ona ia faapea mai lea, ‘E lē o aʻu o se perofeta. O aʻu o le tagata e galueaʻiina le laueleele, auā na faatauina aʻu e se tagata e fai ma pologa talu mai loʻu tauleʻaleʻa.’
6 Ona fai atu lea o le tasi iā te ia, ‘O ā nei manuʻa e i lou tino i le vā o ou tauʻau?’ A ua faapea mai o ia, ‘O mea na, na ou lavea ai i le fale o ē e alolofa mai iā te aʻu.’”
7 “Le pelu e, ala mai ia e faasagatau i loʻu leoleo mamoe,+ ia faasagatau foʻi i le tamāloa ua ma uō,”+ ua fetalai mai ai Ieova o ʻau. “Ia taia le leoleo mamoe,+ ma ia faataapeape le lafu,+ ona ou toe faafoʻi atu ai lea o loʻu lima iā i latou o ē e faatauvaa.”+
8 “O le mea lenei e tupu i le atunuu atoa,” ua fetalai mai ai Ieova, “o le a fasiotia le lua vaetolu o i latou o iai, e fano lava i latou;+ ae o le tasi vaetolu o le a faatotoe i le atunuu.+
9 Ou te faaui ane le tasi vaetolu o i latou i le afi;+ ma ou faamamāina i latou e pei ona faamamāina o le siliva,+ ma tofotofoina i latou e pei ona tofotofoina o le auro.+ E latou te valaau i loʻu igoa, o aʻu foʻi ou te tali atu iā i latou.+ Ou te fai ane, ‘O loʻu nuu lenei,’ ona faapea mai lea o le nuu,+ ‘O Ieova o loʻu Atua lava o ia.’”+
