Salamo 103:1-22
O le salamo a Tavita.
103 Loʻu loto e, inā vivii atu ia iā Ieova,+O mea uma foʻi o i totonu iā te aʻu, ia vivii atu i lona suafa paia.+
2 Loʻu loto e, inā vivii atu ia iā Ieova,Aua foʻi neʻi galo mea uma ua ia faia,+
3 O Ia o lē e faamagaloina au mea sesē uma,+O Lē na te faamālōlōina ou maʻi uma,+
4 O Lē na te toe faafoʻisia lou ola mai i le lua,+O Lē foʻi na te faapaleina oe i le alofa faamaoni ma le alofa mutimutivale,+
5 O Lē na te faamalieina lou olaga i mea lelei;+Ma faafouina pea lou tauleʻaleʻa e pei o se aeto.+
6 E faia e Ieova gaoioiga amiotonu+Ma iʻuga o faamasinoga mo i latou uma ua ave faagaoi a latou mea.+
7 Na faailoa atu e ia ona ala iā Mose,+O mea foʻi na ia faia i le fanauga a Isaraelu.+
8 E alofa mutimutivale Ieova ma alofa fua,+E telegese lona toʻasā ae e tele lona alofa faamaoni.+
9 E lē vaavaai masei pea o ia i taimi uma,+E lē faavavau foʻi ona toʻasā o ia.+
10 E leʻi faia e ia iā i tatou e tusa ma a tatou agasala;+E leʻi taui mai foʻi e ia iā i tatou e tusa ma a tatou mea sesē.+
11 Auā e pei ona maualuga atu o le lagi i le lalolagi,+E faapea foʻi ona sili atu lona alofa faamaoni iā i latou e matataʻu iā te ia.+
12 E pei ona vavamamao o le mea e oso aʻe ai le lā mai i le mea e goto ifo ai,+E faapea foʻi ona faamamao e ia o a tatou solitulafono mai iā i tatou.+
13 E pei ona alofa mutimutivale o le tamā i lana fanau,+E faapea foʻi ona faaalia e Ieova le alofa mutimutivale iā i latou e matataʻu iā te ia.+
14 Auā ua silafia lelei e ia le mea na faia ai i tatou,+Ua ia manatua o le efuefu lava i tatou.+
15 O le tagata ua pei o le mutia lanu meamata ona aso,+E pei o le fuga o le fanua lona fua mai.+
16 Auā e agi ane i ai le matagi ma leai atu ai;+E lē toe iloa foʻi le mea sa iai o ia.+
17 A o le alofa faamaoni o Ieova, e mai i le vavau e oo i le faavavau+Iā i latou e matataʻu iā te ia,+Ma lana amiotonu foʻi e oo atu i fanau a a latou fanau,+
18 Iā i latou e tausi i lana feagaiga+Ma i latou foʻi e manatua ma tausia ana faatonuga.+
19 Ua matuā faatumauina e Ieova lona nofoālii i le lagi;+Ua pule aoao foʻi lona malo i mea uma lava.+
20 Ia vivii atu iā Ieova, outou o ana agelu+ o ē e malolosi tele ma faataunuuina lana afioga,+E ala i le faalogo atu i lona siʻufofoga.+
21 Ia vivii atu iā Ieova, outou o ana ʻau uma,+Outou o ana auauna o loo faia lona finagalo.+
22 Ia vivii atu iā Ieova, outou o ana foafoaga,+I mea uma ua ia pule i ai.+Loʻu loto e, inā vivii atu ia iā Ieova.+
