Salamo 106:1-48
106 O outou le nuu e, inā vivii atu ia iā Ioa!+Ia faafetai atu iā Ieova, auā e lelei o ia;+Auā e faavavau lava lona alofa faamaoni.+
2 O ai e mafaia ona taʻutaʻu atu galuega mamana a Ieova,+O ai foʻi e mafai ona faalauiloa atu ona viiga uma?+
3 E fiafia i latou e tausi i le faamasinogatonu,+O ē e faia le amiotonu i taimi uma.+
4 Ieova e, ia e manatua mai aʻu, ma faaalia mai lou finagalo malie na e faaalia i lou nuu.+Ia e tausi mai iā te aʻu i lau faaolataga,+
5 Ina ia ou iloa ai le lelei na e faaalia i ē na e filifilia,+Ina ia ou fiafia ai i le fiafia o lou nuu,+Ma ou mitamita ai faatasi ma lou tofi.+
6 Ua matou agasala e pei lava o o matou augātamā;+Ua matou faia mea sesē; ma ua amioleaga lava i matou.+
7 A o o matou augātamā i Aikupito,E latou te leʻi manatunatu i au galuega ofoofogia.+E latou te leʻi manatua foʻi le tele o lou alofa faamaoni,+Ae peitaʻi, ua latou fouvale i le sami, o le Sami Ulaula.+
8 Ae na ia faaolaina i latou ona o lona suafa,+Ina ia faailoa atu ai lona mana.+
9 Na ia aʻoaʻia le Sami Ulaula, ma na mate mālie atu ai;+Na ia faasavavali foʻi i latou i le vai loloto, e pei ona ia faasavavali o i latou i le toafa;+
10 Ma na ia faaolaina i latou mai i le lima o lē na ita mai+Ma toe faafoʻisia i latou mai i le lima o le fili.+
11 Na lofia e vai o latou fili;+E leai foʻi se tasi o i latou na totoe ai.+
12 Ona latou faatuatua lea i lana afioga;+Ma latou pepese i lona viiga.+
13 Ae peitaʻi, na vave lava ona galo iā i latou ana galuega;+E latou te leʻi faatalitali foʻi i lana fautuaga.+
14 A ua faaalia o latou tuʻinanauga manatu faapito i le toafa+Ma latou tofotofo ai i le Atua i le toafa.+
15 Na ia foaʻiina atu iā i latou o mea na latou talosaga i ai+Ma ua ia faatupuina se faamaʻi tino vale iā i latou.+
16 Na latou matauʻa iā Mose i le togālauapi,+E oo foʻi iā Arona, o lē e paia a Ieova.+
17 Ona faamaga lea o le eleele ma folo ai Tatano,+Ma ufitia ai le faapotopotoga a Apiramo.+
18 Ona mumū ai lea o le afi i lo latou faapotopotoga;+Ma ua susunu ai i le afi o ē e amioleaga.+
19 Na latou faia foʻi se tamaʻi povi poʻa i Horepa+Ma ifo ai i le faatusa uʻamea,+
20 Ona latou suia lea o loʻu mamalu+I le faatusa o se povi poʻa, o se manu ʻai vao.+
21 Na galo iā i latou le Atua o lo latou Faaola,+O Lē na faia mea tetele i Aikupito,+
22 O galuega ofoofogia i le nuu o Hamo,+Ma mea mataʻutia i le Sami Ulaula.+
23 Na toetoe lava ina a fetalai mai e faaumatia i latou,+Pe ana leai Mose, o lē na ia filifilia,+O lē na tū i le va i ona luma,Ina ia faaliliuese lona toʻatamaʻi mai i le faafanoina o i latou.+
24 Ma na latou ʻinoʻino i le nuu matagofie;+Na latou lē faatuatua foʻi i lana afioga.+
25 Na latou muimui pea i o latou faleʻie;+E latou te leʻi faalogo foʻi i le siʻufofoga o Ieova.+
26 Ona sii lea o lona aao i se tautoga iā i latou,+E na te faaumatia i latou i le toafa,+
27 Ma e na te faaumatia foʻi a latou fanau o loo i atunuu,+Ma ia faataapeape i latou i nuu.+
28 Na latou aufaatasi atu iā Paala o Peoro+Ma aai i taulaga i ē ua oti.+
29 A o latou faatigā e ala i a latou mea na fai,+Ona oo mai ai lea o se faamaʻi iā i latou.+
30 Ina ua tulaʻi Fineaso ma faalaa ane,+Ona taofia ai lea o le faamaʻi.
31 Sa taʻuamiotonuina ai o ia ona o lea meaMai i lea tupulaga i lea tupulaga e oo i le faavavau.+
32 Na latou faatupu foʻi lona ita i le vai o Meripa,+O lea na oo ai se mea leaga iā Mose ona o i latou.+
33 Auā na latou faaonoono i lona lotoMa na soona tautala ai loa ona laugutu.+
34 E latou te leʻi faaumatia nuu,+E pei ona fetalai mai ai Ieova iā i latou.+
35 Na latou miomiō pea ma nuu+Ma aʻoaʻoina a latou gaoioiga.+
36 Ua auauna atu pea i latou i o latou tupua,+Ma na avea nei mea ma mailei iā i latou.+
37 Na latou fai taulaga i o latou atalii+Ma o latou afafine i temoni.+
38 Na latou sasaa pea le toto o ē e lē sala,+O le toto o o latou atalii ma o latou afafine,O ē na latou faataulagaina i tupua o Kanana;+Ona leaga ai lea o le laueleele i le totomasaa.+
39 Na lē mamā foʻi i latou i mea na latou faia+Ma na latou faia pea feusuaʻiga lē mamā.+
40 Ona matuā toʻasā ai lea o Ieova i lona nuu,+Ma ua ʻinoʻino foʻi o ia i lona tofi.+
41 Na ia tuuina atu pea i latou i lima o atunuu,+Ina ia pule ai o ē e ita iā i latou,+
42 Ma ia faasauā o latou fili iā i latou,Ina ia faatoʻilaloina ai i latou i o latou lima.+
43 E tele taimi na ia laveaʻia ai i latou,+Ae peitaʻi, na latou fouvale i lo latou ala lē usiusitaʻi,+Ma na faalumaina ai i latou ona o a latou mea sesē.+
44 A ua silasila mai o ia i o latou puapuaga+Ina ua faafofoga mai o ia i la latou ʻaiʻoi atu.+
45 Ona ia manatua lea o lana feagaiga ma i latou,+Ma ua ia faanoanoa ai ona o le tele o lona alofa faamaoni.+
46 Na ia tuuina atu i latou ina ia alofagiaE i latou uma o ē na aveina faapagota i latou.+
47 Ieova e, lo matou Atua, ia e faaolaina i matou,+Ma ia faapotopoto faatasi i matou mai i nuu+Ina ia faafetai atu i lou suafa paia,+Ma vivii atu ma le olioli iā te oe.+
48 Ia viia Ieova le Atua o Isaraelu+Mai i le vavau e oo i le faavavau;Ma ia faapea mai le nuu uma Amene.+O outou le nuu e, inā vivii atu ia iā Ioa!+
