Salamo 107:1-43
(Salamo 107 – 150)
107 O outou le nuu e, inā faafetai atu ia iā Ieova auā e lelei o ia;+Auā e faavavau lava lona alofa faamaoni.+
2 Ia faapea foʻi ona fai mai o ē ua toe faafoʻisia e Ieova,+O ē ua ia toe faafoʻisia mai i le lima o lē e ita mai,+
3 Ma o ē na ia faapotopoto faatasi mai i atunuu,+E mai i le mea e oso aʻe ai le lā ma le mea e goto i ai,+E mai i mātū ma saute.+
4 Na fesēaʻi i latou i le fanua valevalenoa+ i le toafa;+E latou te leʻi maua se auala i se aai e nonofo ai.+
5 Na fia aai i latou ma fia feinu foʻi;+Na toeitiiti lava a feoti.+
6 Na latou alalaga atu pea iā Ieova i o latou puapuaga;+Na ia laveaʻi iā i latou mai i o latou mafatiaga,+
7 Na ia taʻitaʻi i latou ina ia savavali i le ala saʻo,+Ma ō atu ai i se aai e nonofo ai.+
8 Le nuu e, ia faafetai atu iā Ieova ona o lona alofa faamaoni+Ma ana galuega ofoofogia i le fanau a tagata.+
9 Auā ua ia faamalieina le tagata ua fia inu;+Ma ua ia faamaʻona foʻi i mea lelei le tagata ua fia ʻai.+
10 Ua iai i latou ua nonofo i le pōuliuli ma le pogisa tele,+O pagota ua puapuagatia ma noanoatia i uʻamea.+
11 Auā ua latou fouvale+ i afioga a le Atua;+Ua latou lē faaaloalo foʻi i fautuaga a Lē e Silisili Ese.+
12 O le mea lea ua ia faamaulaloina ai o latou loto i mea faigatā;+Ua tautevateva i latou a ua leai se tasi e fesoasoani.+
13 Ona latou alalaga atu lea iā Ieova mo se fesoasoani i o latou puapuaga;+Ma na ia faaola iā i latou e pei ona masani ai mai i o latou mafatiaga.+
14 Ua ia aumaia i latou mai i le pōuliuli ma le pogisa tele,+Ma motusi ese o latou noanoataga.+
15 Le nuu e, ia faafetai atu iā Ieova ona o lona alofa faamaoni+Ma ana galuega ofoofogia i le fanau a tagata.+
16 Auā ua ia gauia faitotoʻa ʻapamemea,+Ma ia lepetia faamau uʻamea.+
17 O i latou o ē ua vālea e tusa ma o latou ala solitulafono+Ma e tusa foʻi ma a latou mea sesē, ua faatigāina ai i latou.+
18 Ua ʻinoʻino i latou i meaʻai uma lava,+Ma ua latou taunuu ai i faitotoʻa o le oti.+
19 Ona latou alalaga atu lea iā Ieova mo se fesoasoani i o latou puapuaga;+Ma na ia faaola iā i latou e pei ona masani ai mai i o latou mafatiaga.+
20 Na ia auina atu lana afioga ma faamālōlōina ai i latou+Ma saunia se mea e sao ai i latou mai i lua e tatanu ai i latou.+
21 Le nuu e, ia faafetai atu iā Ieova ona o lona alofa faamaoni+Ma ana galuega ofoofogia i le fanau a tagata.+
22 Ma ia latou ofo atu taulaga o le faafetai+Ma folafola atu ana galuega ma le alaga fiafia.+
23 O i latou ua ō ifo i le sami i vaa,+Ua faia pisinisi i le vasa tele,+
24 O i latou ia ua vāai i galuega a Ieova+Ma ana galuega ofoofogia i mea loloto;+
25 Ua fetalai ane o ia, ona agi mai ai lea o le matagi malosi,+Ma ua siisii ai ona galu.+
26 Ua latou ō aʻe i le lagi,Ua latou ō ifo i lalō.Ua liusuavai foʻi o latou loto ona o mala.+
27 Ua latou taavavale ma tautevateva e pei o se tagata onā,+Ua fenuminumiaʻi foʻi lo latou atamai uma lava.+
28 Ona latou alalaga atu lea iā Ieova i o latou puapuaga,+Ma ua ia aumaia i latou mai i o latou mafatiaga.+
29 Ua ia faatoʻa filemu le afā,+Ona malū ai lea o galu o le sami.+
30 Ona latou olioli ai lea auā ua malū,Ma ua ia taʻitaʻia i latou i le mea e malu ai na latou loto i ai.+
31 Le nuu e, ia faafetai atu iā Ieova ona o lona alofa faamaoni+Ma ana galuega ofoofogia i le fanau a tagata.+
32 Ia latou vivii atu iā te ia i le faapotopotoga o lona nuu;+Ia latou vivii atu foʻi iā te ia i le saofaʻiga a toeaina.+
33 Ua ia liua vaitafe i le toafa,+Ma le tele o vai e avea ma fanua naumati,+
34 O fanua lafulemu e fai ma fanua lafulafuā,+Ona o le leaga o i latou o loo nonofo ai.
35 Ua ia liua le toafa e avea ma vailepa,+Ma le fanua naumati e avea ma fanua e tele ai vai.+
36 Na ia faanonofo i inā o ē ua fia aai,+Ina ia latou matuā faatumauina ai se aai e nonofo ai.+
37 Ua latou lūlū fatu i fanua ma totō togāvine,+Ina ia fua mai ni fua e tele.+
38 Ua ia faamanuia foʻi i latou ina ia matuā faatoʻateleina ai;+E leʻi faaitiitia foʻi e ia a latou lafumanu.+
39 Ua toe faaitiitia foʻi i latou ma ua faamaulaloina+Ona o le faasauā, o le puapuaga ma le faanoanoa.+
40 Ua faainosia e ia o tamālii,+Ua ia faia i latou ia feoaʻi solo i le toafa i le mea e leai se auala.+
41 Ua ia puipuia le tagata mativa mai i mea tigā+Ua ia liua o ia e avea ma aiga toʻatele e pei o se lafu mamoe.+
42 E vāai i ai tagata amio saʻo ma olioli ai;+A o ē e amiolētonu uma e tapunia o latou gutu.+
43 O ai ea lē ua atamai? E tausia e ia nei mea uma+Ma e uaʻi atu o ia i galuega o le alofa faamaoni o Ieova.+
