Salamo 114:1-8
114 Ina ua alu ese Isaraelu mai i Aikupito,+O le aiga o Iakopo mai i le nuu e ese la latou gagana,+
2 Na avea Iuta ma ona nuu paia,+Ma Isaraelu o lona malo mamalu.+
3 Ua iloa atu e le sami ona sola ai lea;+A ua toe liliu i tua Ioritana.+
4 Ua osooso solo mauga e pei o mamoe poʻa,+O aʻega foʻi ua pei o tamaʻi mamoe.
5 Le sami e, o le ā le mea ua e sola ai,+Ioritana e, o le ā le mea ua e toe liliu ai?+
6 Mauga e, o le ā le mea ua outou osooso solo ai e pei o mamoe poʻa;+Aʻega e, o le ā foʻi le mea ua pei ai outou o tamaʻi mamoe?+
7 Le laueleele e, inā matuā tigā ia ona o le Alii,+Ona o le Atua o Iakopo,
8 O lē na liua le papa e avea ma vailepa,+O le papa malō e avea ma vaipuna.+
