Salamo 115:1-18
115 E lē tatau se mea iā i matou, Ieova e, e lē tatau se mea iā i matou,+A o lou suafa e tatau ona faamamaluina+E tusa ma lou alofa faamaoni, e tusa foʻi ma lou faamaoni.+
2 Aiseā ea e faapea mai ai atunuu:+“O fea nei o iai lo latou Atua?”+
3 Ae o loo i le lagi lo matou Atua;+Ua faia e ia mea uma ua ia finagalo i ai.+
4 O o latou tupua e faia i siliva ma auro,+O galuega ia a lima o tagata.+
5 E fai o latou gutu, ae e lē tautatala;+E fai o latou mata, ae e lē vāai;+
6 E fai o latou taliga, ae e lē faalogo.+E fai o latou isu, ae e lē sogisogi.+
7 E fai o latou lima, ae e lē fetagofi.+E fai o latou vae, ae e lē savavali;+E leai foʻi se leo i o latou faaʻī.+
8 O i latou e faia tupua, ua pei lava i latou o na mea,+O i latou uma o ē e faatuatua i ai.+
9 Isaraelu e, ia faatuatua iā Ieova;+O ia o lo latou fesoasoani ma lo latou talita.+
10 Le aiga e, o Arona, ia outou faatuatua atu iā Ieova;+O ia o lo latou fesoasoani ma lo latou talita.+
11 O outou o ē e matataʻu iā Ieova, inā faatuatua ia iā Ieova;+O ia o lo latou fesoasoani ma lo latou talita.+
12 Ua manatua e Ieova lava ia i tatou; e faamanuia mai e ia,+E faamanuia e ia le aiga o Isaraelu,+E faamanuia foʻi e ia le aiga o Arona.+
13 E faamanuia e ia o i latou e matataʻu iā Ieova,+O ē e faatauvaa atoa foʻi ma ē e sili.+
14 E faaopoopo e Ieova iā te outou,+O outou ma a outou fanau.+
15 O outou o ē ua faamanuiaina e Ieova,+O Lē na faia le lagi ma le lalolagi.+
16 O le lagi, o le lagi lava, e iā Ieova lea,+A ua tuuina mai e ia le lalolagi i le fanau a tagata.+
17 E lē vivii atu iā Ioa o ē ua oti,+E faapea foʻi i latou ua ō ifo i le mea taaligoligoa.+
18 A o i tatou, ia vivii atu iā Ioa+E amata atu nei seʻia oo i le faavavau.+O outou le nuu e, inā vivii atu ia iā Ioa!+
