Salamo 119:1-176
א [Alefa]
119 E fiafia o ē e sao o latou ala,+O i latou ia o loo savavali i le tulafono a Ieova.+
2 E fiafia i latou o ē e tausi i ana faamanatuga;+Ua latou saʻili atu pea iā te ia ma o latou lotoatoa.+
3 Ua lē faia lava e i latou se mea e lē tonu.+Ua latou savavali foʻi i ona ala.+
4 O oe lava na e poloaʻi mai iā i matou+Ina ia tausia lelei au faatonuga.+
5 Maʻimau pe ana ou savali ma le mausalī+Ina ia ou tausia ai au tulafono!+
6 Ona ou lē māsiasi ai lea,+Pe a ou vaavaai atu i au poloaʻiga uma.+
7 Ou te faaneenee atu iā te oe ma loʻu loto saʻo,+Pe a ou iloa iʻuga o au faamasinogatonu.+
8 Ua ou tausia pea au tulafono.+Aua lava e te matuā tuulafoaʻi mai iā te aʻu.+
ב [Peta]
9 Pe e faapefea ona faamamā e se tauleʻaleʻa+ lona ala?E ala i le leoleoina pea o ia e tusa ai ma lau afioga.+
10 Ua ou saʻili iā te oe ma loʻu lotoatoa.+Aua neʻi ou sē ese mai i au poloaʻiga.+
11 Ua ou teu i loʻu loto lau afioga,+Ina neʻi oʻu agasala iā te oe.+
12 Ieova e, ia viia oe.Ia e aʻoaʻo mai foʻi iā te aʻu au tulafono.+
13 Ua taʻutaʻu atu e oʻu laugutu+Iʻuga uma o faamasinoga a lou fofoga.+
14 Ua ou olioli i au faamanatuga,+E pei ona ou olioli i isi mea tāua uma.+
15 Ou te manatunatu i au faatonuga,+Ma ou te uaʻi atu foʻi i ou ala.+
16 Ou te fiafia lava i au tulafono.+E lē galo foʻi iā te aʻu lau afioga.+
ג [Gimela]
17 Ia e faia mea lelei i lau auauna ina ia ou ola ai+Ma ina ia ou tausi ai i lau afioga.+
18 Ia e faapupulaina oʻu mata ina ia ou vaai atu ai+I mea ofoofogia o lau tulafono.+
19 O aʻu o le tagata ese i le laueleele.+Aua e te natia mai iā te aʻu au poloaʻiga.+
20 Ua nutimomoia loʻu loto i le naunau tele+I iʻuga o au faamasinoga i taimi uma.+
21 Ua e aʻoaʻia o ē e faamaualuluga ua faamalaiaina+O ē ua see ese mai i au poloaʻiga.+
22 Ia e aveese mai iā te aʻu taufaifaiga ma le inosia,+Auā ua ou tausia au faamanatuga.+
23 Sa nonofo lava perenise; ma faiupu le tasi i le isi e faasaga iā te aʻu.+A o lau auauna, ua mafaufau o ia i au tulafono.+
24 Ua ou fiafia foʻi i au faamanatuga,+E pei o tagata e faufautua mai iā te aʻu.+
ד [Taleta]
25 Ua pipii loʻu ola i le efuefu.+A ia e faaolaina aʻu e tusa ma lau afioga.+
26 Ua ou faailoa atu oʻu lava ala ina ia e tali mai iā te aʻu.+Ia aʻoaʻo mai iā te aʻu i au tulafono.+
27 Ia e faamalamalama mai iā te aʻu le ala o au faatonuga,+Ina ia ou manatunatu ai i au galuega ofoofogia.+
28 Ua ou lē moe i loʻu faanoanoa.+Ia e faatulaʻi aʻu e tusa ma lau afioga.+
29 Ia e aveesea mai iā te aʻu le ala sesē,+Ma ia alofa mai iā te aʻu i lau tulafono.+
30 Ua ou filifilia le ala o le faamaoni.+Ua ou manatu foʻi e talafeagai iʻuga o au faamasinoga.+
31 Ua ou pipii atu i au faamanatuga.+Ieova e, aua e te faamāina aʻu.+
32 Ou te tamoʻe lava i le ala o au poloaʻiga,+Auā ua e foaʻi mai iā te aʻu se lotomatala.+
ה [He]
33 Ieova e, ia e faatonu mai iā te aʻu i le ala o au tulafono,+Ina ia ou tausia e oo lava i le iʻuga.+
34 Ia e faamalamalama mai iā te aʻu ina ia ou tausi ai i lau tulafono+Ma ia ou tausia ai ma loʻu lotoatoa.+
35 Ia e taʻitaʻia aʻu e savali i le ala o au poloaʻiga,+Auā ua ou fiafia i ai.+
36 Ia e faauaʻi atu loʻu loto i au faamanatuga,+Ae e lē o tupe faasili.+
37 Ia e liliuese oʻu mata mai i le vaai atu i mea e lē aogā;+Ia e faaolaina aʻu i lou ala.+
38 Ia e faataunuu i lau auauna lau afioga+E taʻitaʻiina atu ai i le mataʻu iā te oe.+
39 Ia e aveesea loʻu luma lea ou te fefe i ai,+Auā e lelei iʻuga o au faamasinoga.+
40 Faauta! Ua ou naunau i au faatonuga.+Ia e faaolaina aʻu i lau amiotonu.+
ו [Vau]
41 Ieova e, ia oo mai iā te aʻu lou alofa faamaoni,+O lau faaolataga foʻi e tusa o lau afioga,+
42 Ina ia ou tali atu ai i lē o loo taufaifai mai i se upu,+Auā ua ou faatuatua i lau afioga.+
43 Aua lava e te matuā aveesea mai i loʻu gutu le upu moni,+Auā ua ou faatalitali i le iʻuga o lau faamasinoga.+
44 Ou te tausia e lē aunoa lau tulafono,+I aso uma e oo lava i le faavavau.+
45 Ona ou fesavaliaʻi ai lea i le mea lautele,+Auā ua ou saʻili i au faatonuga.+
46 Ou te tautala foʻi i au faamanatuga i luma o tupu,+Ma ou te lē mā lava.+
47 Ou te fiafia lava i au poloaʻiga+Ua ou naunau i ai.+
48 Ou te sisii aʻe foʻi oʻu lima i le tatalo, e faaalia ai loʻu naunau i au poloaʻiga,+Ou te mafaufau foʻi i au tulafono.+
ז [Saina]
49 Ia e manatua lau afioga i lau auauna,+Lea ua ou faatalitali i ai e tusa ma lau folafolaga.+
50 Ua avea ma faamāfanafanaga i loʻu tigā,+Auā o lau afioga ua faaolaina ai aʻu.+
51 Ua matuā tauemu mai tagata faamaualuluga iā te aʻu.+Auā ou te leʻi liliuese mai i lau tulafono.+
52 Ieova e, ua ou manatua iʻuga o au faamasinoga talu mai anamua,+Ma ua faamāfanafanaina ai aʻu.+
53 Ua ou matuā ita lava ona o ē e amioleaga,+O ē ua tuua lau tulafono.+
54 Ua avea au tulafono ma aʻu pese+I le fale na ou nofo aumau ai o se tagata ese.+
55 Ieova e, ua ou manatua lou suafa i le pō,+Ina ia ou tausia ai lau tulafono.+
56 Ua fai mo aʻu lenei mea,Auā ua ou tausia au faatonuga.+
ח [Heta]
57 O Ieova o loʻu tofi lea;+Na ou folafola atu ou te tausi i au afioga.+
58 Ua ou saʻili atu mo lou finagalo malie* ma loʻu lotoatoa.+Ia e alofa mai iā te aʻu e tusa ma lau afioga.+
59 Ua ou manatunatu i oʻu ala,+Ina ia toe liliu atu oʻu vae i au faamanatuga.+
60 Ua ou faatelevave, ma ou te leʻi faatelegese+Ina ia tausi i au poloaʻiga.+
61 Ua siʻomia aʻu e maea a ē e amioleaga.+Ou te leʻi faagaloina foʻi lau tulafono.+
62 Ou te ala i le vaeluapō e faafetai atu iā te oe+Ona o iʻuga o au faamasinogatonu.+
63 Ua fai aʻu ma uō a i latou uma o ē e matataʻu iā te oe,+Ma i latou foʻi o ē e tausi i au faatonuga.+
64 Ieova e, ua tumu le lalolagi i lou alofa faamaoni.+Ia e aʻoaʻo mai aʻu i au tulafono.+
ט [Teta]
65 Ua e agalelei i mea ua e faia i lau auauna,+Ieova e, e tusa ma lau afioga.+
66 Ia aʻoaʻo mai aʻu i le agalelei,+ mafaufau lelei,+ ma le poto,+Auā ua ou faatuatua i au poloaʻiga.+
67 A o leʻi oo mai tigā iā te aʻu, sa ou agasala ma le lē iloa,+A o lenei ua ou tausia lau afioga.+
68 O oe e lelei ma o loo e faia mea lelei.+Ia e aʻoaʻo mai aʻu i au tulafono.+
69 Ua fatu fua e ē faamaualuluga tala pepelo e uiga iā te aʻu.+A o aʻu, ou te tausi i au faatonuga+ ma loʻu lotoatoa.
70 Ua mafiafia o latou loto e pei o le gaʻo.+A o aʻu, ou te fiafia i lau tulafono.+
71 E lelei mo aʻu ona ua ou mafatia,+Ina ia ou aʻoaʻoina ai au tulafono.+
72 E lelei+ mo aʻu le tulafono+ a lou fofoga,E sili atu nai lo o le afe o fasi auro ma siliva.+
י [Iota]
73 Na faia aʻu e ou lava aao, ma ua saunia ai aʻu.+Ia e faamalamalama mai iā te aʻu, ina ia ou aʻoaʻoina ai au poloaʻiga.+
74 O i latou o ē e matataʻu iā te oe, e latou te iloa mai aʻu ma olioli ai,+Auā ua ou faatalitali atu i lau afioga.+
75 Ieova e, ua ou iloa lelei e tonu lava iʻuga o au faamasinoga+Ua e faapuapuagatia foʻi aʻu i le faamaoni.+
76 Ia faamāfanafanaina aʻu e lou alofa faamaoni,+E tusa ma lau afioga i lau auauna.+
77 Ia oo mai iā te aʻu lou alofa mutimutivale, ina ia ou ola ai pea;+Auā ua ou fiafia i lau tulafono.+
78 Ia faamāina o ē e faamaualuluga, auā ua latou taʻitaʻisesēina fua aʻu.+A o aʻu, ou te manatunatu i au faatonuga.+
79 Ia liliu mai iā te aʻu i latou o ē e matataʻu iā te oe,+O i latou ia e iloa au faamanatuga.+
80 Ia sao loʻu loto e tausia au tulafono,+Ina ia ou lē mā ai.+
כ [Kafa]
81 Auā ua ou vaivai i le manaʻo tele i lau faaolataga;+Auā ua ou faatalitali atu i lau afioga.+
82 Ua vaivai oʻu mata i le matuā fia vaai i lau afioga,+A o ou faapea atu: “O afea e te faamāfanafanaina ai aʻu?”+
83 Auā ua pei aʻu o se fagupaʻu*+ i le asu.E lē galo iā te aʻu au tulafono.+
84 E fia ea aso o lau auauna?+O afea foʻi e te faaoo mai ai lau faamasinoga iā i latou o loo faasauā mai iā te aʻu?+
85 Ua eli e ē faamaualuluga lua ina ia maua ai aʻu,+O i latou ia e lē o ola e tusa ma lau tulafono.+
86 E maufaatuatuaina au poloaʻiga uma.+Ua latou sauā fua mai iā te aʻu. Ia e fesoasoani mai iā te aʻu.+
87 Ua toeitiiti ona latou faaumatia lea o aʻu i le lalolagi;+A o aʻu, ou te leʻi tuua lava au faatonuga.+
88 Ia e faaola mai iā te aʻu e tusa ma lou alofa faamaoni,+Ina ia ou tausia faamanatuga a lou fofoga.+
ל [Lameta]
89 Ieova e, ua tumau lau afioga,+I le lagi e faavavau.+
90 O lou faamaoni e mai i lea tupulaga i lea tupulaga.+Ua e matuā faatumauina foʻi le lalolagi, ina ia tūmau ai pea.+
91 E tusa ai ma le iʻuga o au faamasinoga, ua tumau ai pea e oo mai i le aso nei,+Auā o au auauna i latou uma.+
92 Pe ana ou lē fiafia i lau tulafono,+Semanū ua ou fano i oʻu tigā.+
93 E lē galo iā te aʻu au faatonuga i aso uma,+Auā o mea na ua e faaolaina ai aʻu.+
94 O oe e ona aʻu. Ia e faaolaina foʻi aʻu,+Auā ua ou saʻili atu i au faatonuga.+
95 Ua faatalitali o lē e amioleaga ina ia faaumatia aʻu.+A ua ou uaʻi atu pea i au faamanatuga.+
96 Ua ou vaaia le iʻuga o mea lelei atoatoa uma.+O lau poloaʻiga foʻi e matuā lautele lea.
מ [Mema]
97 Maʻeu lava loʻu naunau i lau tulafono!+Ou te mafaufau i ai i le aso atoa.+
98 Ua sili atu loʻu atamai i oʻu fili ona o au poloaʻiga,+Auā ua ou tausia pea au poloaʻiga i aso uma.+
99 Ua sili atu le tofā mamao ua iā te aʻu nai lo o oʻu faiaʻoga uma,+Auā ou te mafaufau pea i au faamanatuga.+
100 Ua sili atu loʻu malamalama nai lo o toeaina,+Auā ua ou tausia au faatonuga.+
101 Ua ou taofia oʻu vae mai i ala leaga uma,+Ina ia ou tausia ai lau afioga.+
102 Ou te leʻi ʻalo ese mai i iʻuga o au faamasinoga,+Auā o oe lava na e aʻoaʻo mai iā te aʻu.+
103 Maʻeu lava le suamalie o au afioga i loʻu gutu,E sili atu nai lo o le meli!+
104 Ona o au faatonuga, ua ou malamalama ai.+O le mea lea ua ou ʻinoʻino ai i ala sesē uma.+
נ [Nuna]
105 O lau afioga o le sulu lea i oʻu vae,+Ma le malamalama i loʻu ala.+
106 Na ou tautō ma ou te faia lava,+Ina ia ou tausia iʻuga o au faamasinogatonu.+
107 Ua ou matuā puapuagatia lava.+Ieova e, ia e faaola mai iā te aʻu e tusa ma lau afioga.+
108 Ieova e, ia e fiafia mai i taulaga tauofo a loʻu gutu,+Ma aʻoaʻo mai aʻu i iʻuga o au faamasinoga.+
109 Ua i loʻu lima loʻu nei ola e lē aunoa;+Ae e lē galo iā te aʻu lau tulafono.+
110 Ua faataatia e lē e amioleaga se mailei mo aʻu,+Ae ou te leʻi alu ese lava mai i au faatonuga.+
111 Ua fai ma oʻu tofi au faamanatuga i aso uma lava,+Auā o mea ia e fiafia i ai loʻu loto.+
112 Ua faauaʻi atu loʻu loto e faia au tulafono+I aso uma lava e oo i le iʻuga.+
ס [Sameka]
113 Ua ou ʻinoʻino i tagata faalotolotolua,+A ua ou naunau i lau tulafono.+
114 O oe o loʻu lafitaga ma loʻu talita.+Auā ou te faatalitali atu i lau afioga.+
115 Inā ō ese ia mai iā te aʻu outou o ē e faia mea leaga,+Ina ia ou tausia ai poloaʻiga a loʻu Atua.+
116 Ia e lagolago mai iā te aʻu e tusa ma lau afioga, ina ia ou ola ai pea,+Ma aua e te faamāina aʻu ona o loʻu faamoemoe.+
117 Ia e tausia aʻu ina ia faaolaina ai,+Ona ou vaai atu ai pea lea i au tulafono.+
118 Ua e lafoaʻia i latou uma ua see ese mai i au tulafono;+Auā e pepelo a latou faiga faaʻoleʻole.+
119 Ua e aveesea tagata amioleaga uma o le lalolagi e pei o le otaota o le uʻamea.+O le mea lea ou te naunau ai i au faamanatuga.+
120 Ua maniti loʻu tino ona o loʻu mataʻu iā te oe;+Ma ua ou fefe ona o iʻuga o au faamasinoga.+
ע [Oina]
121 Ua ou faia le faamasinoga ma le amiotonu.+Aua e te lafoaʻia aʻu i ē e lē faia mai mea tonu iā te aʻu!+
122 Ia e faia mea e faamautinoa ai ua saogalemu lau auauna.+Aua neʻi ʻolegia aʻu e ē faamaualuluga.+
123 Ua vaivai oʻu mata i le matuā fia vaai i lau faaolataga+Ma lau afioga tonu.+
124 Ia e faia i lau auauna e tusa ma lou alofa faamaoni,+Ma aʻoaʻo mai aʻu i au tulafono.+
125 O aʻu o lau auauna.+ Ia e faamalamalama mai iā te aʻu,+Ina ia ou iloa ai au faamanatuga.+
126 O le taimi lenei mo Ieova e gaoioi ai.+Auā ua latou solia lau tulafono.+
127 O le mea lea ou te naunau ai i au poloaʻiga+E sili atu nai lo o le auro, o le auro ua faamamāina.+
128 O le mea lea ua ou manatu ai e saʻo faatonuga uma e faatatau i mea uma;+Ua ou ʻinoʻino i ala sesē uma.+
פ [Pe]
129 E ofoofogia au faamanatuga.+O le mea lea ua ou tausia ai.+
130 O le faailoa mai o au afioga ua faamalamalamaina ai,+Ua faamalamalamaina ai o ē e leai se poto masani.+
131 Ua faamaga loʻu gutu ina ia vave ai laʻu mānava,+Auā ua ou naunau tele i au poloaʻiga.+
132 Ia e liuliualo mai iā te aʻu ma ia e alofa mai,+E tusa ma le iʻuga o lau faamasinoga iā i latou e alolofa i lou suafa.+
133 Ia e faatumauina oʻu laasaga i lau afioga,+Ma ia aua neʻi iai se mea e tigā ai e pule mai iā te aʻu.+
134 Ia e laveaʻi mai iā te aʻu mai i ē e faasesēina tagata,+Ona ou tausia lea o au faatonuga.+
135 Ia faamalamalama mai ou fofoga i lau auauna,+Ma ia aʻoaʻo mai au tulafono iā te aʻu.+
136 Ua tafe ifo vai mai i oʻu mata+Auā e leʻi tausia lava e i latou lau tulafono.+
צ [Sati]
137 E amiotonu oe Ieova e,+E saʻo foʻi iʻuga o au faamasinoga.+
138 O lau amiotonu ma le matuā faamaoni lava+Na e poloaʻi mai ai iā i matou ina ia tausia au faamanatuga.+
139 O loʻu maelega ua oo mai ai loʻu iʻuga,+Auā ua faagaloina e oʻu fili au afioga.+
140 O lau afioga ua matuā faamamāina lava,+Ma e naunau i ai lau auauna.+
141 E faatauvaa lava aʻu ma inosia.+E leʻi galo foʻi au faatonuga iā te aʻu.+
142 O lau amiotonu, o le amiotonu lea e faavavau,+E moni foʻi lau tulafono.+
143 Ua maua aʻu i puapuaga ma faigatā.+Na ou fiafia foʻi i au poloaʻiga.+
144 E tonu au faamanatuga i aso uma lava.+Ia e faamalamalama mai iā te aʻu, ina ia ou ola ai pea.+
ק [Kofa]
145 Ua ou valaau atu ma loʻu lotoatoa.+ Ieova e, ia e tali mai iā te aʻu.+Ou te tausia lava au tulafono.+
146 Ou te valaau atu iā te oe. E! ia e faaola mai iā te aʻu.+Ona ou tausia lea o au faamanatuga.+
147 Ua ou vave ala i le tafa mai o ata o le taeao,+ ina ia ou alaga atu mo se fesoasoani.+Auā ua ou faatalitali atu i au afioga.+
148 Na ala pea oʻu mata i leoleoga o le pō,+Ina ia ou mafaufau ai i lau afioga.+
149 Ia e faafofoga mai i loʻu leo e tusa ma lou alofa faamaoni.+Ieova e, ia e faaola mai iā te aʻu e tusa ma le iʻuga o lau faamasinoga.+
150 Ua faalatalata mai iā te aʻu i latou o loo faia amioga matagā;+Ua ō mamao ese i latou mai i lau tulafono.+
151 Ieova e, ua e latalata mai,+Ma e moni foʻi au poloaʻiga uma lava.+
152 Na ou iloa nisi o au faamanatuga talu mai anamua,+Auā na e faavaeina ia e faavavau.+
ר [Resa]
153 Ia e silasila mai i oʻu tigā ma ia e laveaʻi mai aʻu;+Auā e leʻi galo iā te aʻu lau tulafono.+
154 Ia e faia le faamasinoga mo aʻu ma toe faafoʻisia mai aʻu;+Ia e faaola mai aʻu e tusa ma lau afioga.+
155 Ua mamao lava le faaolataga mai i tagata amioleaga,+Auā ua latou lē saʻili atu i au tulafono.+
156 Ieova e, ua tele lava lou alofa mutimutivale.+Ia e faaola mai aʻu e tusa ma iʻuga o au faamasinoga.+
157 O ē e faasauā mai iā te aʻu ma oʻu fili, e toʻatele lava.+Ma ua ou lē liliuese foʻi mai i au faamanatuga.+
158 Ua ou iloa atu i latou o ē e faia faiga faaʻoleʻole,+Ma ou ʻinoʻino i ai auā e latou te leʻi tausia lau afioga.+
159 Ia e silasila mai, ua ou naunau lava i au faatonuga.+Ieova e, ia e faaola mai iā te aʻu e tusa ma lou alofa faamaoni.+
160 E moni lava lau afioga atoa,+Ma e faavavau foʻi iʻuga uma o au faamasinogatonu.+
ש [Sina] po o [Sini]
161 Ua faasauā fua mai perenise iā te aʻu,+A ua mataʻu loʻu loto i au afioga.+
162 Ua ou fiafia ona o lau afioga+E pei ona fiafia o se tasi e na te maua le vete tele.+
163 Ou te ʻinoʻino i le pepelo,+ ma ou te ʻinoʻino pea i ai.+Ua ou naunau i lau tulafono.+
164 E faafitu ona ou vivii atu iā te oe i le aso+Ona o iʻuga o au faamasinogatonu.+
165 E tele le filemu o i latou e naunau i lau tulafono,+Ma e leai foʻi se mea e tautevateva ai i latou.+
166 Ieova e, ua ou faamoemoe i lau faaolataga,+Ma ua ou faia au poloaʻiga.+
167 Ua ou tausia au faamanatuga,+Ma ua ou matuā naunau lava i ai.+
168 Ua ou tausia au faatonuga ma au faamanatuga,+Auā ua i ou luma oʻu ala uma.+
ת [Tau]
169 Ieova e, tau ina ia oo atu laʻu ʻaiʻoiga i ou luma.+Ia e faamalamalama mai foʻi iā te aʻu e tusa ma lau afioga.+
170 Tau ina ia oo atu i ou luma laʻu talosaga mo lou finagalo malie.+Ia e laveaʻi mai foʻi iā te aʻu e tusa ma lau afioga.+
171 Tau ina ia taʻutaʻu atu e oʻu laugutu le viiga,+Auā ua e aʻoaʻo mai iā te aʻu au tulafono.+
172 Tau ina ia pese atu e loʻu laulaufaiva lau afioga,+Auā e tonu au poloaʻiga uma.+
173 Tau ina ia fesoasoani mai lou aao iā te aʻu,+Auā ua ou filifilia au faatonuga.+
174 Ieova e, ua ou naunau lava i lau faaolataga,+Ua ou fiafia foʻi i lau tulafono.+
175 Tau ina ia ou ola pea ma vivii atu iā te oe,+Tau ina ia fesoasoani mai foʻi iā te aʻu iʻuga o au faamasinoga.+
176 Ua ou fesēaʻi e pei o se mamoe ua leiloa.+ Ia e saʻili mai mo lau auauna,+Auā e leʻi galo iā te aʻu au poloaʻiga.+
Faamatalaga Pito i Lalo
^ I le gagana Eperu, “ia faamalū ou fofoga.”
