Salamo 121:1-8
O le Pese mo Ē Ō Aʻe.
121 E tepa aʻe oʻu mata i mauga.+O fea e sau ai loʻu fesoasoani?+
2 O loʻu fesoasoani e mai iā Ieova lea,+O Lē na faia le lagi ma le lalolagi.+
3 E lē tuua e ia lou vae ia tautevateva.+O Lē e leoleoina oe, e lē tulemoe lava o ia.+
4 Faauta! E lē tulemoe o ia, e lē moe lava,+O lē e leoleoina Isaraelu.+
5 O Ieova o loo leoleo iā te oe.+O Ieova o lou paolo+ o ia i lou lima taumatau.+
6 E lē taia oe e le lā i le ao,+Po o le masina foʻi i le pō.+
7 E leoleo Ieova iā te oe mai i mea leaga uma.+E leoleo e ia i lou ola.+
8 E leoleo e Ieova lou ulufafo ma lou ulufale+E amata atu nei e oo i le faavavau.+
