Salamo 126:1-6
O le Pese a Ē Ō Aʻe.
126 Pe a toe faafoʻisia e Ieova i latou na ave faapagota o Siona,+Ona avea lea o i tatou e pei o ē ua fai a latou miti.+
2 I lea taimi, e tutumu ai o tatou gutu i taliēega,+Ma o tatou laulaufaiva i le alaga fiafia.+E latou te faapea atu foʻi i atunuu:+“Ua faia e Ieova mea tetele i mea na ia faia iā i latou.”+
3 Ua faia e Ieova mea tetele i mea na ia faia iā i tatou.+Ua tatou fiafia ai.+
4 Ieova e, inā toe faafoʻisia mai ia o matou tagata na ave faapagota,+E pei o alāvai i le Nekepi.+
5 O i latou na lūlū fatu ma loimata+E selesele mai ma le alaga fiafia.+
6 O lē e alu atu pea ma le tagi,+O loo ave le taga e tumu i fatu,+E foʻi mai lava ma le alaga fiafia,+O loo aumai ana fusi saito.+
