Salamo 136:1-26
136 O outou le nuu e, inā faafetai atu ia iā Ieova, auā e lelei o ia:+Auā e faavavau lava lona alofa faamaoni;+
2 Ia faafetai atu i le Atua o atua:+Auā e faavavau lava lona alofa faamaoni;+
3 Ia faafetai atu i le Alii o alii:+Auā e faavavau lava lona alofa faamaoni;+
4 I Lē e na o ia lava na faia mea ofoofogia sili:+Auā e faavavau lava lona alofa faamaoni;+
5 I Lē na faia le lagi i le poto:+Auā e faavavau lava lona alofa faamaoni;+
6 I Lē na fofola le lalolagi i luga aʻe o vai:+Auā e faavavau lava lona alofa faamaoni;+
7 I Lē na faia malamalama tetele:+Auā e faavavau lava lona alofa faamaoni;+
8 E oo lava i le lā e pule i le ao:+Auā e faavavau lava lona alofa faamaoni;+
9 O le masina ma fetu e pule faatasi i le pō:+Auā e faavavau lava lona alofa faamaoni;+
10 I Lē na fasia ulumatua a Aikupito:+Auā e faavavau lava lona alofa faamaoni;+
11 Ma o Lē na aumaia Isaraelu mai iā i latou:+Auā e faavavau lava lona alofa faamaoni;+
12 E ala i le aao malosi ma le aao faaloaloa:+Auā e faavavau lava lona alofa faamaoni;
13 I Lē na vaeluaina le Sami Ulaula:+Auā e faavavau lava lona alofa faamaoni;+
14 Ma o lē na faaui ane ai Isaraelu i totonu:+Auā e faavavau lava lona alofa faamaoni;+
15 Ma o lē na lafoina Farao ma lana ʻautau i totonu o le Sami Ulaula:+Auā e faavavau lava lona alofa faamaoni;+
16 I Lē na ia faasavavali lona nuu i le toafa:+Auā e faavavau lava lona alofa faamaoni;+
17 I Lē na ia fasia tupu sili:+Auā e faavavau lava lona alofa faamaoni;+
18 Ma o lē na fasiotia tupu mamalu:+Auā e faavavau lava lona alofa faamaoni;+
19 E oo lava iā Sekono le tupu o tagata Amorī:+Auā e faavavau lava lona alofa faamaoni;+
20 Ma Oko le tupu o Vasana:+Auā e faavavau lava lona alofa faamaoni;+
21 Ma o lē na avatua lo latou laueleele e fai ma tofi:+Auā e faavavau lava lona alofa faamaoni;+
22 O le tofi lea o Isaraelu lana auauna:+Auā e faavavau lava lona alofa faamaoni;+
23 O lē na manatuaina i tatou ina o faamaulaloina i tatou:+Auā e faavavau lava lona alofa faamaoni;+
24 Ma o lē na tosoeseina pea i matou mai i o matou fili:+Auā e faavavau lava lona alofa faamaoni;+
25 O Lē na te foaʻiina atu meaʻai i mea ola uma:+Auā e faavavau lava lona alofa faamaoni;+
26 Ia faafetai atu i le Atua o le lagi:+Auā e faavavau lava lona alofa faamaoni.+
