Salamo 15:1-5
O le pese a Tavita.
15 Ieova e, o ai e fai ma mālō i lou faleʻie?+O ai foʻi e nofo i lou mauga paia?+
2 O le tagata e savali ma le lē taʻuleagaina,+ ma fai le amiotonu+E tautala foʻi o ia ma le faamaoni i lona loto.+
3 E leʻi tautala lona laulaufaiva i upu taufaaleaga.+E na te leʻi faia se mea leaga i lana uō,+E leʻi faia foʻi e ia se mea e faalumaina ai lana uō mamae.+
4 E teena e ia i latou ua inosia,+Ae e na te faamamaluina i latou o ē e matataʻu iā Ieova.+Afai e tautō o ia i se mea e tigā ai, e lē toe suia e ia.+
5 E leʻi avatua ana tupe e maua ai ni tupe faasili,+E na te leʻi talia foʻi faiga faatogafalea ina ia tuuaʻia ai le tagata ua lē sala.+O lē e na te faia nei mea uma, e lē tautevateva lava o ia.+
