Salamo 2:1-12
2 Aiseā ua vevesi+ ai atunuu,Ma saga mafaufau ai nuu i mea e lē aogā?+
2 Ua tutū faatasi tupu+ o le lalolagi,Ma ua taupulepule faatasi alii sili,+E faasagatau iā Ieova+ ma lē na ia faauuina,+
3 Ua faapea ane: “Seʻi o tatou motusi ese ia a laʻua noataga+Ma lafoaʻi ese a laʻua maea mai iā i tatou!”+
4 E soisoi Lē o loo afio i le lagi;+E tauemu foʻi Ieova iā i latou.+
5 E fetalai atu o ia iā i latou i lona toʻasā,+O lona toʻatamaʻi tele foʻi e na te faaatuatuvaleina ai i latou,+
6 Ua fetalai ane: “O aʻu lava ua ou tofia laʻu tupu,+I luga o Siona+ loʻu mauga paia.”+
7 Seʻi oʻu faamatala atu le poloaʻiga a Ieova;Ua ia fetalai mai iā te aʻu: “O oe o loʻu atalii;+Ua avea aʻu i le aso nei ma ou tamā.+
8 Ia e ōle mai iā te aʻu,+ ina ia ou avatu nuu ese e fai ma ou tofi,+Ma tuluʻiga o le lalolagi e fai mo oe.+
9 E te taia i latou i le tootoo uʻamea,+E te nutililiia foʻi i latou+ e pei o le ipu a le fai ipu omea.”
10 O outou tupu e, ia iā te outou le tofā mamao;O outou faamasino o le lalolagi,+ ia aʻoaʻia outou.
11 Ia auauna iā Ieova ma le mataʻu,+Ma ia olioli ma le gatete.+
12 Inā sogi atu ia i le atalii,+ ina neʻi toʻasā mai le Atua,Ma ina neʻi faaumatia outou i le ala,+Auā e faafuaseʻi ona sasao aʻe lona toʻasā.+E fiafia foʻi i latou uma o ē e sulufaʻi atu iā te ia.+
