Salamo 24:1-10
O le pese a Tavita.
24 O Ieova e ana le lalolagi ma mea ua tumu ai,+O le laueleele ma i latou o loo nonofo ai.+
2 Auā o ia lava na matuā faavaeina ai i luga o le sami,+O ia foʻi na matuā faatumauina ai i luga o vaitafe.+
3 O ai ea e alu aʻe i le mauga o Ieova,+Ma o ai e tulaʻi atu i lona afioaga paia?+
4 O so o se tasi e mamā ona lima ma e mamā foʻi lona loto,+O lē ua lē ʻinoʻino i Loʻu ola,+E lē tautō faaʻoleʻole foʻi.+
5 E maua e ia le faamanuiaga mai iā Ieova+Ma le amiotonu mai i le Atua o lona faaolataga.+
6 O le tupulaga lenei o i latou o ē e saʻili atu iā te ia,+O i latou o ē e saʻili atu iā te oe, le Atua e o Iakopo. Selā.
7 “Inā ea ia i luga o outou ulu, outou o faitotoʻa e,+Ma ia faaeaina outou, o outou o faitotoʻa+ e tumau e faavavau,Ina ia ulufale atu ai le Tupu mamalu!”+
8 “O ai la lenei Tupu mamalu?”+“O Ieova e malosi ma mamana,+O Ieova o lē e malosi i le taua.”+
9 “Inā ea ia i luga o outou ulu, outou o faitotoʻa e;+Ioe, ia faaeaina i latou, o outou o faitotoʻa e tumau e faavavau,Ina ia ulufale atu ai le Tupu mamalu!”+
10 “O ai ea la o ia, o lenei Tupu mamalu?”“O Ieova o ʻau—o ia o le Tupu mamalu.”+ Selā.
