Salamo 27:1-14
O le salamo a Tavita.
27 O Ieova o loʻu malamalama+ ma loʻu faaolataga.+O ai ea ou te mataʻu i ai?+O Ieova o le malosi ia o loʻu ola.+O ai ea ou te fefe i ai?+
2 Ina ua faasagatau mai iā te aʻu o ē e fai mea leaga ina ia ʻaina aʻu,+Na avea i latou ma oʻu fili ma ē e tetee mai iā te aʻu,+Na latou tautevateva foʻi ma paʻuʻū ai.+
3 E ui ina tolauapi se ʻau e faasagatau mai iā te aʻu,+Ae e lē fefe ai loʻu loto.+E ui ina faasagatau mai iā te aʻu i se taua,+Ae ou te faatuatua pea iā te ia.+
4 E tasi lava le mea ua ou talosaga atu ai iā Ieova+O le mea lea o loo oʻu naunau i ai,+Ina ia ou nofo i le fale o Ieova i aso uma o loʻu ola,+E iloa ai le matagofie o Ieova+Ma ia ou vaai atu ai ma le fiafia i lona malumalu.+
5 Auā e na te faalafi iā te aʻu i lona paolo i le aso o le puapuaga;+E na te natia aʻu i le mea lilo o lona faleʻie;+E na te tuu foʻi aʻu i le papa maualuga.+
6 O lenei ua faaeaina loʻu ulu i luga o oʻu fili uma o loo siʻomiaina aʻu;+Ma ou te faia taulaga o le alaga olioli+ i lona faleʻie;Ou te pese foʻi ma ou faia pesega iā Ieova.+
7 Ieova e, ia e faafofoga mai i loʻu leo pe a ou valaau atu,+Ma ia e finagalo malie mai ma tali mai iā te aʻu.+
8 Ua fai ifo loʻu loto e faatatau iā te oe: “O outou le nuu e, ia outou saʻili mai iā te aʻu.”+Ieova e, ou te saʻili atu lava iā te oe.+
9 Aua e te natia ou fofoga mai iā te aʻu.+Aua e te auina ese atu lau auauna i lou toʻasā.+Ia fai oe ma oʻu fesoasoani.+Loʻu Atua e, o le faaolataga, aua e te tuulafoaʻiina aʻu ma aua e te tuua aʻu.+
10 E tusa pe tuua aʻu e loʻu lava tamā ma loʻu lava tinā,+Ae e talia lava aʻu e Ieova.+
11 Ieova e, ia e faatonu mai aʻu i lou ala,+Ma taʻitaʻi iā te aʻu i le ala o le amio saʻo ona o oʻu fili.
12 Aua neʻi tuuina atu aʻu i le manaʻo o ē e ita mai iā te aʻu;+Auā ua tulaʻi mai iā te aʻu o ē e molimau pepelo,+Ma lē ua tautala faasauā.+
13 Pe ana ou lē faatuatua i le vaai atu i le lelei o Ieova i le nuu o tagata ola, semanū ua leai soʻu faamoemoe!+
14 Ia faamoemoe atu iā Ieova;+ ia lototele ma ia faamalosia lou loto.+Ioe, ia faamoemoe atu iā Ieova.+
