Salamo 34:1-22
O le salamo a Tavita i le taimi na faatagā valea+ ai o ia i luma o Apimeleka, ona ia tuliese ai lea o ia ma ia alu ese ai.
א [Alefa]
34 Ou te vivii atu iā Ieova i taimi uma;+E lē aunoa foʻi ona viiga i loʻu gutu.+
ב [Peta]
2 E mitamita loʻu loto iā Ieova;+E faalogo ai o ē e agamalu ma olioli ai i latou.+
ג [Gimela]
3 O outou le nuu e, ia outou faasilisilia Ieova faatasi ma aʻu,+Ma seʻi o tatou faaeaina faatasi lona suafa.+
ד [Taleta]
4 Na ou fesili atu iā Ieova, ona tali mai lea o ia iā te aʻu,+Na ia laveaʻiina foʻi aʻu mai i mea uma na ou fefe ai.+
ה [He]
5 Na latou vāai atu iā te ia ma na latou fiafia ai,+Ma e lē mafai foʻi ona māsiasi o latou mata.+
ז [Saina]
6 Na valaau atu lē ua tigāina, ona faafofogaina lea e Ieova.+Na Ia faaolaina foʻi o ia mai i ona mafatiaga uma.+
ח [Heta]
7 E tolauapi le agelu a Ieova e siʻosiʻomia ai i latou o ē e matataʻu iā te ia,+Ma e na te laveaʻiina foʻi i latou.+
ט [Teta]
8 O outou le nuu e, inā outou tofotofo ia ma iloa ai e lelei Ieova;+E fiafia foʻi le tagata e sulufaʻi atu iā te ia.+
י [Iota]
9 Ia matataʻu iā Ieova, outou o ona tagata paia,+Auā e leai ni mea e matitiva ai i latou e matataʻu iā te ia.+
כ [Kafa]
10 Ua leai ni meaʻai a tamaʻi leona taanoa ma ua fia aai i latou;+A o i latou e saʻili iā Ieova, e leai se mea lelei e matitiva ai i latou.+
ל [Lameta]
11 Le fanau e, inā ō mai ia ma faalogo mai iā te aʻu;+Ou te aʻoaʻo atu iā te outou ina ia matataʻu iā Ieova.+
מ [Mema]
12 O ai ea le tagata e fiafia i le ola,+Ma ua naunau ia tele ona aso ina ia iloa ai mea lelei?+
נ [Nuna]
13 Ia leoleo lou laulaufaiva mai i mea leaga,+Ma ou laugutu mai i le tautala i mea taufaasesē.+
ס [Sameka]
14 Ia liliuese mai i mea leaga ma fai mea lelei;+Ia saʻili e maua le filemu ma tausisi i ai.+
ע [Oina]
15 O loo silasila mai fofoga o Ieova i ē e amiotonu,+Ma e faafofoga mai foʻi ona taliga i la latou alaga atu mo se fesoasoani.+
פ [Pe]
16 E faasagatau atu fofoga o Ieova i ē o faia mea leaga,+Ina ia lē toe taʻua i latou i le lalolagi.+
צ [Sati]
17 Ua latou alalaga atu ma ua faafofogaina e Ieova,+Ua ia laveaʻiina foʻi i latou mai i o latou mafatiaga uma.+
ק [Kofa]
18 E latalata mai Ieova iā i latou o ē e loto momomo;+Ma e faaola e ia i latou o ē ua loto nutimomoia.+
ר [Resa]
19 E tele puapuaga o le tagata amiotonu,+Ae e laveaʻiina e Ieova o ia mai i na mea uma.+
ש [Sini]
20 E leoleo e ia o ona ivi uma;E leai lava se ivi e tasi ua gau.+
ת [Tau]
21 E fasiotia i le mala lē ua amioleaga;+E taʻusalaina foʻi o ē ua ʻinoʻino i lē e amiotonu.+
22 E laveaʻiina e Ieova ana auauna;+E lē taʻusalaina foʻi i latou uma o ē e sulufaʻi atu iā te ia.+
