Salamo 37:1-40
O le salamo a Tavita.
א [Alefa]
37 Aua e te ita ona o ē e fai mea leaga.+Aua foʻi e te matauʻa ona o i latou e faia mea e lē tonu.+
2 Auā e pei i latou o le mutia e vave magumagu,+E mou atu foʻi i latou e pei o le vao muʻa lauolaola.+
ב [Peta]
3 Ia e faatuatua iā Ieova ma faia mea lelei;+Ia e nofo foʻi i le laueleele ma ia faamaoni i au mea e fai.+
4 Ia e matuā fiafia foʻi iā Ieova,+Ona foaʻi mai lea e ia o mea e manaʻo i ai lou loto.+
ג [Gimela]
5 Ia e tuuina atu iā Ieova lou ala,+Ma faalagolago atu iā te ia,+ ona gaoioi lea o ia.+
6 E faaalia lava e ia lau amiotonu e pei o le malamalama,+O lau faamasinogatonu foʻi e pei o le tutonu o le lā.+
ד [Taleta]
7 Ia filemu pea i luma o Ieova+Ma ia matuā faatalitali atu iā te ia.+Aua neʻi e ita i so o se tasi o loo taulau manuia lona ala,+Faapea foʻi ma le tagata o loo faia faufauga leaga.+
ה [He]
8 Inā tuu ia le ita ma soia le lotoa;+Aua e te ita! E na o le oo ai ina e faia o se mea leaga!+
9 Auā e faaumatia o ē e fai mea leaga,+A o ē e faamoemoe iā Ieova, o i latou ia e fai mo i latou le lalolagi.+
ו [Vau]
10 Ua toeitiiti lava ona lē toe iai lea o le tagata amioleaga;+E te mafaufau foʻi i le mea sa iai o ia, a ua leai lava.+
11 A o ē e agamalu, e fai mo i latou le lalolagi,+E matuā faafiafiaina foʻi i latou ona o le tele o le filemu.+
ז [Saina]
12 Ua taupulepule le tagata amioleaga faasaga i lē e amiotonu,+Ua atigū atu foʻi ona nifo iā te ia.+
13 E soisoi Ieova iā te ia,+Auā ua silafia lava e ia e oo mai le aso e faaumatia ai o ia.+
ח [Heta]
14 Ua seʻi aʻe e tagata amioleaga le pelu ma loloʻu la latou ʻaufana,+Ina ia osofaʻia ai o lē ua tigā ma lē ua mativa,+Ma fasiotia ai i latou e saʻo o latou ala.+
15 E ati a latou lava pelu i o latou fatu,+E gauia foʻi a latou lava ʻaufana.+
ט [Teta]
16 E sili atu si mea itiiti a lē e amiotonu+Nai lo o mea e tele a le toʻatele o ē e amioleaga.+
17 Auā e gauia lima o tagata amioleaga,+Ae e lagolagoina e Ieova o ē e amiotonu.+
י [Iota]
18 Ua silafia e Ieova aso o ē ua lē ponā,+E faaauau foʻi ona iai lo latou tofi i aso uma lava.+
19 E lē māsiasi i latou i le taimi o puapuaga,+E maoona foʻi i latou i aso o le oge.+
כ [Kafa]
20 Auā e fano tagata amioleaga,+Ma e pei fili o Ieova o le matagofie o laufanua lafulemu;E mavae atu i latou.+ E mavae atu i latou i le asu.+
ל [Lameta]
21 E aitalafu e le tagata amioleaga mea, ae e lē toe totogiina atu,+Ae e alofa le tagata amiotonu ma foaʻi atu meaalofa.+
22 Auā o i latou e na te faamanuiaina, e fai mo i latou le laueleele,+A o ē e na te fetuuina e faaumatia i latou.+
מ [Mema]
23 E faatumauina lava e Ieova laasaga o le tagata,+Ma e fiafia o Ia i lona ala.+
24 Afai e paʻū o ia, e lē lafotuina i lalo,+Auā e taofia e Ieova lona lima.+
נ [Nuna]
25 Sa ou talavou, a o lenei ua ou toeaina,+Ae ou te leʻi iloa lava se tagata amiotonu ua tuulafoaʻiina,+Po o ana fanau o ʻaisi mo ni meaʻai.+
26 E alofa o ia i aso uma ma ua nonō atu ana mea,+Ma o le a maua e lana fanau le faamanuiaga.+
ס [Sameka]
27 Ia liliuese mai i mea leaga ae fai mea lelei,+Ona e nofo ai lea i le laueleele i aso uma lava.+
28 Auā e fiafia Ieova i le faamasinogatonu,+E na te lē tuua foʻi o ē e faamaoni iā te ia.+
ע [Oina]E leoleoina i latou i aso uma lava;+A o fanau a ē e amioleaga, e aveesea lava i latou.+
29 E fai lava le lalolagi mo ē e amiotonu,+E nonofo ai pea i latou e oo i le faavavau.+
פ [Pe]
30 O le gutu o le tagata amiotonu e tautala lemū i le atamai,+O lona laulaufaiva foʻi e tautala i mea e tonu.+
31 Ua iai i lona loto le tulafono a lona Atua;+E lē tautevateva foʻi lana savali.+
צ [Taseta]
32 O loo mataʻituina e le tagata amioleaga le tagata amiotonu+Ma o loo saʻili e fasioti o ia.+
33 Ae e lē tuuina atu e Ieova o ia i le lima o lenā tagata,+E na te lē taʻuleagaina foʻi o ia pe a faamasinoina.+
ק [Kofa]
34 Ia faamoemoe iā Ieova ma tausi i lona ala,+Ona ia faaeaina lea o oe ina ia fai ma ou tofi le laueleele.+E te vaai atu foʻi i le faaumatiaga o tagata amioleaga.+
ר [Resa]
35 Ua ou vaai atu i le pule sauā a lē e amioleaga+Ma ua faalautele atu o ia lava e pei o se laau lauolaola i lona lava laueleele.+
36 Ua mou atu o ia, ma ua leai o ia;+Na ou saʻili pea iā te ia, a ua lē maua o ia.+
ש [Sini]
37 Ia vaavaai i lē ua lē taʻuleagaina ma ia tulimataʻi pea lē ua amio saʻo,+Auā o le a filemu le lumanaʻi o lenā tagata.+
38 E faaumatia faatasi o ē e solitulafono;+E leai foʻi se lumanaʻi o tagata amioleaga.+
ת [Tau]
39 A o le faaolataga o ē e amiotonu, e mai iā Ieova lea;+O ia o lo latou malosi i taimi o mafatiaga.+
40 E fesoasoani Ieova iā i latou, e na te saunia foʻi se mea e sao ai i latou.+E na te saunia se mea e sao ai i latou mai i tagata amioleaga ma faaolaina i latou,+Auā ua latou sulufaʻi atu iā te ia.+
