Salamo 39:1-13
I le faatonu o le ʻaufaimusika o le Iutana.+O le pese a Tavita.
39 Na ou faapea ifo: “Ou te leoleo i oʻu ala+Ina neʻi oʻu agasala i loʻu laulaufaiva.+Ou te tuu i ai se fusi* e taofi ai loʻu gutu,+A o iai lē e amioleaga i oʻu luma.+
2 Na ou lē magagana ma filemu;+Na ou lē tautala i le mea lelei,+Ma na ou taofiofia loʻu tigā.
3 Ua vevela loʻu loto i totonu iā te aʻu;+Ua mū pea le afi ona o loʻu ōi.Ma ua ou tautala atu:
4 “Ieova e, ia e faailoa mai iā te aʻu loʻu iʻuga,+Ma po o le ā foʻi le fua o oʻu aso,+Ina ia ou iloa ai pe e puupuu loʻu ola.+
5 Faauta! Ua e faaitiitia oʻu aso;+O le umi foʻi o loʻu ola ua peiseaʻī o se meanoa i ou luma.+E moni, o tagata uma e ui lava ina tutū mausalī, ae e matuā faatauvaa lava i latou.+ Selā.
6 E moni, ua fesavaliaʻi solo le tagata e pei o se ata lafoia.+E moni, e iʻuvale a latou taumafaiga.+E faaputuina mea e le tasi, ae e lē iloa po o ai e na te faapotopotoina.+
7 O lenei, Ieova e, o le ā se mea ou te faamoemoe i ai?Ou te faatalitali atu iā te oe.+
8 Ia e laveaʻi iā te aʻu mai i aʻu solitulafono uma.+Aua neʻi e faia aʻu ma tauemuga a le tagata valea.+
9 Ua ou lē magagana;+ ma ua lē matala foʻi loʻu gutu,+Auā o oe lava ua e gaoioi.+
10 Ia e aveesea le mala na e faaoo mai iā te aʻu.+Ua faaumatia aʻu nei i le sasa mai o lou aao.+
11 Ua e aʻoaʻi le tagata ona o lona sesē,+Ua e faaumatia foʻi ana mea mananaia e pei ona faia e se lelefua.*+E moni e matuā faatauvaa lava tagata uma.+ Selā.
12 Ieova e, ia e faafofoga mai i laʻu tatalo,Ia e faafofoga mai foʻi i laʻu alaga atu mo se fesoasoani.+Aua neʻi e lē amanaʻia oʻu loimata.+Auā o aʻu o se tagata ese i ou luma,+O aʻu o se tagata aumau e tutusa ma oʻu augātamā uma.+
13 Aua e te silasila mai iā te aʻu, ina ia ou toe fiafia ai+Manū ou te leʻi alu ese, ma ou leai ai.”+
Faamatalaga Pito i Lalo
^ I le gagana Eperu, “ou te tuu i ai se faagutu.”
^ O “lelefua” e maua i Isaraelu. O se iniseti e fā ona apaʻau e tai pei o se pepe, ma a o leʻi oo ina maua ona apaʻau, e na te ʻatiʻatia lavalava o tagata.
