Salamo 4:1-8
I le faatonu o le ʻaufaimusika o meafaifaaili e iai uaua.+ O le pese a Tavita.
4 Loʻu Atua amiotonu e,+ ia e tali mai iā te aʻu pe a ou valaau atu.Ia e laveaʻi mai iā te aʻu i oʻu puapuaga.Ia e agalelei+ mai ma faafofoga i laʻu tatalo.
2 O outou le fanau a tagata, tou te faalumaina ea loʻu mamalu+ seʻia afea,A o outou fiafia pea i mea e lē aogā,A o outou saʻili pea foʻi i mea pepelo? Selā.
3 Ia outou iloa e faamamaluina lava e Ieova o lē e faamaoni iā te ia;+E faafofoga mai foʻi Ieova pe a ou valaau atu iā te ia.+
4 Pe a outou atuatuvale, aua neʻi agasala ai.+Ia outou fai ifo i o outou loto i luga o o outou moega,+ ma ia fifilemu. Selā.
5 Ia fai taulaga i taulaga o le amiotonu,+Ma ia outou faatuatua iā Ieova.+
6 E toʻatele ua faapea ane: “O ai e na te faailoa mai iā i matou mea lelei?”Ieova e, ia faasaga mai iā i matou le malamalama o ou fofoga.+
7 E tele lava le fiafia ua e tuuina i loʻu loto,+E sili atu i le taimi na tele ai a latou saito ma uaina fou.+
8 Ou te taoto ma ou moe ma le filemu,+Auā e na o oe Ieova e, ou te nofo ai ma le saogalemu.+
