Salamo 41:1-13
I le faatonu o le ʻaufaimusika. O le pese a Tavita.
41 E fiafia o lē e gaoioi ma le magafagafa i lē ua faatauvaa;+Auā e saunia e Ieova se mea e sao ai o ia i le aso o le puapuaga.+
2 E leoleoina o ia e Ieova ma faaola iā te ia.+E taʻua o ia o lē e fiafia i le lalolagi;+Ma e lē mafai lava ona e tuuina atu o ia i ona fili.+
3 E tausia o ia e Ieova i luga o le moega i lona maʻi;+E te suia foʻi lona moega uma lava a o maʻi o ia.+
4 A o aʻu nei, ou te faapea atu: “Ieova e, ia e alofa mai iā te aʻu.+Ia e faamālōlōina aʻu, auā ua ou agasala iā te oe.”+
5 A ua fai e oʻu fili tala leaga e faatatau iā te aʻu:+“O afea e oti ai o ia ma mou atu ai lona igoa?”
6 Ma afai e sau se tasi e vaai aʻu, e tautala mai o ia i mea pepelo o loo i lona loto;+E vaavaai o ia i se mea e faatigā ai aʻu;E alu atu o ia i fafo; ona tautala ai lea e faatatau i ai.+
7 Ua femusuaʻi faatasi i latou uma o ē e ita mai iā te aʻu;+Ua latou faufau pea se mea leaga faasaga iā te aʻu:+
8 “Ua oo se mea leaga* iā te ia;+O lenei ua taoto o ia, e lē toe tulaʻi lava.”+
9 O le tagata foʻi na ma uō, o lē na ou faatuatua i ai,+O lē na ʻai i aʻu meaʻai,+ ua ia aa mai iā te aʻu i lona mulivae.+
10 A o oe Ieova e, ia e alofa mai ma faatulaʻi iā te aʻu,+Ina ia ou toe taui atu ai iā i latou.+
11 O le mea lenei ou te iloa ai ua e fiafia mai iā te aʻu,Auā ua lē alaga fiafia loʻu fili ona o aʻu.+
12 Auā ua e taofia aʻu ona o loʻu faamaoni,+Ma e te faatūina aʻu i ou luma i aso uma lava.+
13 Ia viia Ieova le Atua o Isaraelu+I aso uma lava e oo i le faavavau.+Amene ma Amene.+
Faamatalaga Pito i Lalo
^ I le gagana Eperu, “ua sasaa atu iā te ia se mea e lē aogā.”
