Salamo 42:1-11
I le faatonu o le ʻaufaimusika. O le Masekila* mo le fanauga a Koru.+
42 E pei ona naunau o le ʻaila i vaitafe,Ua faapea ona naunau o loʻu loto iā te oe, le Atua e.+
2 Ua fia inu loʻu loto i le Atua,+ o le Atua soifua.+O afea ea ou te alu atu ai ma faaali atu i luma o le Atua?+
3 Ua avea oʻu loimata ma aʻu meaʻai i le ao ma le pō,+Ma ua latou faapea mai iā te aʻu i le aso atoa: “O fea o iai lou Atua?”+
4 Ou te manatuaina nei mea, ma ou te tauivi pea ma nei faalogona o loo i totonu iā te aʻu.+Auā e masani ona matou savavali faatasi ma tagata e toʻatele,E masani foʻi ona ou savali lemū i o latou luma i le fale o le Atua,+Ma le leo o le alaga fiafia ma le faafetai,+O le motu o tagata o loo faia se tausamiga.+
5 Loʻu loto e, aiseā ua e atuatuvale ai,+Ma aiseā foʻi ua e lē toʻafilemu ai i totonu iā te aʻu?+Inā faatalitali ia i le Atua,+Auā ou te faaneenee atu pea iā te ia o lē e sili e na te faaolaina aʻu.+
6 Loʻu Atua e, ua atuatuvale loʻu loto i totonu iā te aʻu.+O le mea lenā ua ou manatua ai oe,+E mai i le laueleele o Ioritana ma tumutumu o Heremoni,+E mai i le tamaʻi mauga.+
7 E alaga atu lea vai loloto i lea vai lolotoE ala i le leo o ou afu.O ou galu fafati uma ma ou peau malolosi+Ua fefatiaʻi i oʻu luga.+
8 E poloaʻia e Ieova lona alofa faamaoni i le ao,+E iā te aʻu foʻi lana pese i le pō;+E ofo atu le tatalo i le Atua o loʻu ola.+
9 Ou te faapea atu i le Atua o loʻu papa:+“Aiseā ua e faagaloina ai aʻu?+Aiseā ua ou savali ai ma le faanoanoa ona o sauāga mai i le fili?”+
10 O le matuā faifai mai o i latou o ē e ita mai iā te aʻu, ua pei ai ua tuʻimomomo oʻu ivi,+A o latou faapea mai iā te aʻu i le aso atoa: “O fea o iai lou Atua?”+
11 Loʻu loto e, aiseā ua e atuatuvale ai,+Ma aiseā foʻi ua e lē toʻafilemu ai i totonu iā te aʻu?+Inā faatalitali ia i le Atua,+Auā ou te faaneenee atu pea iā te ia o lē e sili e na te faaolaina aʻu ma o loʻu Atua.+
Faamatalaga Pito i Lalo
^ O le uiga o lenei upu Eperu o le “solo o manatunatuga loloto o se tasi.”
