Salamo 54:1-7
I le faatonu o le ʻaufaimusika o meafaifaaili e iai uaua. O le Masekila.* O le salamo a Tavita. Ina ua ō atu tagata Sifi ma faapea atu iā Saulo: “Pe e lē o lafi ea Tavita iā i matou?”+
54 Le Atua e, ia e faaolaina aʻu ona o lou suafa,+Ia e finau mo aʻu i lou malosi.+
2 Le Atua e, ia e faafofoga mai i laʻu tatalo;+Ia e faafofoga mai foʻi i upu a loʻu gutu.+
3 Auā e iai tagata ese ua faasagatau mai iā te aʻu,Ma pule sauā o ē e saʻili e fasioti iā te aʻu.+Ua latou lē amanaʻia le Atua.+ Selā.
4 Faauta! o le Atua o loʻu fesoasoani lea;+O loo faatasi foʻi Ieova ma i latou o loo lagolagoina aʻu.
5 E na te toe taui atu mea leaga i oʻu fili;+Ia faaumatia i latou i lou faamaoni.+
6 Ou te ofoina atu le taulaga iā te oe ma le lotomalie.+Ieova e, ou te faaneenee atu foʻi i lou suafa, auā e lelei lea.+
7 Auā ua ia laveaʻiina aʻu mai i puapuaga uma,+Ua vaai foʻi oʻu mata i oʻu fili.+
Faamatalaga Pito i Lalo
^ O le uiga o lenei upu Eperu o le “solo o manatunatuga loloto o se tasi.”
