Salamo 6:1-10
I le faatonu o le ʻaufaimusika o meafaifaaili e iai uaua o le nota maulalo.+ O le pese a Tavita.
6 Ieova e, aua e te aʻoaʻi mai iā te aʻu i lou toʻasā,+Aua e te faasaʻo mai iā te aʻu i lou toʻatamaʻi.+
2 Ieova e, ia e alofa mai auā ua ou vaivai.+Ieova e, ia e faamālōlōina aʻu+ auā ua ōia oʻu ponaivi.
3 Ioe, ua matuā popole lava loʻu loto;+A o oe Ieova e, o le ā ea le umi?+
4 Ieova e, ia e toe foʻi mai,+ ia e laveaʻi mai iā te aʻu;+Ia e faaola mai iā te aʻu ona o lou alofa faamaoni.+
5 Auā ua lē taʻua oe i le oti;+O ai ea e faaneenee atu iā te oe i le Tuugamau?*+
6 Ua ou vaivai ona o loʻu ōi;+Ua lofia loʻu moega i le pō atoa;+Ua pei o se vai le mea ou te moe ai i oʻu loimata.+
7 Ua vaivai oʻu mata ona o loʻu tigā,+Ua mata matua foʻi ona o ē uma ua sauā mai iā te aʻu.+
8 Ō ese ia mai iā te aʻu o outou uma o ē e faia mea e tigā ai,+Auā e faafofoga mai lava Ieova i le leo o laʻu tagi.+
9 E faafofoga mai lava Ieova i laʻu talosaga atu mo lona finagalo malie;+E talia foʻi e Ieova laʻu tatalo.+
10 E matuā māsiasi+ ma atuatuvale oʻu fili uma;E toe foʻi i latou, e faafuaseʻi lava ona māsiasi i latou.+
Faamatalaga Pito i Lalo
^ Po o “Seoli,” e mai le upu Eperu sheohlʹ. Tagaʻi i le Faaopoopoga e 6.
