Salamo 61:1-8
I le faatonu o le ʻaufaimusika o meafaifaaili e iai uaua. O le salamo a Tavita.
61 Le Atua e, ia e faafofoga mai i laʻu ʻaiʻoi atu.+Ia e liuliualo mai i laʻu tatalo.+
2 Ua vaivai loʻu loto ma ou te tagi atu iā te oe mai i tuluʻiga o le lalolagi.+Ia e taʻitaʻi iā te aʻu i se papa e sili atu ona maualuga nai lo o aʻu.+
3 Auā ua fai oe ma oʻu sulufaʻiga,+O le ʻolo malosi i luma o loʻu fili.+
4 E avea aʻu ma mālō i lou faleʻie i aso uma lava;+Ou te sulufaʻi atu e lafi i le paolo o ou apaʻau.+ Selā.
5 Auā o oe lava le Atua e, ua e faafofoga mai i aʻu tautoga.+Ua e tuuina mai foʻi iā te aʻu le tofi o i latou e matataʻu i lou suafa.+
6 E te faaopoopoina aso i aso o le tupu;+O ona tausaga foʻi e pei o lea tupulaga ma lea tupulaga.+
7 E nofo o ia i luma o le Atua i aso uma lava;+Ia e tuuina atu iā te ia le alofa faamaoni ma le upu moni, ina ia leoleomalu ai o ia.+
8 Ou te faia pesega i lou suafa e faavavau,+Ina ia ou totogi ai aʻu tautoga i lea aso ma lea aso.+
