Salamo 78:1-72
O le Masekila.* O le pese a Asafo.+
78 Loʻu nuu e, ia outou faalogo mai i laʻu tulafono;+Ia uaʻi mai o outou taliga i upu a loʻu gutu.+
2 Ou te tautala atu i se faataoto;+Ou te faamatala atu foʻi mea lilo o aso anamua,+
3 O mea na tatou faalogo i ai ma iloa,+Na faamatala mai e o tatou tamā iā i tatou;+
4 E tatou te leʻi natia ia mea mai i a latou fanau,+Ae na faamatala atu e oo lava i tupulaga o loo fāi mai,+O viiga o Ieova ma lona malosi+Ma mea ofoofogia na ia faia.+
5 Na ia faatūina se faamanatuga iā Iakopo,+Ma na ia faatū foʻi se tulafono iā Isaraelu,+O mea na ia poloaʻi mai ai i o tatou augātamā,+Ina ia faailoa atu i a latou fanau;+
6 Ina ia iloa ai e tupulaga o loo fāi mai, o fanau e fananau mai,+Ina ia latou tulaʻi atu foʻi ma taʻu atu i a latou fanau,+
7 Ina ia latou faatuatua ai i le Atua+Ma aua neʻi galo galuega a le Atua,+ ae ia tausia ana poloaʻiga.+
8 Ia lē pei i latou o o latou augātamā,+O le tupulaga faauamaaa ma fouvale,+O le tupulaga foʻi ua lē saunia o latou loto+Ma e lē faamaoni o latou loto i le Atua.+
9 O le fanauga a Efaraima, e ui ua faaauupegaina o ni ē e fanafana aū,+Ae na solomuli i le aso o le taua.+
10 E latou te leʻi tausia le feagaiga a le Atua,+E latou te leʻi fia savavali i lana tulafono.+
11 Na amata foʻi ona galo iā i latou ana mea na fai+Ma ana galuega ofoofogia na ia faavaai i ai i latou.+
12 Na ia faia mea mamana i luma o o latou augātamā+I le nuu o Aikupito,+ le fanua o Soana.+
13 Na ia vaeluaina le sami ina ia faaui ane ai i latou,+Na ia faia foʻi vai ia pea o se mea maupuʻepuʻe.+
14 Na ia taʻitaʻia pea i latou e ala i se ao i le ao+Ma le pō atoa i le malamalama o le afi.+
15 Na ia vavāea papa i le toafa,+Ina ia faafeinu ai e ia i latou i le tele o vai e pei o vai loloto.+
16 Na ia faapuna mai ai vai na tafe mai i le papa+Ma faatafe ifo ai vai e pei o vaitafe.+
17 A ua atili ai ona latou agasala pea iā te ia+I le fouvale i Lē e Silisili Ese i le nuu naumati;+
18 Na latou tofotofo i le Atua i o latou loto+I le talosaga atu mo ni mea e ʻai e tusa ma o latou tuʻinanauga.+
19 Ona latou tautatala faasagatau lea i le Atua.+Ua latou faapea ane: “Pe e mafai ea e le Atua ona laulau mai ni meaʻai mo i matou i le toafa?”+
20 Faauta! Ua ia taia le papa+Ina ia tafe mai ai le vai ma tatafe mai ai ālia.+“Pe e mafai ea la ona ia foaʻi mai ni meaʻai,+Pe na te mafai foʻi ona saunia ni meaʻai mo lona nuu?”+
21 O le mea lea na faafofoga i ai Ieova ma tupu ai lona maʻemaʻeā;+Ona ia aumaia lea o le afi e faasala ai Iakopo,+Ma ua oso aʻe foʻi lona toʻasā iā Isaraelu.+
22 Auā e latou te leʻi faatuatua i le Atua,+Ma e latou te leʻi faalagolago foʻi i le faaolataga mai iā te ia.+
23 Ona ia poloaʻiina lea o le lagi puaoa i lugā,Ma ua ia tatala faitotoʻa o le lagi.+
24 Na ia faatotō ifo i o latou luga le manai e aai ai,+Na ia avatu foʻi iā i latou le saito mai i le lagi.+
25 Na aai e tagata meaʻai a ē e malolosi;+Na ia tuuina atu iā i latou meaʻai e maoona ai.+
26 Na ia faaoso mai i le lagi le matagi mai i sasaʻe+Ma faaagi le matagi mai i saute i lona malosi.+
27 Na ia faatotō ifo meaʻai iā i latou e pei o le efuefu,+O manufelelei foʻi e pei o le oneone o le sami.+
28 Na ia faatotō ifo ai i totonu o lana togālauapi,+Ua siʻomia ai ona faleʻie paia.+
29 Ona latou aai lea ma ua matuā maoona ai,+Na ia avatu foʻi iā i latou mea na latou tuʻinanau i ai.+
30 E leʻi liliuese i latou mai i o latou tuʻinanauga,A o i o latou gutu a latou meaʻai,+
31 Ina ua oso aʻe le toʻatamaʻi o le Atua iā i latou.+Ona ia fasiotia lea o o latou tagata malolosi;+Ma faaumatia tauleleʻa o Isaraelu.
32 E ui i nei mea uma, ae na latou agasala pea+Ma lē faatuatua i ana galuega ofoofogia.+
33 Ona ia faaiʻuina lea o o latou aso e pei o le mānava,+Ma ua ia faaiʻua foʻi o latou tausaga i le atuatuvale.
34 E pei ona masani ona ia fasiotia o i latou, e latou te fesili atu foʻi iā te ia,+Ma latou te toe foʻi ma saʻili i le Atua.+
35 Ona latou manatua lea o le Atua, o lo latou Papa,+Ma o le Atua Silisili Ese, o Ia na te faia le tauimasui mo i latou.+
36 Ua latou taumafai e faavalea o ia i a latou upu;+Ma taumafai foʻi e tala pepelo iā te ia i o latou laulaufaiva.+
37 E leʻi tumau o latou loto iā te ia;+Ma e latou te leʻi faamaoni foʻi i lana feagaiga.+
38 Ae peitaʻi, sa alofa mutimutivale+ o ia; na ia faamagalo i mea sesē+ ma e na te leʻi faaumatia foʻi i latou.+Na ia liliueseina lona toʻasā i le tele o taimi,+Ma e na te leʻi faatupu foʻi lona toʻatamaʻi tele.
39 E na te manatua pea e na o ni tagata lava i latou,+E alu ese le ola ma e lē toe foʻi mai.+
40 Na masani ona latou fouvale iā te ia i le toafa,+Na latou faatigā foʻi iā te ia i le toafa!+
41 Na latou tofotofo pea lava pea i le Atua,+Ma na latou faatigā foʻi i Lē e Paia o Isaraelu.+
42 E latou te leʻi manatua lona aao malosi,+I le aso na ia laveaʻiina ai i latou mai i le fili,+
43 Lea na ia tuuina atu ai ana faailoga i Aikupito+Ma ana vavega i le fanua o Soana;+
44 Lea foʻi na ia liua ai alāvai o lo latou vaitafe o le Naila i le toto,+Ina ia lē mafai ai ona latou feinu mai i o latou lava vaitafe.+
45 Na ia aauina atu foʻi iā i latou o lago taufeū ina ia ūtia ai latou;+Ma rane ina ia fano ai i latou.+
46 Na ia avatu foʻi i mogamoga fua o lo latou fanua,Ma lo latou tautigā i sē akerise.+
47 Na ia faaumatia o latou vine i le uatoʻa+Ma o latou laau o le sukamoru i uatoʻa.+
48 Na ia tuuina atu foʻi o latou manu ave avega i le uatoʻa+Ma a latou lafumanu i le faamaʻi e oti ai.
49 Na ia faaoo atu iā i latou lona toʻasā aasa,+O le maʻemaʻeā, o le toʻatamaʻi, ma mafatiaga,+Na aauina mai foʻi ʻau o agelu e aumaia mala.+
50 Na ia saunia se ala mo lona toʻasā.+E leʻi taofia foʻi e ia i latou mai i le oo i ai o le oti;Ma na ia faaumatia i latou i le faamaʻi.+
51 Ona ia taia lea mulimuli ane o ulumatua uma a Aikupito,+O o latou ulumatua i faleʻie o Hamo.+
52 Mulimuli ane, na ia tuu atu lona nuu e ō e pei o se lafu mamoe,+Ma taʻitaʻia i latou e pei o se lafu i le toafa.+
53 Na ia taʻitaʻi pea iā i latou ma le saogalemu, ma e leʻi fefefe i latou;+A ua ufitia e le sami o latou fili.+
54 Na ia aumaia i latou i lona laueleele paia,+O le vaega maugā na maua e lona aao taumatau.+
55 Ona o i latou, na faasolosolo ai ona ia tutuliesea nuu,+Ma na ia faataatia foʻi le fua e vaevaeina ai o latou tofi,+Ona ia faanonofo ai lea o ituaiga o Isaraelu i o latou lava fale.+
56 A ua latou tofotofo ma fouvale i le Atua Silisili Ese,+E latou te leʻi tausia foʻi ana faamanatuga.+
57 Ua liliuese pea i latou ma amio faapiʻopiʻo e pei o o latou augātamā;+Ua latou liliuese foʻi e pei o se ʻaufana ua piʻo.+
58 Na latou faatigā pea iā te ia i a latou mea maualuluga,+Ma na latou faatupu foʻi lona fuā i a latou faatusa ua tā.+
59 Ua faafofoga mai i ai le Atua+ ma tupu ai lona maʻemaʻeā,+Ma na ʻinoʻino tele ai o ia iā Isaraelu.+
60 Ona ia lafoaʻia ai lea o le faleʻie paia o Sailo,+O le faleʻie na ia afio ai faatasi ma tagata.+
61 Na ia tuuina atu lona malosi ia ave faapagota+Ma lona matagofie i le lima o le fili.+
62 Na ia tuuina atu pea lona nuu i le pelu,+Ma na matuā toʻasā foʻi o ia i lona tofi.+
63 Na faaumatia e le afi ona tauleleʻa,Ma e leʻi viia ona teine muli.+
64 A o ana ositaulaga, ua fasia i latou i le pelu,+E leʻi fetagisi foʻi o latou fafine ua feoti a latou tane.+
65 Ona maleifua mai lea o Ieova e peiseaʻī na tofā,+E pei o se tagata malosi ua ala mai sa inu tele i le uaina.+
66 Na ia fasia pea ona fili mai i tua;+Na ia faalumaina i latou e faavavau.+
67 Na ia teena le faleʻie o Iosefa;+E na te leʻi filifilia foʻi le ituaiga o Efaraima.+
68 A ua ia filifilia le ituaiga o Iuta,+O le Mauga o Siona, lea ua ia alofa i ai.+
69 Ona ia fausia lea o lona malumalu e pei o mea maualuluga,+E pei o le lalolagi na ia faavaeina e oo i le faavavau.+
70 Ona ia filifilia ai lea o lana auauna o Tavita+Ma aumaia o ia mai i lotoā o le lafu mamoe.+
71 Mai i le mulimuli atu i mamoe o loo fesusui a latou tama+Na ia aumaia o ia e fai ma leoleo mamoe iā Iakopo lona nuu+Ma Isaraelu lona tofi.+
72 Na ia leoleoina i latou e tusa ma le faamaoni o lona loto,+Na ia taʻitaʻia foʻi i latou i le poto o ona lima.+
Faamatalaga Pito i Lalo
^ O le uiga o lenei upu Eperu o le “solo o manatunatuga loloto o se tasi.”
