Salamo 85:1-13
I le faatonu o le ʻaufaimusika. O le pese a le fanauga a Koru.
85 Ieova e, ua e fiafia i lou nuu;+Ua e toe aumaia i latou na ave faapagota o Iakopo.+
2 Ua e faamagaloina mea sesē a lou nuu;+Ua e ufitia foʻi a latou agasala uma.+ Selā.
3 Ua e pulea lou maʻemaʻeā uma lava;+Ua e liliuese mai i le aasa o lou toʻasā.+
4 Le Atua e, o lo matou faaolataga,+ ia e toe faafoʻisia mai i matou,Ma ia e aveesea lou toʻatamaʻi mai iā i matou.+
5 Pe e faavavau ea ona e toʻatamaʻi iā i matou?+Pe e faaauau pea ona e toʻasā mai i lea tupulaga ma lea tupulaga?+
6 Pe e te lē toe faaolaola ea iā i matou,+Ina ia fiafia atu ai lou nuu iā te oe?+
7 Ieova e, ia e faaali mai iā i matou lou alofa faamaoni,+Ma ia foaʻi mai iā i matou lau faaolataga.+
8 Ou te faalogologo atu i le mea ua fetalai mai ai le Atua moni,+Auā e fetalai mai o ia i le filemu i lona nuu+ ma ona tagata faamaoni,Ae aua neʻi o latou toe liliu atu i le soona mautinoa naʻuā.+
9 E moni lava e latalata lana faaolataga iā i latou e matataʻu iā te ia,+Ina ia tumau ai le mamalu i lo tatou nuu.+
10 A ua fetaiaʻi le alofa faamaoni ma le faamaoni;+Ua feasogi foʻi le amiotonu ma le filemu.+
11 E tupu aʻe le faamaoni mai i le lalolagi,+E vaavaai ifo foʻi le amiotonu mai i le lagi.+
12 E foaʻiina mai e Ieova o mea lelei,+E fua mai lava e lo tatou laueleele ona fua.+
13 E muamua atu le amiotonu i ona luma,+Ma e na te faatumauina le ala i ona tulagavae.+
