Salamo 9:1-20
I le faatonu o le ʻaufaimusika o le Mutu-lapeni.* O le pese a Tavita.
א [Alefa]
9 Ieova e, ou te faaneenee atu iā te oe ma loʻu lotoatoa;+Ou te faalauiloa atu foʻi au galuega ofoofogia uma.+
2 Ou te olioli ma ou fiafia iā te oe,+Le Silisili Ese e, ou te usuina viiga i lou suafa.+
ב [Peta]
3 Ina ua toe foʻi oʻu fili,+E tautevateva i latou ma fano ai i ou luma.+
4 Auā ua e faia loʻu faamasinoga ma laʻu finauga;+Ua e tiʻetiʻe i le nofoālii e faamasinotonu ai.+
ג [Gimela]
5 Ua e aʻoaʻia nuu,+ ma ua e faaumatia lē e amioleaga.+Ua e soloiesea foʻi o latou igoa i aso uma lava, e oo lava i le faavavau.+
6 O oe le fili e, ua faaumatia e faavavau ou faatafunaga,+Ma aai na e liaʻieseina.+E lē toe taʻutaʻua lava i latou.+
ה [He]
7 A o Ieova, e afio o ia i lona nofoālii e faavavau,+E matuā faatumauina lona nofoālii mo le faamasinoga.+
8 E na te faamasinoina le lalolagi i le amiotonu;+E na te faamasinoina ma le tonu finauga a atunuu eseese.+
ו [Vau]
9 E avea Ieova ma mauga e sulufaʻi i ai so o se tasi ua nutimomoia,+O le mauga e sulufaʻi i ai i taimi o puapuaga.+
10 E faatuatua iā te oe o ē e iloa lou suafa,+Ieova e, e te lē tuua lava o ē o loo saʻili iā te oe.+
ז [Saina]
11 O outou le nuu e, ia outou faia pesega iā Ieova o lē o loo afio i Siona;+Ia taʻu atu i tagata ana galuega.+
12 E na te manatuaina pea i latou+ a o ia saʻilia o ē e faamasaatoto;+E lē faagaloina lava e ia le alaga a ē ua puapuagatia.+
ח [Heta]
13 Ieova e, ia e agalelei mai iā te aʻu; ia e silasila mai foʻi i loʻu tigā ona o i latou o ē e ita mai iā te aʻu,+O oe lava ua e ave aʻe iā te aʻu mai i faitotoʻa o le oti,+
14 Ina ia ou faalauiloaina atu au galuega e viia ai+I faitotoʻa+ o le tama fafine a Siona,+Ina ia ou olioli ai i lau faaolataga.+
ט [Teta]
15 Ua gogoto ifo nuu i le lua na latou faia;+Ua puʻea foʻi o latou vae+ i le upega+ na latou natia.
16 Ua iloa Ieova i le faamasinoga ua ia faia.+Ua maileia+ lē e amioleaga i galuega a ona lava lima.Ikaiona.* Selā.
י [Iota]
17 E toe foʻi tagata amioleaga+ i le Tuugamau,*+E oo lava i nuu uma ua faagaloina le Atua.+
18 Auā e lē faagaloina pea o lē e mativa,+E lē fano foʻi e faavavau le faamoemoe o ē e agamalu.+
כ [Kafa]
19 Ieova e, inā e tulaʻi ia! Aua neʻi manumalo tagata.+Ia faamasinoina foʻi nuu i ou luma.+
20 Ieova e, ia e faamatataʻu iā i latou,+Ina ia iloa ai e nuu o tagata faatauvaa lava i latou.+ Selā.
Faamatalaga Pito i Lalo
^ O se faaupuga Eperu e lē iloa le uiga, ae ua faaliliuina e nisi e “faatatau i le oti o se atalii.”
^ O se faaupuga faapitoa tau musika e lē o mautinoa lona uiga.
^ Tagaʻi i le Faaopoopoga e 6.
