Salamo 92:1-15
O le salamo, o le pese mo le aso sapati.
92 E lelei ona faafetai atu iā Ieova+Ma fai pesega i lou suafa, le Silisili Ese e;+
2 Ia taʻu atu i le taeao e uiga i lou alofa faamaoni+Ma lou faamaoni foʻi i pō,+
3 I le meafaifaaili e iai uaua e sefulu ma le napeli,*+Ma le tāina o le kitara.*+
4 Auā ua e faafiafia iā te aʻu, Ieova e, ona o lau galuega;Ua ou alaga fiafia atu foʻi ona o galuega a ou aao.+
5 Ieova e, maʻeu lava le matuā sili o au galuega!+E matuā loloto foʻi ou manatu.+
6 E lē mafai ona iloa e se tagata e leai se mafaufau,+E leai foʻi se tagata valea e mafai ona malamalama i ai.+
7 Pe a tupu olaola o ē e amioleaga e pei o le vao+Ma fuga mai i latou uma o ē e faia mea e tigā ai,Ina ia faaumatia i latou e faavavau.+
8 A o oe Ieova e, e silisili oe e faavavau.+
9 Auā Ieova e, faauta i ou fili!+Auā faauta! o le a fano ou fili;+Ma e tuueseeseina i latou uma o ē e faia mea e tigā ai.+
10 Ae peitaʻi, e te faaeaina loʻu nifo e pei o le povi poʻa;+Ou te uu foʻi aʻu i le suāuu fou.+
11 E vaai atu oʻu mata i oʻu fili;+E faalogo atu foʻi oʻu taliga e uiga i ē e fai mea leaga, o ē e faasagatau mai iā te aʻu.
12 E fuga mai lē e amiotonu e pei o le laau o le pama;+E tupu tele foʻi o ia+ e pei o le arasi o Lepanona.
13 E fuga mai i latou ua totōina i le fale o Ieova,+I lotoā o lo tatou Atua.+
14 E latou te fua mai pea lava pe a oo ina ulusinā,+E malolosi pea i latou ma lauolaola,+
15 E latou te taʻu atu e amio saʻo Ieova.+O ia o loʻu Papa,+ e lē o iā te ia se amiolētonu.+
Faamatalaga Pito i Lalo
^ O se meafaifaaili e tolu manoa i aso anamua e pei o se kitara. O le upu Peretania o le lute.
^ O se meafaifaaili anamua e ese mai i le kitara i aso nei. O le upu Peretania, o le harp.
