Sefanaia 1:1-18
1 O le afioga a Ieova na oo mai iā Sefanaia le atalii o Kusi, o le atalii o Ketalia, o le atalii o Amaria, o le atalii o Esekia, i aso o Iosia+ le atalii o Amone+ le tupu o Iuta:
2 “Ou te matuā faaumatia mea uma i luga o le laueleele,” ua fetalai mai ai Ieova.+
3 “Ou te faaumatia tagata ma manu.+ Ou te faaumatia manufelelei o le lagi ma iʻa o le sami,+ ma mea e tautevateva ai faatasi ma ē e amioleaga;+ o le a ou faaumatia foʻi tagata mai i luga o le laueleele,”+ ua fetalai mai ai Ieova.
4 “Ou te faaloaloa atu loʻu lima e faasagatau iā Iuta ma tagata uma o loo nonofo i Ierusalema,+ ou te faaumatia mai i lenei nofoaga o ē o totoe o Paala,+ o igoa foʻi o ositaulaga o atua ese, faatasi ma isi ositaulaga,+
5 ma i latou o ē e ifo i ʻau o le lagi+ i luga o taualuga o fale, ma ē e ifo+ ma faia tautoga ina ia faamaoni iā Ieova+ ae ua faia foʻi tautoga i le igoa o Malekama;+
6 ma i latou o ē ua lē toe mulimuli iā Ieova,+ o ē e lē o saʻili iā Ieova ma e lē o fesili atu foʻi iā te ia.”+
7 Inā fifilemu ia i luma o le Alii Pule Silisili Ese o Ieova;+ auā ua latalata mai le aso o Ieova,+ auā ua saunia e Ieova se taulaga;+ ua ia faapaiaina+ o ē ua ia valaaulia.
8 “O le aso o le taulaga a Ieova o le a ou taui atu ai i perenise, ma alo o le tupu,+ ma i latou uma o ē e oofu i ofu o isi atunuu.+
9 Ou te taui atu foʻi i tagata uma o ē e feʻaʻei i le pulelaa* i lenā aso, o ē ua faatumuina fale o o latou matai i le sauā ma le taufaasesē.+
10 O lea aso foʻi,” ua fetalai mai ai Ieova, “o le a iai le alaga mai i le Faitotoʻa o Iʻa,+ ma le uiō mai i le vaega fou o le aai,+ ma le taalili tele mai i mauga.+
11 Ia uiō+ outou o ē o loo nonofo i Metesa, auā ua faaumatia tagata uma o ē e fai fefaatauaʻiga;+ ma ua faaumatia foʻi i latou uma o loo fuaina le siliva.
12 “O lea taimi, o le a ou matuā saʻiliʻili ai i Ierusalema i molī,+ ma ou taui atu i tagata o ē ua faifailemū e pei o le uaina ua toʻa ona ʻalu,+ o ē foʻi ua faapea ane i o latou loto, ‘O le a lē faia e Ieova se mea lelei, e na te lē faia foʻi se mea leaga.’+
13 E fai a latou oloa ma mea e faoa ma e faatafunaina foʻi o latou fale.+ E latou te fausia fale, ae e latou te lē nonofo ai;+ e latou te totō togāvine, ae e latou te lē feinu ai i le uaina.+
14 “O loo latalata+ mai le aso tele o Ieova.+ O loo lata mai lava, e matuā televave mai lava.+ E oona le leo o le aso o Ieova.+ E tagiauē ai le toa.+
15 O lea aso, o le aso o le toʻasā, o le aso o le puapuaga ma le tigā,+ o le aso o le afā ma le faatafunaina, o le aso o le pogisa ma le pōuliuli,+ o le aso o ao ma le pogisa tele,
16 o le aso o le pū ma le alaga o le taua,+ e faasagatau i aai malupuipuia ma e faasagatau foʻi i ʻolo maualuluga i tulimanu o le pā.+
17 Ou te faaoo le puapuaga i tagata, ona latou savavali ai lea e pei o tagata tauaso;+ auā ua latou agasala atu iā Ieova.+ O le a sasaa o latou toto e pei o le efuefu+ ma o latou taufale e pei o otaota.+
18 E lē mafai ona laveaʻiina i latou e a latou siliva po o a latou auro i le aso o le toʻasā o Ieova;+ ae o le a faatamaʻia e ia le lalolagi atoa i le afi o lona maelega, auā o le a ia faaoo mai le faaumatiaga,+ o se mea e mataʻutia tele, i ē uma lava o loo nonofo i le lalolagi.”+
Faamatalaga Pito i Lalo
^ E ono faasino atu i le pulelaa o le nofoālii o le tupu.
