Sefanaia 2:1-15
2 Ia outou faapotopoto faatasi, ioe, inā faapotopoto ia,+ le nuu e, e lē mā.+
2 Manū e leʻi tutupu mai mea ua poloaʻiina,+ a o leʻi mavae atu le aso e pei o vao mamago, manū e leʻi oo mai iā te outou le toʻasā tele o Ieova,+ manū e leʻi oo mai iā te outou le aso o le toʻasā o Ieova,+
3 ia saʻili iā Ieova+ o outou uma o ē ua agamalu i le lalolagi,+ o ē ua tausia iʻuga o Ana faamasinoga. Ia saʻili le amiotonu,+ ia saʻili le agamalu.+ Atonu+ e lilo ai outou i le aso o le toʻasā o Ieova.+
4 Auā o le a avea Kasa ma aai ua tuulafoaʻiina;+ ma e faatafunaina foʻi Asekelona.+ E latou te tuliesea Asetota+ i le aoauli+ ma e liaʻiina foʻi Ekerona.+
5 “Oi talofa iā i latou o ē e nonofo i le vaipanoa lata ane i le sami, le atunuu o tagata Kereti!+ O loo faasagatau le afioga a Ieova iā te outou. Kanana e, le atunuu o tagata o Filisitia o le a ou faaumatia oe, ma o le a leai se tasi e nofo ai.+
6 E fai foʻi vaipanoa lata ane i le sami ma laufanua e aai ai lafumanu,+ e iai vaieli mo leoleo mamoe ma pā maa mo mamoe.
7 E avea lea mea ma vaipanoa mo ē o totoe o le aiga o Iuta.+ E latou te aai ai i inā. E latou te taooto faaloloa ai i le afiafipō i fale o Asekelona. Auā o le a liliu atu Ieova lo latou Atua iā i latou,+ ma toe faapotopoto mai i latou o ē na ave faapagota.”+
8 “Ua ou faalogo i le faifai mai a Moapi+ ma upu faatigā loto a le fanauga a Amoni+ na latou faalumaina ai loʻu nuu, ma na faasausili ai faasagatau i lo latou laueleele.
9 O le mea lea, talu ai o loo ola aʻu,”+ ua fetalai mai ai Ieova o ʻau, le Atua o Isaraelu, “O le a avea Moapi e pei o Sotoma,+ ma atalii o Amoni+ e pei o Komoro, o se nofoaga ua iai laau tuitui ma le lua o masima, ma o se mea e faatafunaina e faavavau.+ O le a faoa e oʻu tagata o loo totoe a latou mea, ma e fai ia mea mo ē o totoe o loʻu nuu.+
10 O le mea lenei latou te maua ona o lo latou faamaualuga,+ auā na latou faalumaina ma faasausili pea faasaga i le nuu o Ieova o ʻau.+
11 O le a mataʻutia Ieova pe a ia faasagatau iā i latou;+ auā o le a ia faalēaogāina atua uma o le lalolagi,+ ma o le a ifo tagata iā te ia,+ e taʻitasi mai i le mea e nofo ai, o motu uma o atunuu.+
12 “O outou foʻi, o tagata Aitiope,+ e fasiotia outou i laʻu pelu.+
13 “O le a ia faaloaloa atu lona lima agaʻi i mātū, ma o le a ia faaumatia foʻi Asuria.+ O le a ia fai Nineva ma mea e faatafunaina,+ o se vaipanoa e leai se vai e pei o le toafa.
14 E taooto faaloloa ai lafu, o manu uma o le vao o le atunuu.+ E momoe ai kati ma kifota*+ i le va o ona poutū ua paʻuʻū.+ E tagi foʻi le leo o se manulele i le faamalama.* O le a iai toega o mea i faitotoʻa o fale; ma o le a tuu e ia puipui ua fai i le laau o le arasi ia faaleagaina i le tau.+
15 O le aai faamaualuga lenei na nofo ma le saogalemu,+ lea foʻi na fai ifo i lona loto, ‘Ua na o aʻu, e leai se isi.’+ Pagā le avea o ia ma mea e ofo tele ai, o le mea e taooto faaloloa ai manu o le vao! E tuufaaili i ai tagata taʻitoʻatasi uma e ui ane ai; ma e tusi atu i ai lona lima.”+
Faamatalaga Pito i Lalo
^ O le “kati” o se manulele. E taʻua i le faa-Peretania, o le pelican. O le “kifota” o se meaola e pei o se lapiti e talatala matuitui lona tino e puipuia ai o ia. E taʻua i le faa-Peretania o le porcupine.
^ Atonu foʻi o le leo o le matagi po o se manu o le vao.
