Tanielu 10:1-21
10 O le tausaga lona tolu o le nofoaiga a Kuresa+ le tupu o Peresia, na faaali atu ai se mataupu iā Tanielu, o lē ua igoa iā Peletisara;+ e moni lava lea mataupu, ma e aofia ai ma taua.+ Na ia iloa le mataupu ma na ia malamalama i le mea na ia vaaia.+
2 I na aso, o aʻu o Tanielu, na ou faavauvau+ mo vaiaso atoatoa e tolu.
3 E leai se meaʻai lelei na ou ʻai ai, e leai se aano o se manu po o se uaina na oo i loʻu gutu, ou te leʻi uuina foʻi aʻu i le suāuu seʻia atoa vaiaso e tolu.+
4 O le aso lua sefulu fā o le masina muamua, na ou iai i le auvai o le vaitafe tele o Hitekelu,+
5 ua tepa aʻe oʻu mata ma iloa ai ua iai se tamāloa ua ofu i le ʻie lino,+ ua fusi ona sulugātiti+ i le fusi auro o Upasa.+
6 Ua pei lona tino o le tasesa,+ o ona fofoga ua pei o le uila,+ o ona mata ua pei o sulu ua mumū,+ o ona lima ma ona vae ua pei o le ʻapamemea matuā iila,+ o le leo o ana upu ua pei o leo o le motu o tagata e toʻatele.
7 O aʻu o Tanielu, na ou vaai i le tamāloa; a o tagata na matou faatasi e leʻi vāai i latou i le tamāloa.+ Peitaʻi, na oo iā i latou le gatete tele ma latou sosola ai ina ia lalafi.
8 A o aʻu, ua tuua na o aʻu, ma ua ou vaai ai i lenei faaaliga tele. Ua leai se malosi iā te aʻu, ua suia ai oʻu foliga ae ua fole, ma ua leai lava soʻu malosi.+
9 Ua ou lagona le leo o ana upu; a o oʻu faalogo i le leo o ana upu, ua ou matuā moegase+ faō i le laueleele.+
10 Faauta! ua tago mai se lima iā te aʻu ma paʻi mai iā te aʻu,+ ona mafai ai lea ona ou tootuli i oʻu tulivae ma oʻu alofilima.
11 Ua ia faapea mai iā te aʻu:
“Tanielu e, o oe o le tagata ua faapelepeleina,+ ia e malamalama i upu o loo oʻu fai atu ai iā te oe,+ ia e tulaʻi ma e tū i le mea na e tū ai, auā ua auina mai aʻu iā te oe.”
Ina ua ia fai mai iā te aʻu ia upu, ona ou tū ai lea i luga ma le gatete.
12 Ua ia toe faapea mai iā te aʻu: “Tanielu e, aua e te fefe,+ auā e mai i le aso muamua na e saunia ai lou loto ia malamalama+ i ia mea ma faamaulalo oe lava i luma o lou Atua,+ na faafofogaina ai au upu ma ua ou sau ona o au upu.+
13 Ae na tetee+ mai iā te aʻu le perenise+ o le malo o Peresia+ mo aso e lua sefulu tasi, faauta foʻi! na sau Mikaele,+ o se tasi o perenise+ tāua, ma na fesoasoani iā te aʻu, a o aʻu na ou iai pea mo sina taimi faatasi ma tupu o Peresia.+
14 Ua ou sau e faailoa atu iā te oe mea o le a tutupu i lou nuu+ i le faaiʻuga o aso,+ auā o se faaaliga+ mo aso o i luma.”+
15 Ina ua ia fai mai ia upu, ua faasaga oʻu mata i le eleele+ ma ua ou lē magagana.
16 Faauta! o se tasi e pei o se atalii o tagata ua paʻi mai i oʻu laugutu,+ ma ua mafai ona ou tautala atu+ ma faapea atu i lē ua tū i oʻu luma: “Le alii e,+ ona o mea na ou vaai i ai, na faafuaseʻi ai ona ou gatete ma ua lē toe iai soʻu malosi.+
17 E faapefea la iā te aʻu o lau auauna ona tautala atu iā te oe, loʻu alii e?+ A o aʻu, e oo mai lava i lenei taimi ua lē o toe iai se malosi o tumau iā te aʻu, ua lē toe iai se mānava iā te aʻu.”+
18 Ona toe paʻi mai lea iā te aʻu o lē e foliga mai e pei o se tagata e faamalosi mai iā te aʻu.+
19 Ua ia faapea mai: “Le tagata faapelepeleina e,+ aua e te fefe.+ Ia iā te oe le filemu.+ Ia e faamalosi, ioe, ia e faamalosi.”+ Ua mavae lana talanoa mai iā te aʻu ona ou malosi ai lea ma ou faapea atu: “Inā fetalai mai ia loʻu alii e,+ auā ua e faamalosi mai iā te aʻu.”+
20 Ua ia faapea atili mai:
“Pe e te iloa ea le māfuaaga moni ua ou sau ai iā te oe? O lenei ou te toe alu atu e tau ma le perenise o Peresia.+ Pe a ou alu atu, faauta! e sau foʻi le perenise o Eleni.+
21 Ae peitaʻi, e ao ona ou taʻu atu iā te oe mea ua tusia i le tusi o le upu moni,+ ma e leai se tasi ua fesoasoani malosi iā te aʻu i ia mea seʻi vaganā ai Mikaele,+ o lo outou perenise.+
