Tanielu 11:1-45
11 “A o aʻu, i le tausaga muamua o le nofoaiga a Tariu le Metai,+ na ou tū ai o sē e faamalosiau ma o se malu iā te ia.
2 O lenei, ou te taʻu atu le mea moni iā te oe:+
“Faauta foʻi! e toʻatolu tupu e tutulaʻi mo Peresia,+ ma e tele atu le tamaoaiga o le tupu lona fā+ nai lo o isi uma.+ Pe a oo ina malosi o ia ona o lona tamaoaiga, o le a faaaogā ana mea uma e faasagatau ai i le malo o Eleni.+
3 “O le a tulaʻi atu se tupu malosi ma pule+ i malo e tele ma faia mea e loto i ai.+
4 Pe a mavae ona tulaʻi o ia,+ e lepetia lona malo ma vaevaeina i matagi+ e fā o le lagi,+ ae e lē tuuina i ē e tupuga mai iā te ia+ ma e lē tusa foʻi ma lana pulega na ia pule ai; auā o le a liaʻiina lona malo, e fai foʻi mo isi ae e lē o i latou.
5 “O le a matuā malosi le tupu o le itu i saute. O lea tupu o se tasi o ana perenise; peitaʻi o le a sili ona malosi o ia* nai lo o lea tagata, ma o le a sili atu ona malosi lana pulega.
6 “I le iʻuga o ni tausaga e la te aufaatasi ai, e alu atu foʻi le afafine o le tupu o le itu i saute i le tupu o le itu i mātū, ina ia faia se maliega. Peitaʻi, e leʻi tumau pea ona iai i lenei afafine le lima malosi;+ e leʻi tumau foʻi le tupu po o lona aao; e tuuina atu lenei afafine, o ia atoa ma i latou e momoli atu o ia, ma lē e fanaua o ia, ma lē na te faamalosia lea afafine i na aso.
7 O le a tū se tasi mai i tātupu+ o aa o lenei afafine i lona* tulaga tautupu, e sau foʻi o ia ma ʻautau ma faasagatau atu i le nofoaga malupuipuia a le tupu o le itu i mātū, ma o le a faasagatau atu o ia iā i latou ma manumalo ai.
8 E na te ave foʻi i Aikupito o latou atua,+ o o latou faatusa uʻamea, o a latou mea matagofie ua faia i siliva ma auro, atoa ai ma pagota. O le a tū mamao o ia mai i le tupu o le itu i mātū mo ni tausaga.
9 “O le a ia alu atu i le malo o le tupu i le itu i saute, ma toe foʻi atu i ona lava laufanua.
10 “A o ona atalii,* e la te sauniuni ma faapotopoto se ʻautau tele lava. O le a alu atu lava o ia* ma ui atu i le laueleele e pei o se lologa. Ae e toe foʻi o ia ma sauniuni ma tau, seʻia oo lava i lona aai malupuipuia.
11 “E matuā ita foʻi le tupu o le itu i saute ma alu atu ma tau ma ia, o le tupu lea o le itu i mātū; o le a tulaʻi atu le motu o tagata e toʻatele lava, ae e tuuina atu lenei motu o tagata e toʻatele i le lima o lea tupu.+
12 O le a aveesea le motu o tagata. O le a faamaualugaina foʻi lona loto,+ ma e na te faapogaia le paʻuʻū o le faitau sefulu afe; ae na te lē faaaogāina lona tulaga malosi.
13 “E toe foʻi le tupu o le itu i mātū ma faatulaga se motu o tagata e sili atu ona toʻatele nai lo o lea na muamua; ma i le iʻuga o se vaitaimi, o ni tausaga, e sau ai lava o ia ma le ʻautau+ tele lava atoa ma oloa e tele.+
14 I na taimi, e toʻatele o le a faasagatau i le tupu o le itu i saute.
“O le a tulaʻi foʻi tagata sauā* mai i lou nuu o ē o le a taumafai e faataunuu se faaaliga;+ ae e lē taulau.+
15 “E sau foʻi le tupu o le itu i mātū ma tanu se mea maupuʻepuʻe+ ma faoa se aai ua malupuipuia. A o lima* o le itu i saute e leʻi tumau ia, e faapena foʻi ona fitafita e sili ona lelei; e leai lava so latou malosi e tutū atu ai.
16 O lē e alu atu e faasagatau iā te ia* o le a faia lona lava loto, ma e leai foʻi se tasi e tū i ona luma. E tū foʻi o ia i le Laueleele Matagofie,+ ma o le a iā te ia le mana e faaumatia ai.+
17 E faasaga atu ona mata+ ina ia alu atu ma le malosi o lona malo uma, ma e na te faia se maliega+ ma lea tupu; e taulau foʻi lea gaoioiga.+ E faatagaina o ia e tuuina atu le afafine o tagata, ina ia faaleagaina o ia. E lē tū lenei afafine, e lē aufaatasi foʻi ma ia.+
18 Ona faasaga lea o ona mata i nuu tū matafaga+ ma faoa le tele o nuu. Ae o le a faamutaina e se taʻitaʻiʻau le faalumaina na faatupuina e lenei tagata. O le a muta lea faalumaina, auā o le a faalumaina lē na māfua ai le faalumaina.
19 Ona toe faasaga atu lea o ona mata i nofoaga malupuipuia o lona lava atunuu, e tautevateva ma paʻū ai, ma e lē toe maua o ia.+
20 “E tulaʻi foʻi se tasi i lona tulaga tautupu+ o lē e māfua ai le alu atu o sē e ao lafoga*+ i le malo matagofie, ae i nai aso o le a fano ai o ia, ae e lē ona o le ita po o se taua.
21 “E tulaʻi foʻi i lona tulaga tautupu o lē o le a inosia,+ latou te lē tuu atu iā te ia le mamalu o le malo; e sau foʻi o ia a o sologa lelei mea uma+ ma maua ai le malo e ala i upu faaʻoleʻole.+
22 A o ʻautau+ e pei o ni lologa, o le a lofia ai i latou ona o ia ma faaumatia ai;+ atoa+ ma le Taʻitaʻi+ o le feagaiga.+
23 Ona o lo latou aufaatasi ma ia, e na te faia ai mea pepelo ma alu aʻe lava ia, e malosi foʻi ona o se nuu laʻitiiti.+
24 A o sologa lelei mea uma,+ e oo lava i mea e sili ona lelei i le itumalo, e ulu atu o ia ma faia mea e leʻi faia e ona tamā ma tamā o ona tamā. E na te tufatufaina atu iā i latou mea ua faoa, o vete ma oloa; ma faia ni faufauga leaga+ i ni nofoaga malupuipuia, seʻia oo i se taimi.
25 “E na te faatupuina lona malosi ma lona loto ia tetee atu ma lana ʻautau tele i le tupu o le itu i saute; ma o le a sauniuni foʻi le tupu o le itu i saute mo le taua ma se ʻautau matuā toʻatele ma malosi. E lē mafai ona tū o ia* auā latou te faia ni faufauga leaga iā te ia.
26 O i latou o ē e aai i ana meaʻai lelei, o le a fano ai o ia.
“A o lana ʻautau malosi, o le a lolofi ese atu ma o le a fasiotia le toʻatele.
27 “A o nei tupu e toʻalua, e naunau o la loto e faia mea leaga, ma e la te tautatala i tala pepelo+ i le laulau e tasi.+ E lē taulau manuia+ auā e oo mai le iʻuga i le taimi ua atofaina ai.+
28 “E toe alu o ia i lona laueleele ma le tele o oloa, e tetee lona loto i le feagaiga paia.+ E taulau foʻi ana gaoioiga+ ma e toe alu o ia i lona lava laueleele.
29 “E toe foʻi o ia i le taimi atofaina,+ ma tetee atu i le itu i saute;+ ae o le a lē tutusa le taimi mulimuli ma le taimi muamua.
30 E ō atu foʻi vaa o Kitimo+ e tetee iā te ia, ona lotofaanoanoa ai lea o ia.
“E toe foʻi o ia ma lafo upu faatigā+ i le feagaiga paia+ ma e taulau ana gaoioiga; e toe foʻi o ia ma manatunatu i ē ua tuua le feagaiga paia.
31 E tulaʻi foʻi ni ʻautau* ua aufaatasi ma ia; e latou te faaleagaina le nofoaga malupuipuia, o le malumalu+ lea, e aveese foʻi le taulaga e faia i aso uma.+
“E latou te faatūina le mea e inosia+ ua faatafuna aʻi.+
32 “O i latou o ē e faia mea leaga e soli ai le feagaiga,+ e na te taʻitaʻiina i latou e ala i ni upu faaʻoleʻole+ ina ia latou fulitua+ i le upu moni. A o tagata o loo iloa lo latou Atua,+ o le a malolosi+ i latou ma o le a taulau a latou gaoioiga.
33 A o i latou mai i tagata o ē ua iai le tofā mamao,+ o le a latou faamalamalamaina le toʻatele.+ O le a paʻuʻū i latou i le pelu ma le afi, e ave faapagota ma faoa a latou mea,+ mo ni aso.
34 Pe a paʻuʻū i latou, o le a latou maua se fesoasoani,+ o se fesoasoani itiiti; ma e toʻatele o le a aufaatasi ma i latou e ala i upu faaʻoleʻole.+
35 O le a paʻuʻū+ nisi o ē ua iai le tofā mamao, ina ia taunuu le galuega o le faamamāina ona o i latou ma le faaleleia o o latou tulaga ma ia lē ponā,+ seʻia oo i le taimi o le iʻuga;+ auā e leʻi oo i le taimi ua atofaina.+
36 “E faia e le tupu mea e manaʻo i ai lona loto, na te faaeaina o ia lava ma faasilisilia o ia lava i luga o atua uma;+ na te tautala i upu e faateʻia ai i le Atua o atua.+ E manuia o ia seʻia oo i le taimi ua uma ai le toʻasā;+ auā o le mea ua fuafuaina e ao ona taunuu.
37 E lē manatunatu o ia i le Atua o ona tamā; e lē manatunatu foʻi i tuʻinanauga o fafine atoa ma isi atua uma, ae na te faasilisilia o ia lava i luga o isi uma.+
38 E na te avatu le viiga i lona tulaga tautupu i le atua o nofoaga malupuipuia; e na te avatu foʻi le viiga i se atua e leʻi iloa e ona tamā e ala i auro ma siliva, e ala foʻi i maa tāua ma mea mananaia.
39 E gaoioi o ia ma le taulau manuia faasaga i nofoaga sili ona malupuipuia e ala i le mulimuli i se atua ese. O ē e viiviia o ia e na te faamamaluina ia tagata, e na te faia i latou ia pule i le toʻatele; e na te vaevaeina foʻi le laueleele ina ia maua ai se tupe.
40 “I le taimi o le iʻuga, e auai le tupu o le itu i saute+ ma ia i se tautūleiga o le tasi i le isi, ma e pei o se afā le alu atu o le tupu o le itu i mātū e faasagatau iā te ia, ma kariota ma ē e tiʻetiʻe i solofanua ma le tele o vaa; e alu atu o ia i atunuu ma lolofi i ai ma ui ane i ai.
41 E alu atu+ foʻi o ia i le Laueleele Matagofie,+ e tele foʻi atunuu o le a tautevateva ai.+ A o atunuu nei o le a sosola ese mai i ona lima, o Etoma ma Moapi+ ma le vaega pito i sili ona tāua o atalii o Amoni.
42 E na te faaoo atu pea lona lima i atunuu; ae e lē sao ai le atunuu o Aikupito.+
43 E pule foʻi o ia i ʻoa ua natia o le auro ma le siliva, ma mea manaʻomia uma o Aikupito. E mulimuli atu foʻi iā te ia o tagata Lipua ma tagata Aitiope.
44 “Ae o le a iai ni lipoti e faaatuatuvale ai o ia,+ e mai i le mea e oso aʻe ai le lā+ ma e mai i le itu i mātū, ona alu atu lea o ia ma le lotoa tele ina ia tuʻimomomo ma faaumatia le toʻatele.+
45 E na te faatūina ona faleʻie e pei o ni maota i le va o le sami telē ma le mauga Matagofie+ ma le paia; ma e oo o ia i lona lava iʻuga,+ ae leai foʻi se tasi e fesoasoani iā te ia.+
Faamatalaga Pito i Lalo
^ E foliga mai e faasino atu i le “tupu o le itu i mātū.”
^ E foliga mai e faasino atu i le “tupu o le itu i saute.”
^ I le gagana Eperu e mafai ona faasino atu lenei suinauna i ni tagata se toʻalua pe sili atu.
^ E foliga mai e faasino atu i le “tupu o le itu i mātū.”
^ I le gagana Eperu, o “atalii o tagata gāoi.”
^ Po o “ʻautau.”
^ E foliga mai e faasino atu i le “tupu o le itu i saute.”
^ E mafai ona faasino atu i se isi e lesitalaina tane mo le taua.
^ E foliga mai e faasino atu i le “tupu o le itu i saute.”
^ I le gagana Eperu, o “lima.”
