O le Tusi Muamua i le Faapotopotoga i Korinito 6:1-20
6 Pe a iai se tasi o outou e iai se mataupu ua finau ai ma le isi tagata,+ e mafai faapefea ona alu atu o ia i luma o faamasino e lē amiotonu, ae e lē o luma o le ʻaupaia?
2 Pe e tou te lē iloa ea e faamasinoina e le ʻaupaia le lalolagi?+ Pe afai e faamasinoina e outou le lalolagi, pe e tou te lē agavaa ea foʻi e faamasinoina mea faatauvaa?
3 Pe e tou te lē iloa ea e tatou te faamasinoina agelu?+ Aiseā la e lē mafai ai ona outou faamasinoina mataupu o lenei olaga?
4 Afai la e iai ni a outou mataupu o lenei olaga e tatau ona faamasinoina,+ aiseā la ua outou filifilia ai tagata e lē faatuatuaina e le faapotopotoga, e latou te faamasinoina outou?
5 Ua ou talanoa atu ina ia outou māsiasi ai. Pe e leai ea se tasi o outou e atamai e mafai ona ia faamasino i ona uso?
6 Nai lo o lea, ua molia e le uso le isi uso i le faamasinoga i luma o tagata e lē talitonu!
7 O le mea moni, ua outou toʻilalo ona ua molia e le tasi le isi i le tulafono. Aiseā e tou te lē onosaʻi ai pe a agaleagaina outou?+ Aiseā e tou te lē onosaʻi ai pe a gaoia a outou mea?
8 Nai lo o lea, ua outou agaleaga ma ave faagaoi, ma ua outou faia i o outou lava uso!
9 Pe e tou te lē iloa ea o tagata amioleaga e lē fai mo latou tofi le Malo o le Atua?+ Aua neʻi faasesēina outou. O ē e faia amioga lē mamā taufeusuaʻiga,*+ o ē e ifo i tupua,+ o ē e mulilulua,+ o tane e lolo atu i le faia o le tauatane,*+ o tane e feusuaʻi ma isi tane,+
10 o ē e gāoi, o ē e matapeʻapeʻa,+ o ē e onanā,+ o ē e fai upu masoā, ma ē e taufaavalea, e lē fai mo latou tofi le Malo o le Atua.+
11 Sa faapena foʻi nisi o outou. Ae ua faamamāina+ outou ma faapaiaina,+ ma ua taʻuamiotonuina+ outou i le suafa o le Alii o Iesu Keriso, ma le agaga o lo tatou Atua.
12 Ua taga mea uma iā te aʻu, ae e lē o mea uma e aogā.+ Ua taga mea uma iā te aʻu, ae e lē pulea* aʻu i se mea.
13 E tatau meaʻai mo le manava, ma o le manava e tatau mo meaʻai; ae e faalēaogāina e le Atua le manava ma meaʻai.+ O le tino e lē tatau mo amioga lē mamā taufeusuaʻiga* ae e tatau mo le Alii,+ o le Alii foʻi e tatau mo le tino.
14 Ae na faatūina e le Atua le Alii,+ ma e na te faatutūina foʻi i tatou mai i le oti+ e ala i lona mana.+
15 Pe e tou te lē iloa ea o o outou tino o itutino ia o Keriso?+ Po ou te aveesea ea itutino o Keriso ma fai ma itutino o se fafine talitane? Aua lava neʻi faapea!
16 Pe e tou te lē iloa ea o lē ua faatasia ma se fafine talitane, ua avea i laʻua ma tino e tasi? Auā ua faapea mai o ia, “Ua avea i laʻua ma tino e tasi.”+
17 A o lē e faatasi atu i le Alii ua tasi i laʻua i le agaga.+
18 Ia sosola ese mai i amioga lē mamā taufeusuaʻiga!*+ O isi agasala uma e faia e se tagata, e lē o agasala o ia i lona lava tino, ae o lē e faaauau ona faia amioga lē mamā taufeusuaʻiga, ua agasala o ia i lona lava tino.+
19 Pe e tou te lē iloa ea o o outou tino o le malumalu+ o le agaga paia o loo i totonu iā te outou, lea na outou maua mai i le Atua?+ E lē o toe pule foʻi outou iā te outou,+
20 auā na faatauina outou i se tau.+ O lea, ia taʻitoʻatasi outou ma faamamaluina le Atua+ i o outou tino.+
Faamatalaga Pito i Lalo
^ E foliga mai e faasino atu i tane e malilie e faaaogā o latou tino i nei feusuaʻiga e lē masani ai.
^ Tagaʻi i le Uiga o Upu.
^ Po o le “lē faatoʻilaloina.”
^ O le upu Eleni, o le por·nei′a. Tagaʻi i le Uiga o Upu.
^ O le upu Eleni, o le por·nei′a. Tagaʻi i le Uiga o Upu.
