O le Tusi Muamua o Nofoaiga a Tupu 15:1-29
15 Ua ia faia pea fale mo ia lava i le Aai a Tavita; na ia saunia foʻi se mea e tuu ai le Atolaau a le Atua moni, ma faatū se faleʻie e tuu ai le Atolaau.+
2 Ua fai atu Tavita: “E lē aveina e se tasi le Atolaau a le Atua moni ae e na o le ‘au sa Levī, auā o i latou ia na filifilia e Ieova e aveina le Atolaau a Ieova, ma auauna iā te ia i aso uma lava.”+
3 Ona faapotopoto lea e Tavita o Isaraelu uma i Ierusalema, ina ia ave aʻe le Atolaau a Ieova i le mea ua ia saunia e tuu ai.+
4 Ua faapotopoto foʻi e Tavita le fanauga a Arona,+ ma le ‘au sa Levī:+
5 e mai i le fanauga a Koato, o Urielu le alii sili ma ona uso e toʻa 120;
6 e mai i le fanauga a Merari, o Asaia+ le alii sili ma ona uso e toʻa 220;
7 e mai i le fanauga a Keresoma, o Ioelu+ le alii sili ma ona uso e toʻa 130;
8 e mai i le fanauga a Elisafano,+ o Semaia le alii sili ma ona uso e toʻa 200;
9 e mai i le fanauga a Heperona, o Elielu le alii sili ma ona uso e toʻa 80;
10 e mai i le fanauga a Usialu,+ o Aminatapu le alii sili ma ona uso e toʻa 112.
11 Ua aami foʻi e Tavita ositaulaga o Satoka+ ma Aviata,+ ma le ʻau sa Levī o Urielu, o Asaia, o Ioelu, o Semaia, o Elielu, ma Aminatapu,
12 ua ia faapea atu iā i latou: “O outou o alii sili o aiga o tamā o le ‘au sa Levī. Ia faapaiaina outou, o outou ma o outou uso, ma e tou te aumaia le Atolaau a Ieova le Atua o Isaraelu i le mea ua ou saunia e tuu ai.
13 Talu ai e tou te leʻi amoina le atolaau i le taimi muamua,+ na oo mai ai iā i tatou le to‘asā o Ieova lo tatou Atua,+ auā tatou te leʻi saʻili po o le ā le auala talafeagai e fai ai.”+
14 Ona faapaiaina lea e ositaulaga ma le ʻau sa Levī o i latou lava, ina ia ave aʻe le Atolaau a Ieova le Atua o Isaraelu.
15 Ona amo lea e le ʻau sa Levī o le Atolaau a le Atua moni i amo+ i o latou tauʻau, e pei ona poloaʻi mai ai Mose e tusa ai ma le afioga a Ieova.
16 Ona fai atu lea o Tavita i alii sili o le ʻau sa Levī, ina ia tofia o latou uso o ē e pepese, ina ia pepese fiafia a o tāina meafaifaaili: o meafaifaaili e iai uaua, o kitara,+ ma sumepalo.+
17 Ua tofia e le ʻau sa Levī mai i lo latou ituaiga, o Hemana+ le atalii o Ioelu, o Asafo+ le atalii o Perekia, ma Etano+ le atalii o Kusaia mai i le fanauga a Merari.
18 Sa faatasi foʻi ma i latou o latou uso mai i le vaega lona lua,+ o Sakaria, o Pene, o Iaasielu, o Semiramota, o Ikielu, o Uni, o Eliapo, o Penaia, o Maaseia, o Maatatia, o Elipeleu, ma Mikenau, faapea Opete-etoma ma Ieielu o ē e leoleoina faitotoʻa.
19 Sa tofia tagata pepese, o Hemana,+ o Asafo,+ ma Etano e tāina sumepalo ʻapamemea;+
20 a o Sakaria, o Aseelu, o Semiramota, o Ikielu, o Uni, o Eliapo, o Maaseia, ma Penaia, na tofia e tāina meafaifaaili e iai uaua mo nota maualuga;*+
21 o Maatatia,+ o Elipeleu, o Mikenau, o Opete-etoma, o Ieielu, ma Asesau, na tofia i latou e fai ma faatonu o ē e tāina kitara mo nota maulalo.*+
22 O Kinania+ le alii sili o sa Levī, na vaavaaia le aveina o le atolaau, auā o ia o se tagata poto,
23 a o Perekia ma Elekana, o leoleo ia o le Atolaau.
24 O ositaulaga o Sepania, o Iosafata, o Netanielu, o Amesai, o Sakaria, o Penaia, ma Elisara, na iliina leotetele pū i luma o le Atolaau a le Atua moni,+ ma na auauna fo‘i Opete-etoma ma Ikia o ni leoleo o le Atolaau.
25 Ona savavali faatasi lea o Tavita, o toeaina o Isaraelu, ma alii sili o le taʻitoʻaafe, e ave aʻe ma le olioli+ le atolaau o le feagaiga a Ieova, mai i le fale o Opete-etoma.+
26 Ina ua fesoasoani le Atua moni i le ʻau sa Levī, o ē na amoina le atolaau o le feagaiga a Ieova, ona latou faia lea o le taulaga i tamaʻi povi poʻa e fitu, ma mamoe poʻa e fitu.+
27 Na ofu Tavita i le ofu talaloa lima pupuu na fai i le ʻie lelei, faapea foʻi le ‘au sa Levī uma o ē na aveina le Atolaau, o tagata pepese, ma Kinania le alii sili o lē na vaavaaia le aveina o le atolaau ma le ʻaupepese; na ofu fo‘i Tavita i le efota e fai i le ʻie lino.+
28 Ua ave aʻe e Isaraelu uma le atolaau o le feagaiga a Ieova, ma le alalaga o le olioli+ ma leo o pū+ eseese, ma sumepalo, o loo tā leotetele meafaifaaili e iai uaua ma kitara.+
29 Ae ina ua oo mai le atolaau o le feagaiga a Ieova i le Aai a Tavita,+ ona vaavaai ifo lea o Mekala+ le afafine o Saulo mai i le faamalama, ua iloa atu ai le tupu o Tavita o loo osooso ma le fiafia, ona ʻinoʻino ai lea o lona loto iā te ia.+
Faamatalaga Pito i Lalo
^ Epe., “i Alemota.” Tagaʻi i le Uiga o Upu.
^ Epe., “i Seminita.” Tagaʻi i le Uiga o Upu.
