O le Tusi Muamua o Nofoaiga a Tupu 20:1-8
20 I le amataga o le tausaga* i le taimi e faia ai osofaʻiga a tupu, na taʻitaʻia atu ai e Ioapo+ se ʻautau ma faatamaʻia le laueleele o le fanauga a Amoni; ua alu atu foʻi ma siʻomia Rapa ina ia faoa,+ a o nofo Tavita i Ierusalema.+ Ua osofaʻia e Ioapo le aai o Rapa ma faatoʻilaloina ai.+
2 Ona aveesea lea e Tavita o le pale mai i le ulu o Malekama,* ma o le mamafa o le pale e tasi le taleni* o auro, ma o loo iai maa tāua. Ua faaee foʻi le pale i le ulu o Tavita. Na ia ave foʻi le tele o le vete* mai i le aai.+
3 Ua ia aumaia foʻi tagata sa iai i le aai, ma tuuina atu i latou e galulue+ e ʻili maa, ma fai galuega i meafaigaluega maamaʻai e faia i le uʻamea ma to‘i. O le mea lenā na faia e Tavita i aai uma o le fanauga a Amoni. Mulimuli ane, ona toe foʻi atu lea o Tavita ma le ‘autau uma i Ierusalema.
4 Mulimuli ane, ona tau ai lea o le taua ma Filisitia i Kasera. Ona fasia ai lea e Sepekai+ le tagata Usa, o Sipai lea e fanau mai i le aiga o Rafaimi,+ ma ua faatoʻilaloina ai Filisitia.
5 Ua toe tau le taua ma Filisitia, ona fasia lea e Eleana le atalii o Iairo, o Laime le uso o Koliata+ le Kata, o lē e pei le telē o le ‘au o lana tao o le laau faalava a ē e lalaga ʻie.+
6 Ua toe tau foʻi le taua i Kata,+ sa iai le tagata tino ese e ta‘i 6 ona tamatama‘ilima,+ e ta‘i 6 foʻi ona tamatama‘ivae, e 24 le aofaʻiga; na fanau mai fo‘i o ia i le tagata Rafaimi.+
7 Ua faifai+ pea o ia iā Isaraelu. Ona fasiotia lea o ia e Ionatana le atalii o Simeia,+ le uso o Tavita.
8 O i latou nei na fananau mai i le tagata Rafaimi+ i Kata;+ na fasiotia i latou i le lima o Tavita ma lima o ana auauna.
