O le Tusi Muamua o Nofoaiga a Tupu 26:1-32
26 O le vaevaeina lenei o leoleo faitotoʻa:+ e mai i le fanauga a Koru, o Meselemia+ le atalii o Kori mai i atalii o Asafo.
2 O atalii nei o Meselemia: o le ulumatua o Sakaria, o lona lua o Ietiaelu, o lona tolu o Sepatia, o lona fā o Iatanielu,
3 o lona lima o Elama, o lona ono o Iokana, ma lona fitu o Elioenai.
4 O atalii nei o Opete-etoma: o le ulumatua o Semaia, o lona lua o Iosapa, o lona tolu o Ioaa, o lona fā o Sakaru, o lona lima o Netanielu,
5 o lona ono o Amueli, o lona fitu o Isakara, ma lona valu o Pulati; auā na faamanuia le Atua iā Opete-etoma.
6 O lona atalii o Semaia, na fananau mai ai atalii o ē na pule i le aiga o lo latou tamā, auā o tagata agavaa ma malolosi i latou.
7 O atalii o Semaia, o Oteni, o Refaelu, o Opeta, ma Elesapata; o tauaiga o Elesapata, o Eliu ma Semakia, o ni tagata agavaa fo‘i.
8 O i latou uma ia e mai i le fanauga a Opete-etoma; o i latou, o o latou atalii, ma o latou uso, o ni tagata malolosi ma ua agavaa mo le auaunaga, e toʻa 62 mai i le aiga o Opete-etoma.
9 Ua iā Meselemia+ o atalii ma uso, o ni tagata agavaa, e toʻa 18.
10 O Hosa mai i atalii o Merari, sa iai ona atalii. O Semiri le alii sili, auā e ui e lē o ia o le ulumatua, ae na tofia o ia e lona tamā e fai ma alii sili,
11 o lona lua o Hilikia, o lona tolu o Tepelia, ma lona fā o Sakaria. O atalii uma ma uso o Hosa, e toʻa 13.
12 E mai i nei vaega o le ʻauleoleo faitotoʻa, sa iai tiute o alii sili, e pei fo‘i o o latou uso, ina ia auauna ai i le fale o Ieova.
13 Ona latou faia lea o vili+ mo aiga toʻaitiiti ma aiga toʻatele o aiga o o latou tamā, ina ia iloa ai po o ai e leoleoina faitoto‘a ta‘itasi.
14 Ina ua faia le vili mo le itu i sasa‘e, ona faasaga lea o le vili iā Selemia. Ua latou faia le vili, ma ua maua e lona atalii o Sakaria, o se faufautua e faautauta, le itu i mātū.
15 Ua maua e Opete-etoma le itu i saute, ma na tofia ona atalii+ i fale teuoloa.
16 Ua faasaga vili a Supimo ma Hosa+ i le itu i sisifo e latalata i le Faitotoʻa o Saleketa, i le ala tele e agaʻi i luga, e faafesaga‘i lea leoleoga ma lea leoleoga;
17 e toʻaono tagata sa Levī sa i le itu i sasaʻe; e toʻafā sa i le itu i mātū i aso ta‘itasi; e toʻafā sa i le itu i saute i aso ta‘itasi; ma e taʻitoʻalua sa i fale teuoloa;+
18 i le poletito i le itu i sisifo, e toʻafā sa i le ala tele,+ ae e toʻalua sa i le poletito.
19 O le auala lea na vaevaeina ai leoleo faitotoʻa, mai i le fanauga a Koru ma le fanauga a Merari.
20 A o sa Levī, o Akia sa vaavaaia potu teuoloa o le fale o le Atua moni, ma oloa o mea ua faapaiaina.*+
21 E mai i atalii o Latana, o le fanauga ia a Keresona, o alii sili o aiga o tamā o Latana le tagata Keresona, o Ikieli+
22 ma atalii o Ikieli, o Setama ma Ioelu lona uso. Na latou vaavaaia potu teuoloa o le fale o Ieova.+
23 E mai i tagata Amaramo, o tagata Isara, o tagata Heperona, ma tagata Usialu,+
24 o Sepuelu le atalii o Keresoma le atalii o Mose, sa avea ma ta‘ita‘i e vaavaaia fale teuoloa.
25 A o ona uso, o ē e mai i le fanauga a Elisara:+ o Reapea,+ o Iesaia, o Iorama, o Sekari, ma Selome.
26 O Selome lenei ma ona uso sa vaavaaia potu teuoloa uma o mea ua faapaiaina,+ ia na faapaiaina e le tupu o Tavita,+ o alii sili o aiga o tamā,+ o alii o le taʻitoʻaafe ma le taʻitoʻaselau, ma taʻitaʻiʻau.
27 Na latou faapaiaina mea mai i taua+ ma mea mai i le vete,+ ina ia faaleleia ai le fale o Ieova.
28 O mea uma fo‘i na faapaiaina e Samuelu le tagata e iloa faaaliga,+ o Saulo le atalii o Kiso, o Apineru+ le atalii o Neru, o Ioapo+ le tama a Seruia,+ ma so o se mea na faapaiaina e se tasi, na vaavaaia e Selomita* ma ona uso.
29 E mai i tagata Isara,+ o Kinania ma ona atalii sa tofia i tiute e faia i fafo o le fale o le Atua, o ni leoleo ma faamasino+ iā Isaraelu.
30 E mai i tagata Heperona,+ o Hasapea ma ona uso, o tagata agavaa i latou e toʻa 1,700, sa vaavaaia Isaraelu i le vaipanoa i sisifo o Ioritana, mo galuega uma i le auaunaga iā Ieova ma le auaunaga mo le tupu.
31 E mai i tagata Heperona, o Ieria+ o le alii sili o tagata Heperona, e tusa ma augātupulaga o aiga o o latou tamā. O le tausaga lona 40 o le nofoaiga a Tavita,+ na saʻilia ai ni tagata totoa mai i tagata Heperona, ma na maua i latou i Iasaru+ i Kiliata.
32 O ona uso foʻi o tagata agavaa, e toʻa 2,700, o alii sili ia o aiga o o latou tamā. Ona tofia lea o i latou e le tupu o Tavita e pule i tagata Reupena, o tagata Kato, ma le ʻafa o le ituaiga o Manase, i mea uma a le Atua moni ma mea a le tupu.
