O le Tusi Lona Lua o Nofoaiga a Tupu 27:1-9
-
Iotama, tupu o Iuta (1-9)
27 E 25 tausaga o Iotama+ ina ua fai o ia ma tupu, ma e 16 tausaga na pule ai o ia mai i Ierusalema. O le igoa o lona tinā o Ierusa le afafine o Satoka.+
2 Na ia faia pea mea ua tonu i le silafaga a Ieova, e pei ona faia e Usia lona tamā.+ E le‘i ulufale fo‘i o ia i le vaega o le malumalu o Ieova e lē tatau ona ulu i ai.+ Peitaʻi, ua amioleaga pea le nuu.
3 Na ia fausia le faitotoʻa pito i luga o le fale o Ieova,+ ma na ia faia foʻi le tele o galuega i le pā o Ofele.+
4 Na ia fausia foʻi aai+ i vaega maugā o Iuta,+ ma na ia fausia nofoaga malupuipuia+ ma ʻolo+ i vaomatua.
5 Na tau foʻi o ia ma le tupu o tagata Amonī,+ ma na iʻu ina ia faatoʻilaloina i latou. Ona aumai lea e tagata Amonī iā te ia i le tausaga lenā, o taleni* siliva e 100, o kori* o saito e 10,000, ma kori o karite e 10,000. Na totogi foʻi e tagata Amonī iā te ia na mea i le tausaga lona lua ma lona tolu.+
6 Ua faasolosolo ina malosi Iotama, auā na maumauaʻi* o ia e savali i ala o Ieova lona Atua.
7 A o le olaga uma o Iotama, o ana taua uma ma ona ala uma, o loo tusia ia i le Tusi o Tupu o Isaraelu ma Iuta.+
8 E 25 ona tausaga ina ua fai o ia ma tupu, ma e 16 tausaga na pule ai o ia mai i Ierusalema.+
9 Ona taoto lea o Iotama faatasi ma ona augātamā, ma ua latou tanu o ia i le Aai a Tavita;+ ona avea lea o Aasa lona atalii ma tupu e sui iā te ia.+
Faamatalaga Pito i Lalo
^ Po o le “sauni.”