O le Tusi Lona Lua o Samuelu 3:1-39
3 Ua faaumiumi pea le taua i le vā o le aiga o Saulo ma le aiga o Tavita; ae ua malosi pea Tavita,+ a o le aiga o Saulo, ua tauau ina vaivai.+
2 O le taimi lea, na fanaua ai e Tavita o atalii i Heperona.+ O lana ulumatua, o Amanono+ le tama a Ainoama+ le Isereelu.
3 O lona atalii lona lua, o Kiliava le tama a Apikaila,+ o lē sa avea ma avā a Napalu le Karamelu; o lona tolu, o Apisaloma+ le tama a Maaka le afafine o Talemai+ le tupu o Kasuri.
4 O lona fā, o Atonia+ le tama a Akita; o lona lima, o Sefatia le tama a Apitala.
5 O le lona ono o Itereamu, o lē na fanaua e le avā a Tavita o Ekeli. O i latou nei na fananau mai iā Tavita i Heperona.
6 A o faaauau le taua i le vā o le aiga o Saulo ma le aiga o Tavita, na faamalosia ai pea e Apineru+ lona tulaga i le aiga o Saulo.
7 Na iai le palake a Saulo o lona igoa o Risepa,+ o le afafine o Aia. Mulimuli ane, ua fai mai Iso-poseta+ iā Apineru: “Aiseā na lua momoe ai ma le palake a loʻu tamā?”+
8 Ona matuā ita ai lea o Apineru i upu a Iso-poseta, ua faapea atu iā te ia: “Po o aʻu ea o se taʻifau lē aogā mai i Iuta? Ua ou alofa faamaoni pea e oo mai i le asō i le aiga o Saulo lou tamā, o ona uso, ma ana uō mamae, ou te leʻi tuuina atu foʻi oe i lima o Tavita; a o lenei ua e tuuaʻia aʻu i le asō ua ou faia se mea sesē i se fafine.
9 Ia matuā faasala Apineru e le Atua,* pe afai ou te lē faia mo Tavita e pei ona tautō ai Ieova iā te ia:+
10 ina ia aveesea le malo mai i le aiga o Saulo, ma faatumauina le nofoālii o Tavita iā Isaraelu ma Iuta, e amata mai i Tanu e oo i Peresepa.”+
11 Ua lē mafai ona toe fai atu e Iso-poseta se upu e tali atu ai iā Apineru, ona ua fefe iā te ia.+
12 Ona aauina faavave mai lea e Apineru o avefeʻau iā Tavita, e faapea: “O ai e ona le nuu?” Ua ia toe faapea atili mai: “Ia e osia se feagaiga ma aʻu, ma o le a ou faia so o se mea* ina ia faaliliu atu Isaraelu uma i lau itu.”+
13 Ona tali atu lea o Tavita: “Ua lelei! Ou te osia se feagaiga ma oe. Ae e na o le tasi le mea ou te talosaga atu ai iā te oe, ina ia aua ne‘i e vaai i oʻu mata, seʻiloga ua e aumai muamua Mekala+ le afafine o Saulo, pe a e sau e vaai aʻu.”
14 Ua aauina atu foʻi e Tavita o avefeʻau iā Iso-poseta+ le atalii o Saulo, ua faapea atu: “Ia tuu mai laʻu avā o Mekala, o lē na ma faamau i paʻu* e 100 o tino o Filisitia.”+
15 Ona alu atu lea o le feʻau a Iso-poseta, ma aumai o ia mai i lana tane o Paletieli+ le atalii o Laisa.
16 Ua savavali pea o ia ma lana tane, ua tagi lana tane a o mulimuli atu iā te ia, ua oo atu i Pauri.+ Ua fai atu Apineru iā te ia: “Inā alu ia, ma toe foʻi!” Ona toe foʻi ai lea o lana tane.
17 I le taimi lea, ua auina atu ai e Apineru se fe‘au i toeaina o Isaraelu, e faapea: “Ua umi se taimi o outou naunau e fai Tavita ma tupu iā te outou.
18 O lenei, ia outou faia faapea auā ua fetalai Ieova iā Tavita, ‘O le lima o Tavita laʻu auauna,+ ou te faaolaina ai loʻu nuu o Isaraelu mai i lima o Filisitia, ma lima o o latou fili uma.’”
19 Ona talanoa atu lea o Apineru i tagata o Peniamina.+ Ua alu atu foʻi Apineru e talanoa na o i la‘ua ma Tavita i Heperona, i mea uma ua malilie i ai Isaraelu ma le aiga uma o Peniamina.
20 Ina ua oo atu Apineru iā Tavita i Heperona, faatasi ai ma tagata e toʻa 20, ona faia lea e Tavita o se faigaʻai mo Apineru ma tagata na iā te ia.
21 Ua fai mai Apineru iā Tavita: “Seʻi oʻu alu e faapotopoto faatasi mai Isaraelu uma i loʻu alii le tupu, ina ia o latou osia se feagaiga ma oe, ma avea ai oe ma tupu i le nuu uma o Isaraelu.” Ona auina ese atu lea e Tavita o Apineru, ua alu o ia ma le filemu.
22 O le taimi lea, ua foʻi mai Ioapo ma auauna a Tavita mai i se osofa‘iga, ma ua latou aumaia foʻi le vete* tele. Ae ua lē o iai Apineru faatasi ma Tavita i Heperona, auā na tuuina atu o ia e Tavita e alu ma le filemu.
23 Ina ua ō mai Ioapo+ ma le ʻautau uma na iā te ia, ona taʻu atu lea iā Ioapo e faapea: “Na sau Apineru+ le atalii o Neru+ i le tupu, ma ua auina ese atu o ia e le tupu, ua alu o ia ma le filemu.”
24 Ona alu atu lea o Ioapo i le tupu, ua faapea atu: “O le ā lau mea ua fai? Na sau Apineru iā te oe. Aiseā ua e auina ese atu ai o ia ina ia alu ma le manuia?
25 Ua e iloa lelei Apineru le atalii o Neru, na sau o ia e faavalea iā te oe, ma mataʻi au gaoioiga uma ina ia iloa ai mea uma o loo e faia.”
26 Ona alu ese lea o Ioapo mai iā Tavita, ua ia aauina atu ni avefeʻau iā Apineru, ua latou faafoʻi mai o ia mai i le vaieli o Sira; ae e leʻi iloa e Tavita.
27 Ina ua toe foʻi mai Apineru i Heperona,+ ona ave lea o ia e Ioapo i totonu o le pā, ina ia talanoa na o i la‘ua. O i inā na tutuʻi ai e Ioapo le manava o Apineru, ma ua oti ai+ ona o le toto o lona uso o Asaelu.+
28 Mulimuli ane, ina ua faalogo i ai Tavita, ona ia faapea ane lea: “E mamā aʻu ma loʻu malo i le silafaga a Ieova i aso uma, i le toto+ o Apineru le atalii o Neru.
29 Ia faafoʻi mai le toto i luga o le ulu o Ioapo+ ma le aiga uma o lona tamā. Ia lē teʻa mai i le aiga o Ioapo se tane ua alu lona sua,+ po o se lepela,+ po o se tane e pipili, po o sē e paʻū i le pelu, po o se tasi e fia ʻai!”+
30 O Ioapo foʻi ma Apisai lona uso,+ ua la fasiotia Apineru,+ auā na ia fasiotia Asaelu lo laʻua uso i le taua+ i Kipeona.
31 Ona fai atu lea o Tavita iā Ioapo ma tagata uma na iā te ia: “Inā saeia ia o outou ofu, ma ia lavalava i ʻie talatala ma tagiauē ona o Apineru.” Ua mulimuli atu foʻi le tupu o Tavita i tua ane o le fata.
32 Ua latou tanu Apineru i Heperona; ona tagi leotele ai lea o le tupu i le tuugamau o Apineru, ua fetagisi foʻi le nuu uma.
33 Ua pese le tupu ona o Apineru, ua faapea atu:
“Pe e tatau ea ona oti Apineru e pei o se tagata valea?
34 E leʻi noanoatia ou lima,E leʻi faamauina foʻi ou vae i ni faamau ʻapamemea.
Ua e paʻū e pei ona paʻū o se tasi i luma o ē solitulafono.”*+
Ona toe fetagisi ai lea o le nuu uma ona o ia.
35 Mulimuli ane, ua ō atu le nuu uma a o ao pea, e avatu meaʻai iā Tavita e faamāfanafana ai o ia, ae ua tautō Tavita e faapea: “Ia matuā faasala a‘u e le Atua,* pe afai ou te tofo i se mea‘ai po o se isi lava mea a o leʻi goto le lā!”+
36 Ua iloa e le nuu uma, ua lelei foʻi lea iā i latou. E pei o mea uma na faia e le tupu, ua lelei foʻi ia i le nuu uma.
37 Ua iloa e tagata uma o Tavita ma Isaraelu uma i lenā aso, e lē o le tupu na pogai ai ona fasiotia Apineru le atalii o Neru.+
38 Ua fai atu le tupu i ana auauna: “Pe tou te lē iloa ea ua fasiotia i le asō i Isaraelu se ta‘ita‘i ma o se alii sili?+
39 E ui ina faauuina aʻu e fai ma tupu,+ ae ua ou vaivai i le asō, ma ua matuā sauā nei tagata,+ o le fanau tama a Seruia.+ Tau ina ia taui atu e Ieova i lē na faia le mea leaga, e tusa ai ma lana amioleaga.”+
Faamatalaga Pito i Lalo
^ Epe., “Ia faia e le Atua iā Apineru, ma ia faaopoopo i ai.”
^ Epe., “ma faauta! e faatasi loʻu lima ma oe.”
^ E faasino atu i le paʻu o totogasā o tamāloloa.
^ Tagaʻi i le Uiga o Upu.
^ Epe., “o atalii o ē e amiolētonu.”
^ Epe., “Ia faia e le Atua iā te aʻu, ma ia faaopoopo i ai.”
