O le Tusi Lona Lua o Samuelu 8:1-18
8 Mulimuli ane, ua tau Tavita ma Filisitia+ ma ua ia faatoʻilaloina i latou,+ ona faoa lea e Tavita o Metiama mai i lima o Filisitia.
2 Ua ia faatoʻilaloina Moapi,+ ma faataatitia i latou i le eleele ma tuu i ni vaega se tolu.* E lua vaega na fasiotia, ae tasi le vaega na faasaoina.+ Ua avea foʻi tagata Moapi ma auauna a Tavita, ma ua latou aumaia meaalofa iā te ia.+
3 Ua faatoʻilaloina foʻi e Tavita o Atatesa le atalii o Reopa le tupu o Sopa+ faapea ma ona tagata, a o alu atu Atatesa e toe faatū lana pule i vaipanoa o le vaitafe o Eufirate.+
4 Ua pu‘ea e Tavita mai iā te ia o tagata tiʻetiʻe solofanua e toʻa 1,700, ma fitafita e savavali e toʻa 20,000; ua faapipili foʻi e Tavita solofanua e tosoina kariota,+ ae ua ia faatotoe na o le 100.
5 Ina ua ō mai Suria o Tamaseko+ e fesoasoani iā Atatesa le tupu o Sopa, ona fasia lea e Tavita o tagata Suria e toʻa 22,000.+
6 Ona tuu lea e Tavita o leoleoga i Suria o Tamaseko; na avea foʻi tagata Suria ma auauna a Tavita ma na latou aumaia meaalofa iā te ia. Na foaʻi atu e Ieova le manumalo* iā Tavita i mea uma na ia fealuaʻi ai.+
7 Ua ave foʻi e Tavita o talita auro lapotopoto sa iai i auauna a Atatesa, ma aumai i Ierusalema.+
8 Ua ave foʻi e le tupu o Tavita o ʻapamemea e matuā tele lava, mai i Peta ma Perota, o aai o Atatesa.
9 Ua faalogo Toi le tupu o Amato,+ ua faatoʻilaloina e Tavita le ʻautau uma a Atatesa.+
10 Ona auina mai lea e Toi o lona atalii o Iorama i le tupu o Tavita e fesili po o ā mai o ia, ma faamālō iā te ia ona o lona tau faasaga iā Atatesa, ma faatoʻilaloina o ia (auā na masani ona tau Atatesa faasaga iā Toi); sa ia aumaia foʻi mea e faia i siliva, auro, ma ʻapamemea.
11 Na faapaiaina e le tupu o Tavita nei mea iā Ieova, faatasi ai ma siliva ma auro na ia faapaiaina mai i nuu uma na ia faatoʻilaloina:+
12 e mai i Suria ma Moapi,+ ma e mai i tagata Amonī, o tagata Filisitia,+ ma tagata Amaleka,+ ma le vete mai iā Atatesa+ le atalii o Reopa le tupu o Sopa.
13 Ua taʻutaʻua foʻi le igoa o Tavita, ina ua foʻi mai o ia mai i le fasiga o tagata Etoma e toʻa 18,000 i le vanu o Masima.+
14 Na ia tuu leoleoga i Etoma. Na ia tuu leoleoga i Etoma uma lava, ua avea foʻi tagata uma o Etoma ma auauna a Tavita.+ Na foaʻi atu e Ieova le manumalo* iā Tavita i mea uma na ia fealuaʻi ai.+
15 Na faaauau ona fai Tavita ma tupu i Isaraelu uma;+ ma na faia pea e Tavita le faamasinogatonu ma le amiotonu+ mo lona nuu uma.+
16 Na pule Ioapo+ le tama a Seruia i le ʻautau; a o Iosefatu+ le atalii o Ailuta na faia faamaumauga.
17 Na avea Satoka+ le atalii o Akitopo ma Aimeleka le atalii o Aviata ma ositaulaga, ae na avea Seraia ma failautusi.
18 Na pule foʻi Penaia+ le atalii o Ioiata i tagata Kereti ma tagata Peleti.+ Ae o atalii o Tavita na fai ma alii sili.*
Faamatalaga Pito i Lalo
^ Po o le “ma fuaina i latou i se maea.”
^ Po o le “faaolataga.”
^ Po o le “faaolataga.”
^ Epe., “fai ma ositaulaga.”
