Amosa 1:1-15
1 O upu a Amosa,* o se tasi o ē e tausia mamoe mai i Tikoa,+ o upu na oo atu iā te ia i faaaliga e uiga iā Isaraelu i aso o Usia+ le tupu o Iuta, ma aso foʻi o Ierepoamo+ le atalii o Ioasa+ le tupu o Isaraelu, i le lua tausaga a o lumanaʻi le mafuiʻe.+
2 Ua ia faapea atu:
“O le a leotele mai Ieova e pei o se leona mai i Siona,E tulei ifo foʻi lona siʻufofoga mai i Ierusalema.
E faavauvau fanua e aai ai lafumanu a leoleo mamoe,E mago foʻi le tumutumu o Karamelu.”+
3 “O le fetalaiga lenei a Ieova,ʻ“Ona o fouvalega* e tolu a Tamaseko, e fā foʻi, ou te lē liliuese ai lona faasalaga,Auā na latou solia Kiliata i a latou uʻamea e soli ai saito.+
4 O lea, ou te auina atu se afi i le aiga o Asaeli,+Ma faatamaʻia ai ʻolo malolosi o Peniata.+
5 Ou te gausia pou faalava o faitotoʻa o pā o Tamaseko;+Ou te faaumatia ē e nonofo i Pikata-aveni,Ma lē e pule* mai i Pete-etena;O le a ave faapagota foʻi tagata o Suria i Kiri,”+ ua fetalai mai ai Ieova.’
6 O le fetalaiga lenei a Ieova,ʻ“Ona o fouvalega e tolu a Kasa,+ e fā foʻi, ou te lē liliuese ai lona faasalaga,Auā na latou ave se aofaʻiga atoa o pagota+ ina ia tuuina atu iā Etoma.
7 O lea, o le a ou auina atu se afi i pā o Kasa,+Ma e faatamaʻia ai ona ʻolo malolosi.
8 O le a ou faaumatia ē e nonofo i Asetota,+Ma lē e pule* mai i Asekelona;+Ou te liliu atu loʻu lima iā Ekerona,+E fano foʻi ē o totoe i Filisitia,”+ ua fetalai mai ai le Alii Pule Silisili Ese o Ieova.’
9 O le fetalaiga lenei a Ieova,‘Ona o fouvalega e tolu a Turo,+ e fā foʻi, ou te lē liliuese ai lona faasalaga,Auā na latou tuuina atu se aofaʻiga atoa o pagota iā Etoma,Ma e latou te leʻi manatua foʻi le feagaiga a uso.+
10 O lea, o le a ou auina atu se afi i pā o Turo,Ma e faatamaʻia ai ona ʻolo malolosi.’+
11 O le fetalaiga lenei a Ieova,‘Ona o fouvalega e tolu a Etoma,+ e fā foʻi, ou te lē liliuese ai lona faasalaga,Auā na ia tuliloaina lona lava uso i le pelu,+Ma talu ai na ia gaoioi e aunoa ma le alofa mutimutivale;Ua faaauau ai ona ia saeia i latou i lona ita,Ma tumau ai pea lona toʻatamaʻi iā i latou.+
12 O lea, o le a ou auina atu se afi i Timanu,+Ma e faatamaʻia ai ʻolo malolosi o Posara.’+
13 O le fetalaiga lenei a Ieova,ʻ“Ona o fouvalega e tolu a le fanauga a Amoni,+ e fā foʻi, ou te lē liliuese ai lona faasalaga,Auā na latou faatiauina fafine totō o Kiliata, ina ia faalautele atu ai o latou laueleele.+
14 O lea, o le a ou auina atu se afi i pā o Rapa,+Ma e faatamaʻia ai ona ʻolo malolosi,Ma le alaga o le taua i le aso o le taua,Ma le matagi malosi i le aso o le afā.
15 E ave faapagota foʻi lo latou tupu atoa ma ona perenise,”+ ua fetalai mai ai Ieova.’
Faamatalaga Pito i Lalo
^ Lona uiga “O se Avega” po o le “Tauave se Avega.”
^ Po o “solitulafono.”
^ Epe., “lē ua uuina le tootoo.”
^ Epe., “lē ua uuina le tootoo.”
