Amosa 2:1-16
2 “O le fetalaiga lenei a Ieova,ʻ“Ona o fouvalega* e tolu a Moapi,+ e fā foʻi, ou te lē liliuese ai lona faasalaga,Auā ua ia susunuina ivi o le tupu o Etoma ina ia liu lefulefu.*
2 O lea, o le a ou auina atu se afi i Moapi,Ma e faatamaʻia ai ʻolo malolosi o Kiriota;+E oti ai foʻi Moapi i le vāvāōMa le alaga o le taua, ma le ilia o le pū.+
3 Ou te aveesea lē e pule* mai iā te ia,Ma fasiotia ona perenise uma faatasi ma ia,”+ ua fetalai mai ai Ieova.’
4 O le fetalaiga lenei a Ieova,‘Ona o fouvalega e tolu a Iuta,+ e fā foʻi, ou te lē liliuese ai lona faasalaga,Ona ua latou teena le tulafono* a Ieova,Ma ua latou lē tausia ana poloaʻiga;+Ae ua taʻitaʻisesēina i latou i pepelo na savavali ai foʻi o latou augātamā.+
5 O lea, o le a ou auina atu se afi i Iuta,Ma e faatamaʻia ai ʻolo malolosi o Ierusalema.’+
6 O le fetalaiga lenei a Ieova,‘Ona o fouvalega e tolu a Isaraelu,+ e fā foʻi, ou te lē liliuese ai lona faasalaga,Ona ua latou faatau atu le tagata amiotonu mo siliva,Ua faatau atu foʻi le tagata mativa mo se pea seevae.+
7 Ua latou soli i le efuefu ulu o tagata faatauvaa,+Ua latou punitia foʻi le ala o tagata agamalu.+
Ua ō i le teine e toʻatasi le tamāloa ma lona tamā,Ua faalumaina ai loʻu igoa paia.
8 O ofu na latou aumaia e faamau ai se aitalafu,+ ua latou taooto ai i tafatafa ane o fata faitaulaga uma;+O le uaina foʻi na faatauina mai i tupe a ē na latou faasalaina, ua latou feinu ai i le fale* o o latou atua.’
9 ‘A o aʻu, na ou faaumatia le tagata Amorī i o latou luma,+O lona umī e pei o laau o le arasi, ma o lona malosi e pei o laau maualuluga;Na ou faaumatia foʻi ona fua i luga ma ona aa i lalo.+
10 Na ou aumaia outou mai i le atunuu o Aikupito,+Ma ou taʻitaʻiina outou i le toafa* i tausaga e 40,+Ina ia fai mo outou le laueleele o tagata Amorī.
11 Na ou faatūina aʻe nisi o o outou atalii e fai ma perofeta,+Ma nisi o o outou tauleleʻa e fai ma Naseri.+
Le fanauga a Isaraelu e, pe e lē moni ea?’ ua fetalai mai ai Ieova.
12 ‘Ae na outou avatu pea uaina i tagata Naseri ina ia feinu ai,+Ma na outou faatonuina le ʻauperofeta: “E sā ona outou faia ni valoaga.”+
13 O lenei, ou te taomia outou i le mea o loo outou iai.E pei ona taomia o le eleele e se taavale toso ua tumu i fusi saito faatoʻā seleseleina.
14 E leai se mea e sola atu i ai le tagata saoasaoa,+E lē faatumauina e lē ua malosi lona malosi,E leai foʻi se toa e mafai ona ia faasaoina lona lava ola.
15 E lē tumau o lē e na te uu le ʻaufana,E lē faasaoina o lē ua momoʻe saoasaoa,E lē faasaoina foʻi e lē e tiʻetiʻe solofanua lona lava ola.
16 E oo lava foʻi i le toa e sili ona lototele,O le a sola lē lavalavā o ia i lea aso,’+ ua fetalai mai ai Ieova.”
Faamatalaga Pito i Lalo
^ Po o “solitulafono.”
^ Epe., “ina ia maua ai le namu.” O se pauta paʻepaʻe e maua mai pe a susunuina mea e pei o maa manutinuti, ʻamu, o ponaivi ma atigi figota. O le upu Peretania, o le lime.
^ Epe., “le faamasino.”
^ Po o le “faatonuga.”
^ Po o le “malumalu.”
^ Tagaʻi i le Uiga o Upu.
