Amosa 4:1-13
4 “O outou povi fafine o Vasana, ia faalogo mai i lenei upu,O ē o loo i le mauga o Samaria,+O outou fafine o loo taufaasesē i ē e faatauvaa+ ma tuʻimomomoina ē e matitiva,O ē ua fai atu i a latou tane,* ‘Aumai se mea e matou te feinu ai!’
2 Ua tautō le Alii Pule Silisili Ese o Ieova i lona paia,ʻ“Faauta! O le a oo mai iā te outou aso o le a ia sisiina aʻe ai outou i mātau a lē e fasi manuMa ē e totoe iā te outou i mātau iʻa.
3 O le a outou ō atu i vaega malepe o le pā, e taʻitasi ma alu saʻo i ona luma;O le a lafoaʻia foʻi outou i fafo i Hamono,” ua fetalai mai ai Ieova.’
4 ‘Ia ō mai i Peteli ma solitulafono* ai,+Ia faatele solitulafono i Kilikala!+
Ia aumai a outou taulaga+ i le taeao,Ma a outou sefuluaʻi+ i le aso lona tolu.
5 Le fanauga a Isaraelu e, ia faamū se taulaga faafetai mai i falaoa ua faafefeteina;+Ia faasilasila atu ma le leotele a outou taulaga tauofo!
Auā o le mea lea ua outou fiafia tele e fai,’ ua fetalai mai ai le Alii Pule Silisili Ese o Ieova.
6 ‘O aʻu foʻi, na ou avatu iā te outou nifo e mamā mai i meaʻai* i o outou aai uma,Ma faapogaia le oge i meaʻai i o outou fale uma;+Ae e tou te leʻi foʻi mai lava iā te aʻu,’+ ua fetalai mai ai Ieova.
7 ‘Na ou taofia foʻi timuga mai iā te outou a o toe tolu masina oo i le seleselega;+Na ou faatotō ifo le timu i le tasi aai, ae ou te leʻi faatotō ifo i le isi aai.
E oo le timu i le tasi fanua,Ae e lē oo le timu i le isi fanua ma ua mago ai.
8 E ō atu ma le vaivai tagata o aai e lua pe tolu i le aai e tasi ina ia feinu ai,+Ae e lē malilie i latou;Peitaʻi, e tou te leʻi foʻi mai lava iā te aʻu,’+ ua fetalai mai ai Ieova.
9 ‘Na ou taia outou i le matagi vevela ma le polopologā.+
Na outou faateleina a outou togālaau ma togāvine,Ae na faatamaʻia e sē akerise a outou laau o le mati ma laau o le olive;+Ae e tou te leʻi foʻi mai lava iā te aʻu,’+ ua fetalai mai ai Ieova.
10 ‘Na ou auina atu iā te outou se faamaʻi e pei ona iai i Aikupito.+
Na ou fasiotia ou tauleleʻa+ i le pelu, ma aveeseina a outou solofanua.+
Na ou faaoo aʻe i o outou isu le manogi leaga o o outou togālauapi;+Ae e tou te leʻi foʻi mai lava iā te aʻu,’ ua fetalai mai ai Ieova.
11 ‘Na ou faatafunaina outouE pei ona faatafunaina e le Atua o Sotoma ma Komoro.+
Na pei outou o se ogālaau ua seʻi ese mai i le afi;Ae e tou te leʻi foʻi mai lava iā te aʻu,’+ ua fetalai mai ai Ieova.
12 Isaraelu e, o le mea lenā ou te faia iā te oe.
Talu ai o le a ou faia lenei mea iā te oe,Isaraelu e, inā sauni ia e fetaiaʻi ma lou Atua.
13 Faauta! o ia o Lē na faia mauga+ ma foafoaina le matagi;+Ua ia taʻu atu i tagata Ona manatu,Ua ia liua le malamalama o le taeao i le pōuliuli,+Ua ia savali foʻi i mea maualuluga o le lalolagi;+O Ieova le Atua o ʻau, o lona suafa lea.”
Faamatalaga Pito i Lalo
^ Po o le “i o latou matai.”
^ Po o le “fouvale.”
^ Po o le “ou te leʻi avatua iā te outou ni meaʻai.”