Amosa 6:1-14
6 “Oi talofa iā i latou ua mautinoa naʻuā* o loo i Siona,Ma ē ua lagona le saogalemu i le mauga o Samaria,+O i latou o tagata aloaʻia o atunuu,O i latou ua ō atu i ai le aiga o Isaraelu!
2 Ia outou sopo atu i Kalene ma vaavaai i ai.
Ia ō atu mai i inā agaʻi i Amato Tele,+Ma ō ifo i Kata i Filisitia.
Pe e sili atu nei malo nai lo o ou malo,*Pe e tetelē atu o latou laufanua nai lo o outou laufanua?
3 Po ua tou faagalogalo ea le aso o puapuaga+Ma tou aumaia se pulega sauā?*+
4 Ua latou taooto i moega ua faia i nifo elefane,+ ma taooto faaloloa i sofa,+O loo aai foʻi i tamaʻi mamoe poʻa o le lafu, ma tamaʻi povi* pepeti;+
5 Ua latou fatu ni pese e tusa ma le leo o le kitara,*+Ua latou fausia foʻi meafaifaaili e pei o Tavita;+
6 Ua inu a latou uaina i ipu tetele+Ma uu o latou tino i suāuu e sili ona lelei.
Ae ua lē ano* i latou i le malaia o Iosefa.+
7 O le mea lea o le a ave faapagota ai i latou, e muamua atu i ē o le a ave faapagota,+Ma e faaiʻuina le taimi fiafia o ē e taooto faaloloa.
8 ‘Ua tautō le Alii Pule Silisili Ese o Ieova iā te ia lava,’+ ua fetalai mai ai Ieova le Atua o ʻau,ʻ“Ua ou ʻinoʻino i le mitamitaga o Iakopo,+Ua ou inosia foʻi ona ʻolo malolosi,+Ma ou te tuuina atu le aai ma mea uma ua iai i ona fili.+
9 “‘“Afai foʻi e totoe tagata e toʻasefulu i se fale, e latou te feoti ai lava.
10 O le a ave i latou e se tauaiga,* ma susunuina taʻitasi i latou. O le a ia aumaia o latou ponaivi mai i le fale; ona ia fai atu lea i so o se isi o loo i potu pito i totonu o le fale, ‘Po o iai pea nisi ma oe?’ Ae e faapea mai o ia, ‘E leai se isi!’ Ona faapea atu lea o ia, ‘Ia fifilemu! Auā e lē o le taimi lenei e taʻua ai le suafa o Ieova.’”
11 Auā ua poloaʻi mai Ieova,+Ma o le a taia e ia le fale telē ina ia solo i laloMa lepetia ai le tamaʻi fale.+
12 Pe e taufetuli ea solofanua i mea papa,Pe suatia foʻi e se tagata le mea papa i povi?
Auā ua outou liua le faamasinotonu i le laau e oti ai,Ma le fua o le amiotonu i le laau oona.*+
13 Ua outou fiafia i mea e lē aogā,Ma ua outou faapea mai, “Pe e tatou te leʻi manumalo ea* i lo tatou lava malosi?”+
14 O lea, le aiga o Isaraelu e, ou te faatulaʻi se nuu e faasagatau atu iā te outou,+O le a latou sauāina outou e amata mai i Lepo-amato*+ seʻia oo i le ālia* o Arapa,’ ua fetalai mai ai Ieova le Atua o ʻau.”
Faamatalaga Pito i Lalo
^ Po o le “faifaimālie.”
^ E foliga mai e faasino atu i malo o Iuta ma Isaraelu.
^ Epe., “nofoa o iai le sauā?”
^ Po o “tamaʻi povi poʻa.”
^ O se meafaifaaili anamua e ese mai i le kitara i aso nei. O le upu Peretania, o le harp.
^ Epe., “lē mamaʻi.”
^ Epe., “le uso o lona tamā.”
^ Po o le “i se mea oona.”
^ Epe., “mauaina ni nifo mo i tatou lava.”
^ Po o “i le mea e ulu atu ai i Amato.”
^ Tagaʻi i le Uiga o Upu.
