Amosa 8:1-14
8 O le mea lenei ua faailoa mai e le Alii Pule Silisili Ese o Ieova iā te aʻu: Faauta! Ua iai se ato o fualaau ʻaina o le tau māfanafana.
2 Ona ia fetalai mai lea: “Amosa, o le ā le mea ua e vaai i ai?” Ua ou tali atu: “O se ato o fualaau ʻaina o le tau māfanafana.” Ua toe fetalai mai Ieova iā te aʻu: “Ua oo mai le iʻuga o loʻu nuu o Isaraelu. Ou te lē toe faapalepale iā i latou.+
3 ‘O le a liua i le tagiauē pese o le malumalu i lea aso,’+ ua fetalai mai ai le Alii Pule Silisili Ese o Ieova. ‘O le a lafoaʻiina i mea uma lava le tele o tino o tagata oti,+ ia soia le pisa!’
4 Ia faalogo mai i lenei mea, o outou o ē ua solia lē e mativa,Ma faapuapuagatia le tagata agamalu i le laueleele,+
5 O ē e faapea ane, ‘O afea o le a mavae atu ai le tausamiga o le masina faatoʻā vaaia+ ina ia faatau atu ai a tatou saito,Ma le Sapati+ ina ia tatou tatala ai saito e faatau atu?
Ina ia tatou faaitiitia ai le fua o le efa*Ma faatele ai le mamafa o le sekeli,*E faasesē ai la tatou fua faatautau taufaasesē;+
6 Ina ia tatou faatau mai ai tagata faatauvaa i siliva,Ma le tagata mativa i se pea seevae,+Ma faatau atu ai saito leaga.’
7 Ua tautō Ieova i le Mitamitaga o Iakopo,+‘Ou te lē faagaloina lava a latou galuega uma.+
8 O le mea lea o le a gatete ai le laueleele,*Ma faavauvau ai ē uma e nonofo ai.+
Po o le a lē alu aʻe ea le laueleele atoa e pei o le vaitafe o le Naila,Ma fesouaʻiina ma magoto ifo e pei o le vaitafe o le Naila o Aikupito?’+
9 Ua fetalai mai le Alii Pule Silisili Ese o Ieova, ‘O lea aso,Ou te faagotoina ai le lā i le aoauli,Ma ou te faapouliuligia le laueleele i le ao teatea.+
10 O le a ou liua i le faavauvau a outou tausamiga+Ma a outou pesega uma i pese faanoanoa,*
Ou te tuu ʻie talatala i sulugātiti uma ma o le a sele mamā ulu uma;Ou te faia lea mea e pei o le faavauvau mo se atalii e toʻatasi,Ma o le iʻuga o lea mea e pei o se aso vale.’
11 ‘Faauta! O le a oo mai aso,’ ua fetalai mai ai le Alii Pule Silisili Ese o Ieova,‘Ou te auina atu ai le oge i le laueleele,E lē o se oge i meaʻai, po o le galala i se vai,Ae o le fia faalogologo i afioga a Ieova.+
12 O le a latou tautevateva mai i le tasi sami i le isi sami,Ma e mai i le itu i mātū e oo i le itu i sasaʻe.*
O le a latou feofeoaʻi solo a o latou saʻiliʻili atu mo le afioga a Ieova, ae e latou te lē mauaina.
13 O lea aso, o le a matapogia ai teine muli aulelei,E faapea foʻi i tane talavou ona o le fia feinu;
14 O i latou ua tautō i le agasala a Samaria,+ ma fai mai,“Tanu e! Talu ai o loo ola lou atua”+
Ma “O loo ola foʻi le ala o Peresepa!”+
O le a latou paʻuʻū, ma o le a latou lē toe tutulaʻi mai.’”+
Faamatalaga Pito i Lalo
^ Po o le “lalolagi.”
^ Po o “pese o auega.”
^ Po o le “mea e oso aʻe ai le lā.”
