Amosa 9:1-15
9 Ua ou iloa Ieova+ ua afio i luga aʻe o le fata faitaulaga, ma ua ia fetalai mai: “Ia tā le pito i luga o le poutū, ina ia lūlū ai faavae. Ia tā ese pito i luga o poutū uma ma o ē o totoe o le nuu, ou te fasiotia i le pelu. E lē sao se tasi o i latou e sola, e lē taulau foʻi se isi e taumafai e sola ese.+
2 Afai e latou te eli i le Tuugamau* ina ia lalafi ai,E aumaia i latou mai i lea mea e loʻu lima;Afai foʻi e latou te ō aʻe i le lagi,Ou te ave ifo i latou mai i lea mea.
3 Afai e latou te lalafi i le tumutumu o Karamelu,Ou te saʻili i lea mea ma maua ai i latou.+
Afai foʻi e latou te lalafi mai i oʻu luma i le ilititai o le sami,Ou te faatonuina le gata i lea mea e ūina i latou.
4 Afai e ave faapagota i latou i luma o o latou fili,O le a ou faatonuina le pelu i lea mea ma fasioti ai i latou;+Ou te faasaga atu iā i latou ina ia malaia ai, ae e lē ina ia manuia ai.+
5 O le Alii Pule Silisili Ese o Ieova o ʻau, o Lē ua paʻi i le laueleele*Ina ia liusuāvai ai,+ ma o le a faavauvau o ē uma e nonofo ai;+O le a alu aʻe foʻi le laueleele atoa e pei o le vaitafe o le Naila,Ma e magoto ifo e pei o le vaitafe o le Naila o Aikupito.+
6 ‘O Lē ua fausia ana faasitepu e agaʻi i le lagi,Ma faavaeina ana fausaga i luga o le lalolagi;O lē foʻi o loo valaau i vai o le sami,Ina ia liligi ifo i le fogāeleele,+O Ieova o lona suafa lea.’+
7 ‘Le fanauga a Isaraelu e, po ua lē pei ea outou o atalii o Kuso iā te aʻu?’ ua fetalai mai ai Ieova.
‘Po ou te leʻi aumaia ea Isaraelu mai i le atunuu o Aikupito,+O tagata Filisitia mai i Kereta,+ ma Suria mai i Kiri?’+
8 ‘Faauta! Ua silasila le Alii Pule Silisili Ese o Ieova i le malo agasala,Ma e na te faaumatia mai i le fogāeleele.+
Peitaʻi, ou te lē faaumatia atoatoa le aiga o Iakopo,’+ ua fetalai mai ai Ieova.
9 ‘Auā faauta! Ou te poloaʻi atu,Ma ou te lūlūina le aiga o Isaraelu i atunuu uma,+E pei ona lūlūina e se tasi i le faamamāIna ia lē paʻū ai se maamaa i le laueleele.
10 E feoti i latou i le pelu, o tagata agasala uma o loʻu nuu,O ē o loo faapea ane: “E lē taitai latalata mai le mala iā i tatou pe e oo mai iā i tatou.”’
11 ‘O lea aso, o le a ou faatūina ai le faleʻie o Tavita+ ua paʻū,Ma ou toe faaleleia mea ua lepetia,Ou te toe atiaʻe foʻi ana mea ua faatafunaina;Ou te toe fausiaina e pei o aso ua mavae,+
12 Ina ia fai mo i latou mea o totoe o Etoma,+Ma nuu uma ua faaigoaina i loʻu igoa,’ ua fetalai mai ai Ieova, o lē ua faia lenei mea.
13 ‘Faauta! O le a oo mai aso,’ ua fetalai mai ai Ieova,‘A o leʻi seleseleina le tele o le fuata, ae ua oo mai le taimi e suatia ai le fanua,Ma a o leʻi solia le tele o vine, ae ua oo i le taimi e lūlū ai fatu;+E sisina ifo foʻi le uaina suamalie i mauga,+Ma e tatafe ifo i* aʻega uma.+
14 O le a ou toe aumaia o ē na ave faapagota o loʻu nuu o Isaraelu,+O le a latou toe fausia aai na faatafunaina ma nonofo ai,+E latou te totō togāvine ma feinu ai i le uaina,+E latou te fai foʻi togālaau ʻaina ma aai ai i o latou fua.’+
15 ‘O le a ou totōina i latou i lo latou laueleele,Ma o le a lē toe liaʻiina lava i latouMai i lo latou laueleele na ou avatu iā i latou,’+ ua fetalai mai ai Ieova lou Atua.”
Faamatalaga Pito i Lalo
^ Po o “Seoli.” Tagaʻi i le Uiga o Upu.
^ Po o le “lalolagi.”
^ Epe., “e liusuāvai.”
